2 Corintios 9:14 - Chayahuita (Shahui)

¹⁴ Yosë nohuanton, naꞌcon nosororamaꞌ niꞌton, inapitantaꞌ nosoroatënquëmaꞌ, canpita marëꞌ Yosë nontapi huachi.

2 Corintios 9:14 ပူးပေါင်းရင်းမြစ်များ

Lucas 16:9

Coriqui yaꞌhuëtohuachinquëmaꞌ, ama canpitaoráchin iꞌquicosohuëꞌ. Aꞌnapita pahuantohuachinaꞌ, quëtocoꞌ. Inapohuatamaꞌ, Yosëꞌpaꞌ noya niꞌsarinquëmaꞌ. Chiminpatamaꞌ, Yosë inápaquë quëpantarinquëmaꞌ. Coriquinëmaꞌ patopiramahuëꞌ, inatohuaꞌ noya noya yaꞌhuëcontaramaꞌ.

Romanos 1:11

Yaniꞌnanquëmaꞌ. Yacatahuaranquëmaꞌ chiníquën cancantamaso marëꞌ. Ina quëran noya noya imasaramaꞌ.

2 Corintios 1:11

Canpitantaꞌ quiya marëꞌ chiníquën Yosë nontocoꞌ catahuaincoi. Naꞌanquëmaꞌ quiya marëꞌ Yosë nontohuatamaꞌ, Yosë catahuarincoi. Ina quëran canpitantaꞌ noya cancantaramaꞌ. “Ma noyacha Yosëri catahuarin paya,” taꞌtomaꞌ, “Yosparinquën Sinioro,” tosaramaꞌ.

2 Corintios 8:1

Isontaꞌ iyaroꞌsaꞌ yashaꞌhuitëranquëmaꞌ. Masitonia parti naꞌa piyapiꞌsaꞌ Quisocristo imasapi. Nisha nisha ninanoquë niyontonatonaꞌ, Yosë chinotapi. “Yosë naꞌcon nosororinpoaꞌ,” taꞌtonaꞌ, aꞌnapita noya nosoroapi. Yosëri chachin catahuarin ina pochin cancantacaiso marëꞌ.

2 Corintios 9:13

Catahuaramaꞌ niꞌton, noya cancantapi. “Ma noya Quisocristo nanamën natëtonaꞌ, catahuarinënpoaꞌ. Ma noyacha Yosësoꞌ niꞌton, ina nohuanton, naꞌa piyapiꞌsaꞌ catahuapi paya,” tosapi.

2 Corintios 9:15

Yosëso nipirinhuëꞌ naꞌcon naꞌcon quëtërinpoaꞌ. Huiꞌnin chachin aꞌpaimarin nichaꞌëinpoaso marëꞌ. Inasoꞌ noya nóya niꞌton, “Yosparinquën, Sinioro,” itahuaꞌ.

Filipenses 1:8

Quisocristo nosororinpoaso pochachin carinquëmantaꞌ nosororanquëmaꞌ. Paꞌpi yaniꞌnanquëmaꞌ. Yosë niꞌsárinco noꞌtëquën nontaranquëmaꞌ.

Filipenses 2:26

Iꞌhuamiáchin chiníquën caniorin, natantëramaꞌ. Nani noyatahuaton, yaꞌhuërinꞌpaꞌ yapanantarin. Yaniꞌninquëmaꞌ. “Caniorahuësoꞌ natantatonaꞌ, paꞌyamaraiꞌ,” taꞌton, manorarin. Napoaton “Noyahuaꞌ. Panantaquëꞌ nipachin,” itërahuë.

Filipenses 4:1

Napoaton iyaroꞌsaꞌ Quisocristo imamiatocoꞌ. Naꞌcon nosororanquëmaꞌ. Yaꞌnipishahuëꞌ yaniꞌnanquëmaꞌ. Canpita yonquiatënquëmaꞌ, nóya cancantërahuë. Noya imaramaꞌ niꞌton, co topinan quëran aꞌchintëranquëmahuëꞌ, tënahuë.

1 Timoteo 1:14

Sinioro chachin inaora nohuanton, nosoroatonco, naꞌcon catahuarinco. Catahuahuachincora, “Quisocristoíchin anoyacancantarinco,” taꞌto, ina natërahuë. Ina imato, nosororahuë cantaꞌ.