2 Corintios 9:1 - Chayahuita (Shahui)

¹ Tëhuënchachin aꞌnapita imapisopita pahuantohuachinaꞌ, maꞌsha quëtacasoꞌ yaꞌhuërin. Nani nitotëramaꞌ niꞌton, co naꞌcon ninshitaranquëmahuëꞌ.

2 Corintios 9:1 ပူးပေါင်းရင်းမြစ်များ

Génesis 27:42

Isao napo yonquitërinsoꞌ, Nipicaso nitotërin. Napoaton Cacopo amatahuaton, itapon: —Niꞌquë huaꞌhua. Iya masho, napotëranso marëꞌ yatëparinquën natantërahuë.

2 Reyes 22:18

Napoaponahuë aꞌpairinquëmasontaꞌ, iso pochin shaꞌhuitocoꞌ: “Pënëntërahuësoꞌ quirica nontohuachina, quëmaso natëran: ‘Iso roꞌtëquë yaꞌhuëpisopita ataꞌhuantarahuë,’ tënahuësoꞌ natanaton, co napion cancantëran. Oshanën marëꞌ sëtëran. Piyapinënpita oshanën marëntaꞌ, sëtëran. Shimashonënpitantaꞌ, co natëpiso marëhuëꞌ naporan. Inapoaton aꞌmoranso osharan. Inaporanso marëꞌ carintaꞌ, nontërancoso natananquën. Ca Sinioroco napotaranquën.

Mateo 22:31

Chiminpisopita tëhuënchachin nanpiantarapi. Moisësë nontohuachina, Yosëri chachin shaꞌhuitërin.

Hechos 24:17

Iráca Quirosarinquë yaꞌhuëpirahuëꞌ. Naꞌa piꞌipi aꞌna parti paꞌnahuë quëran iꞌhuamiáchin inaquë paantarahuë. Saꞌahuaroꞌsaꞌ nosoroato, coriqui quëtaꞌhuaso marëꞌ paꞌnahuë. Maꞌsha Yosë quëtaꞌhuaso marëntaꞌ paꞌnahuë.

Romanos 11:28

Iporasoꞌ israiroꞌsaꞌ co Quisocristo nanamën natëpihuëꞌ. Yosë inimicotopirinahuëꞌ, canpitasoꞌ imaramaꞌ. Napoaponahuëꞌ, israiroꞌsaꞌton acorin piyapinënpita nicacaiso marëꞌ. Iráca Apraan, Isaco, Cacopo, inapita shaꞌhuitërin niꞌton, ipora huantaꞌ shinpita nosoroarin.

Romanos 12:13

Imapisopita pahuantohuachinaꞌ, maꞌsha quëtocoꞌ. Niꞌtoroꞌsaꞌ yaꞌnotohuachinënquëmaꞌ, noya nontatomaꞌ, aꞌcacoꞌ.

Romanos 15:31

Cotia parti naꞌa piyapiꞌsaꞌ co Yosë natëpihuëꞌ. Inatohuaꞌ paꞌpato, Yosë nontocoꞌ ama macainacoso marëhuëꞌ. Naporahuaton, coriqui quëtontahuato, Yosë nontocoꞌ cotioroꞌsaꞌ imapisopita Quirosarinquë yaꞌhuëpisoꞌ noya nicainacoiso marëꞌ.

Gálatas 2:10

“Ama saꞌahuaroꞌsaꞌ naniantocosohuëꞌ. Imapisopita aꞌchintocoꞌ maꞌsha quëtacasoꞌ,” itërinacoi. “Coꞌchi naniantaraihuë paya. Nosororai quiyarintaꞌ,” itërahuë.

Gálatas 6:10

Napoaton yaꞌipi piyapiꞌsaꞌ nosoroaꞌhuaꞌ. Nanitohuatëhuaꞌ, catahuahuaꞌ. Quisocristo imarëhuasopita capini naꞌcon naꞌcon nicatahuahuaꞌ.

1 Tesalonicenses 5:1

Onporosona oꞌmantacasoꞌ tahuëri nanicasoꞌ, co ina iyaroꞌsaꞌ aꞌchintaranquëmahuëꞌ.

1 Juan 2:27

Canpitaso nipirinhuëꞌ Ispirito Santo yaꞌhuëtërinquëmaꞌ. Quisocristo imaramaꞌ niꞌton, ina nohuanton, yaꞌcoancantërinquëmaꞌ. Nani tahuëri aꞌchintarinquëmaꞌ. Cancanëmaquë Yosë nanamën aꞌchintarinquëmaꞌ. Co onporontaꞌ nonpintërinquëmahuëꞌ. Noꞌtëquën aꞌchintërinquëmaꞌ niꞌton, co aꞌnapita aꞌchintinquëmasoꞌ yaꞌhuërinhuëꞌ. Ina natëhuatamaꞌ, noꞌtëquën yonquiaramaꞌ. Shaꞌhuitërinquëmaso pochachin Quisocristo imamiatocoꞌ.

1 Samuel 20:23

Yoscoarëꞌ niitatë anoyatërëso nipirinhuëꞌ, Sinioronta nani nitotërin. Co inaso naniantarinhuëꞌ, itërin.