2 Corintios 9:10 - Chayahuita (Shahui)

¹⁰ Niꞌcoꞌ. Yosë nohuanton, yaꞌpirin yaꞌhuërin shacacaso marëꞌ. Shaꞌpatëra, ina nohuanton, naꞌa papotërin capacaso marëꞌ. Inapochachin ina nohuanton, maꞌsha yaꞌhuëtarinquëmaꞌ. Aꞌnapita topinan quëtohuatamaꞌ, Yosë catahuarinquëmaꞌ noya noya cancantacamaso marëꞌ.

2 Corintios 9:10 ပူးပေါင်းရင်းမြစ်များ

Génesis 47:19

Quiyaora chachin nipachin, noꞌpanëhuëirëꞌcoi paꞌancoi. Ina yaꞌhuërënamën trico quëtocoi. Inapohuatoi huaraon piyapinënpitacoi nisarai. Ina marëꞌ noꞌpanëhuëiquë chachin sacachi. Cosharo quëtohuatancoi, noꞌpanëhuëiquë sacatarai niꞌton, co nitapiarinhuëꞌ. ¡Taquihuatoisoꞌ, noꞌpanëhuëintaꞌ pantatarin. Inapohuatoi, quëmanta co manta canaponhuëꞌ! itopi.

Eclesiastés 11:6

Napoaton tashiramiachin shaꞌtëquëꞌ. Iꞌhuanahuanquëntaꞌ, shaꞌtaantaquëꞌ. Co nitotërëhuahuëꞌ insoso noyatapon nimara. Yaꞌnan shaꞌnëhuaso aꞌna nimara, piquëran shaꞌtërëhuaso aꞌna nimara. Cato chachin aꞌna nimara.

Isaías 55:10

Ina quëran Sinioro taantarin: “Ocaiꞌ, oꞌnan, inapitaso inápa quëran anotërin. Napohuachina co topinan panantarinhuëꞌ. Isoroꞌpaꞌ ashipirotaton anoyatërin, yaꞌpirin apaporin, naporin. Nitohuachina, yaꞌpirin shacacaiso yaꞌhuërin. Cosharonta yaꞌhuërin huachi.

Mateo 6:1

Naquëranchin Quisoso pënëntaantarin: “Aꞌnaquënsoꞌ piyapiꞌsari noya nicacaiso marëꞌ noya Yosë imapisopita pochin yaꞌnopirinahuëꞌ, co tëhuënchachin cancanëna quëran huarëꞌ Yosë yonquipihuëꞌ. Ina pochin nipatamaꞌ, co inápaquë Tata Yosë acanaarinquëmahuëꞌ. Ama iyaroꞌsaꞌ inapita pochin nicosohuëꞌ.

2 Corintios 9:12

Imapisopita catahuahuatamaꞌ, co huachi pahuantapihuëꞌ. Naporahuaton, naꞌcon naꞌcon Yosë yonquiapi. “Yosparinquën, Sinioro,” itapi.

2 Corintios 9:6

Isontaꞌ yonquicoꞌ: “Piꞌpian shaꞌtohuatëra, piꞌpian manëꞌ. Pancana shaꞌtohuatëra, naꞌcon manëꞌ,” topi.

Gálatas 3:5

“Quisocristoíchin anoyacancantërinco,” topatamaꞌ, Ispirito Santo yaꞌcoancantërinquëmaꞌ. Inapotohuachinquëmaꞌ, achinicancaninquëmaꞌ. Catahuarinquëmaꞌ niꞌton, nani maꞌsha nanitaparamaꞌ. Co iráca pënëntërinsoꞌ natëramaso marëꞌ catahuarinquëmahuëꞌ.

Efesios 5:9

Tahuëri pochin cancantohuatamaꞌ, nóya nisaramaꞌ. Noꞌtëquënáchin yonquiatomaꞌ, noyápiachin cancantaramaꞌ.

Filipenses 1:11

Quisocristo catahuahuachinquëmaꞌ, noyasáchin nisaramaꞌ. Ina quëran aꞌnapitantaꞌ nicatënquëmaꞌ, Yosë yonquiapi. “Ma noya Yosëri catahuarin niꞌton, noya nipi. Ma noyacha Yosëso paya,” tosapi.

Filipenses 4:17

Ina marëꞌ noya cancantërahuë. Co coriqui quëtëramacoso marëáchin noya cancantërahuëꞌ. Catahuaramacoso marëꞌ Yosëꞌpaꞌ canaaramaꞌ niꞌton, noya noya cancantërahuë.

1 Tesalonicenses 3:12

Naꞌcon nosororainquëmaꞌ. Inapochachin canpita capinintaꞌ ninosorocamasoꞌ yaꞌhuërin. “Catahuaquëꞌ Sinioro noya noya ninosoroꞌinaꞌ. Yaꞌipi piyapiꞌsaꞌ nosoroꞌinaꞌ,” itërahuë, Yosë nontato.

1 Tesalonicenses 4:10

Nani huachi imapisopita nosoroaramaꞌ. Yaꞌipi Masitonia parti yaꞌhuëpisopita aquë yaꞌhuëpirinahuëꞌ, Quisocristo imapachinara, nosororamaꞌ. Iporasoꞌ, iyaroꞌsaꞌ, naꞌcon naꞌcon ninosorocoꞌ, tënai.