2 Corintios 9:5 - Chayahuita (Shahui)

⁵ Napoaton iyaroꞌsaꞌ aquëchitërahuë. Iꞌhua yonquiramaꞌ aꞌnapita catahuacasoꞌ. Inapitasoꞌ catahuarinënquëmaꞌ coriqui yontonacamaso marëꞌ. Nani yontonpatamaꞌ, noya quënanconarai. Canpitaora nohuanton, quëtocoꞌ. Co quiyaora nohuanton, yamaꞌparainquëmahuëꞌ.

2 Corintios 9:5 ပူးပေါင်းရင်းမြစ်များ

Génesis 33:11

Yosë nohuanton maꞌhuanahuë, co manta pahuantërincohuëꞌ. Napoaton, quëshiranquënsopita, onpopionta maquëꞌ, itërin. Napotápaton Isao anohuantërin. Yaꞌipi aꞌpatërinsopita manin huachi.

2 Reyes 5:15

Nani noyatohuachina yaꞌipi caꞌtaninsopitarë chachin Irisio nicapona panantapi. Cantonahuaton: —Yaꞌipi isoroꞌpaquë nisha nisha mamanshi moshapirinahuëꞌ, co inapitaso Yosëhuëꞌ. Isëquësáchin Yosëso yaꞌhuërin tënahuë. Ina nitotato, quëshiranquënsopita maquë topirahuë, itërin.

1 Corintios 16:2

Nani Tomio tahuëri niyontonpatamaꞌ, coriqui acocoꞌ. Nanitëramasoꞌ acocoꞌ. Naꞌcon canahuatamaꞌ, naꞌcon quëtocoꞌ. Piꞌpian canahuatamaꞌ, piꞌpian quëtocoꞌ. Nani simana inapohuatamaꞌ, nicaponquëmaꞌ paꞌpato, coriqui yontonamasoꞌ quënanconarahuë.

2 Corintios 8:6

Iꞌhua chachin Tito shaꞌhuitërinquëmaꞌ niꞌton, canpitantaꞌ yonquiramaꞌ coriqui yontonacamasoꞌ. “Imapisopita pahuantopi niꞌton, aꞌpatahuaꞌ,” tënamaꞌ. Napoaton iꞌhuamiachin Tito itërai: “Naquëranchin paantaton, pënëantaquëꞌ yaꞌipi coriqui yaaꞌpapisoꞌ ananiinaꞌ,” itërai.

2 Corintios 9:3

Nipirinhuëꞌ, “Co yaꞌipi coriqui yontonchátërapihuëꞌ,” taꞌto, isopita iyaroꞌsaꞌ aꞌpataranquëmaꞌ nontinquëmaso marëꞌ. “Nani yontonapi huëshirahuë,” itopirahuëꞌ, ipora huantaꞌ pahuanamara. Co topinan quëran napotaꞌhuasoꞌ yaꞌhuërinhuëꞌ, tënahuë.

2 Corintios 9:6

Isontaꞌ yonquicoꞌ: “Piꞌpian shaꞌtohuatëra, piꞌpian manëꞌ. Pancana shaꞌtohuatëra, naꞌcon manëꞌ,” topi.

Filipenses 4:17

Ina marëꞌ noya cancantërahuë. Co coriqui quëtëramacoso marëáchin noya cancantërahuëꞌ. Catahuaramacoso marëꞌ Yosëꞌpaꞌ canaaramaꞌ niꞌton, noya noya cancantërahuë.