2 Corintios 8:8 - Chayahuita (Shahui)

⁸ Co camairanquëmahuëꞌ. Aꞌnapita naꞌcon Yosë marëꞌ acopisoꞌ shaꞌhuitëranquëmaꞌ yonquicamaso marëꞌ. Tëhuënchachin aꞌnapita nosorohuatamaꞌ, ama topinan quëran nontocosohuëꞌ. Catahuacoꞌ ama pahuanchinasohuëꞌ.

2 Corintios 8:8 ပူးပေါင်းရင်းမြစ်များ

Ezequiel 33:31

Ninapotatonaꞌ, huëcapairahuatënën quëma notënanquë huënsëipi. Yáinapopi niꞌton, napopi. Shaꞌhuitëransopita natanpirinahuëꞌ, co nohuantopihuëꞌ natëcaisoꞌ. Huaino cantahuachinara, yonquinëna quëran nitotopi. Inapochachin inahuanta nonansopita yonquinëna quëran nitotopitërapi. Cancanëna quëranso napoaponahuëꞌ, coriquisáchin cancantopi.

Romanos 12:9

Yaꞌipi piyapiꞌsaꞌ nosorocoꞌ. Cancanëma quëran huarëꞌ nosorocoꞌ. Co noyahuëꞌ ninamasopita aꞌpocoꞌ. Noyasáchin nicoꞌ.

1 Corintios 7:12

Isontaꞌ pënëantaranquëmaꞌ. Quisocristo isoroꞌpaquë nipon, co napopirinhuëꞌ, noya pënënaranquëmaꞌ, tënahuë. Aꞌnaquëmaꞌ coꞌhuara Quisocristo imashatërapomahuëꞌ, saꞌaramaꞌ. Iporasoꞌ imapiramahuëꞌ, saꞌamasoꞌ co yaimarinhuëꞌ. Noya yacapahuachinquëmaꞌ, ama tëꞌyatocosohuëꞌ.

1 Corintios 7:25

Iporasoꞌ co saꞌarinsopitahuëꞌ, co soꞌyarinsopitahuëꞌ, inapita maꞌsona onpocasoꞌ shaꞌhuichinquëmaꞌ. Quisocristo isoroꞌpaquë nipon, co ina aꞌchinpirinhuëꞌ, catahuarinco noꞌtëquën pënënaꞌhuasoꞌ. Nosoroatonco, acorinco nanamën aꞌchinaꞌhuaso marëꞌ. Napoaton nanitëramaꞌ natëamacosoꞌ, tënahuë.

1 Corintios 7:6

Napoaton yasaꞌapatamaꞌ, saꞌacoꞌ, tënahuë. Co yasaꞌapatamahuëꞌ, noyatapon. Co Yosë ina pochin camaipirinpoahuëꞌ, ayonquirinco niꞌton, shaꞌhuitaranquëmaꞌ.

2 Corintios 6:6

“Quisocristo imarai,” taꞌtoi, noyasáchin ninai. Yosë nanamën noya nitotërai. Maꞌsha onpotopirinacoihuëꞌ, co noꞌhuiraihuëꞌ, ahuantërai. Yaꞌipi piyapiꞌsaꞌ nóya nontatoi, catahuarai. Ispirito Santo yaꞌcoancantërincoi niꞌton, catahuarincoi noya nicaꞌhuaisoꞌ. Tëhuënchachin cancanëhuëi quëran huarëꞌ piyapiꞌsaꞌ nosororai.

2 Corintios 8:10

Iꞌhua piꞌiquë yonquiramaꞌ aꞌnapita catahuacamasoꞌ. Naporoꞌ caniaritëramaꞌ coriqui yontonacasoꞌ. Iporasoꞌ naquëranchin yontoantacoꞌ, tënahuë. Inapohuatamaꞌ, noya nisaramaꞌ.

2 Corintios 8:24

Inapita cantonpachinquëmaꞌ, noya nontocoꞌ. Ina quëran coriqui pahuantërinsopita marëꞌ yontonamasoꞌ quëtohuatamaꞌ, noya niꞌsarinënquëmaꞌ. “Paono noꞌtëquën nontërinpoaꞌ. Corintoquë imapisopitasoꞌ pahuantopisopita nosoropi mini,” tosapi. Ina quëran yaꞌhuëpiquë chachin paantahuachinaꞌ, shaꞌhuirapi antaꞌ. Yaꞌipi imapisopita nitotapi huachi.

2 Corintios 9:2

Piyapiꞌsaꞌ yacatahuaramasoꞌ nitotërahuë. Yaꞌipi Masitonia parti paꞌpato, shaꞌhuitëraꞌpiarahuë. “Iꞌhua piꞌiquë chachin Acaya parti imapisopita naꞌcon yonquipi pahuantërinsopita catahuacaisoꞌ,” itërahuë. Masitoniaroꞌsaꞌ natantahuatonaꞌ, inahuantaꞌ nohuantopi. “Inapita pochin quiyantaꞌ catahuachi, topiraihuëꞌ,” itërinaco naꞌayaꞌpi.

2 Corintios 9:7

Yaꞌipinpoaꞌ canpoara nohuanton, quëtahuaꞌ. Onposona yaquëtohuachin, quëchin. Ama nisha nisha yonquiaꞌhuasohuëꞌ. Co apiquëran quëtacasoꞌ yaꞌhuërinhuëꞌ. Noya cancantatëhuaꞌ, quëtahuaꞌ. Ina pochin quëtohuatëhuaꞌ, Yosë noya niꞌsarinpoaꞌ.

Efesios 4:15

Quisocristo nanamënso nipirinhuëꞌ noꞌtën nanan. Noya ninosoroatëhuaꞌ, inasáchin niaꞌchintahuaꞌ. Inapohuatëhuaꞌ, oshaquëran Quisocristo pochin cancantarihuaꞌ. Inasoꞌ naꞌcon nosoroatonpoaꞌ, huaꞌanëntarinpoaꞌ. Inaora nonën pochachin niꞌninpoaꞌ. Inasoꞌ motënpoa pochin niꞌton, natëcasoꞌ yaꞌhuërin.

Efesios 6:24

Quisocristo huaꞌanëntarinpoaꞌ. Ina nosoromiatohuatamaꞌ, inaora nohuanton, Yosë noya catahuainquëmaꞌ, tënahuë. Amen. Nani ninshitëranquëma huachi. Paono

Hebreos 10:24

Aꞌnapitantaꞌ yonquiaꞌahuaꞌ. Naꞌcon nosoroatëhuaꞌ, catahuahuaꞌ inahuantaꞌ noya ninosorocaiso marëꞌ. Nipënëahuanꞌ noya nicacaso marëꞌ.

Josué 24:14

—Yaꞌipi ina shaꞌhuitëranquëmasoꞌ yonquiatomaꞌ, Sinioro tëꞌhuatocoꞌ. Tëꞌhuatatoma noꞌtëquënáchin natëcoꞌ. Iráca shimashonëmapita Iopiratisiiꞌ yonsanquë yaꞌhuëaponaꞌ, nisha nisha mamanshi moshapi. Iquipitoquënta inapopi. Inapita aꞌporahuatoma Sinioroíchin chinotocoꞌ.

1 Pedro 1:22

Yosë nanamënsoꞌ noꞌtën nanan. Ina natëhuatamaꞌ, yaꞌipi co noyahuëꞌ yonquiramasopita naniantaramaꞌ. Noyápiachin cancantaramaꞌ. Yosë anoyacancantërinquëmaꞌ ninosorocamaso marëꞌ. Napoaton imaramasopita capini noya ninosorocoꞌ. Tëhuënchachin cancanëma quëran huarëꞌ ninosorocoꞌ.