2 Corintios 8:23 - Chayahuita (Shahui)

²³ “¿Intaꞌ Titosoꞌ?” itohuachinënquëmaꞌ, shaꞌhuitocoꞌ. “Coꞌta Paonorëꞌ aꞌchininsoꞌ. Inantaꞌ piyapiꞌsaꞌ catahuarin noya imacaiso marëꞌ,” itocoꞌ. “¿Maꞌmarëtaꞌ aꞌnapitantaꞌ huëꞌpi?” itohuachinënquëmaꞌ, “Nisha nisha ninano quëran aꞌpaipisoꞌ. Quisocristo noya imapi inapitantaꞌ,” itocoꞌ.

2 Corintios 8:23 ပူးပေါင်းရင်းမြစ်များ

Lucas 5:10

Amiconënpitantaꞌ paꞌyanpi, Santiaco, Coansha inapita itopisoꞌ. Sipitio huiꞌninpita inahuasoꞌ. Ina quëran Simon nontaton, Quisosori itapon: —Ama iyasha paꞌyanquësohuëꞌ. Nani catahuaranquën sami macamasoꞌ. Ipora quëran huarëso nipirinhuëꞌ, catahuaranquën piyapiꞌsaꞌ macamaso marëꞌ. Inapitantaꞌ imainacoso marëꞌ masaran, itërin.

Lucas 5:7

Amiconënpita aꞌna potiquë yaꞌhuërinsoꞌ imirin quëran anquitërin huëcatonaꞌ catahuacaiso marëꞌ. Napotohuachinara, huëꞌpi. Catoꞌ potiquë chachin sami amëntatopi. Napohuachinara, yayancominapipi.

Juan 13:16

Tëhuënchachin iyaroꞌsaꞌ patronsoꞌ chiníquën nanantërin. Piyapinënpitaso nipirinhuëꞌ co ina pochin chiníquën nanantopihuëꞌ. Comisionëontaꞌ co huaꞌanën pochin chiníquën nanantërinhuëꞌ.

1 Corintios 11:7

Quëmapinpoaso nipirinhuëꞌ Yosë nontohuatëhuaꞌ, ama motënpoaꞌ niimomototahuasohuëꞌ. Yosë nininpoaꞌ ina pochin huaꞌanëntacaso marëꞌ. Inasáchin, iyaroꞌsaꞌ, natëhuatëhuaꞌ, nóya cancantarihuaꞌ. Ina marëꞌ acorinpoaꞌ. Inapochachin sanapiꞌsantaꞌ soꞌinaꞌ noya natëhuachinaꞌ, nóya cancantapi.

2 Corintios 12:18

“Inta, quëmari niꞌconiquëꞌ iyaroꞌsaꞌ,” itahuato, Tito aꞌparahuë. Inarëꞌ aꞌna iyayantaꞌ aꞌparahuë. Cantonpachinquëmaꞌ, co Tito nonpintërinquëmahuëꞌ. Cantaꞌ ina pochachin cancantërahuë. Co piꞌpisha tërantaꞌ canaraihuëꞌ.

2 Corintios 7:6

Sëtohuatëhuaꞌ, Yosë achinicancaninpoaꞌ niꞌton, quiyantaꞌ achinicancanincoi. Ina nohuanton, Tito huëꞌnin.

2 Corintios 8:16

Titontaꞌ naꞌcon yonquirinquëmaꞌ. Ina marëꞌ noya cancantato, “Yosparinquën, Sinioro,” itërahuë.

2 Corintios 8:18

Aꞌna iyayantaꞌ aꞌpaarai. Titorëꞌ paꞌsarin. “Inantaꞌ nóya imaton, Quisocristo nanamën noya aꞌchinin,” topi yaꞌipi imapisopita.

2 Corintios 8:19

Nisha nisha ninano quëran imapisopita niyontonahuatonaꞌ, ina quëmapi chachin huayonahuatonaꞌ, acopi caꞌtanaincoiso marëꞌ. Coriqui yocaꞌhuaiso marëꞌ paꞌpatoi, inantaꞌ paꞌsarin. Coriqui quëtonpatoi, noya cancantapona huachi. “Ma noyacha Tata Yosë nosororinpoa paya. Ina nohuanton, iyaroꞌsaꞌ noya cancantatonaꞌ, catahuarinënpoaꞌ,” taponaꞌ.

2 Corintios 8:22

Aꞌna iyayantaꞌ aꞌparai nicainquëmaso marëꞌ. Inantaꞌ naꞌcon catahuarincoi aꞌchinaꞌhuaiso marëꞌ. Piyapiꞌsaꞌ nosoroaton, catahuarin, aꞌchintërin, naporin. Noya quëmapi, tënai. Ipora canpitataquë paꞌsarin. “Corintoquë imapisopita naꞌcon nohuantopi pahuantërinsopita catahuacaisoꞌ,” taꞌton, paꞌsarin catahuainquëmaso marëꞌ.

2 Corintios 8:6

Iꞌhua chachin Tito shaꞌhuitërinquëmaꞌ niꞌton, canpitantaꞌ yonquiramaꞌ coriqui yontonacamasoꞌ. “Imapisopita pahuantopi niꞌton, aꞌpatahuaꞌ,” tënamaꞌ. Napoaton iꞌhuamiachin Tito itërai: “Naquëranchin paantaton, pënëantaquëꞌ yaꞌipi coriqui yaaꞌpapisoꞌ ananiinaꞌ,” itërai.

Filipenses 2:25

Iporaso nipirinhuëꞌ Iya Ipapirotito aꞌpatantaranquëmaꞌ. Iꞌhua chachin aꞌpatiramaco catahuaincoso marëꞌ. Canquihuachina, nóya catahuarinco. Achinicancaninco. Naporahuaton, inantaꞌ Quisocristo nanamën aꞌchinin. Ina marëꞌ parisitaponahuëꞌ, noya ahuantërin. Iporaso nipirinhuëꞌ canpitataquë panantaꞌin, tënahuë.

Filipenses 4:3

Quëmantaꞌ iyasha naꞌcon catahuaranco niꞌton, inapita catahuaquëꞌ noya ninonchinaꞌ. Cato chachin nóya sanapiꞌsaꞌ. Naꞌcon catahuarinaco Quisoso nanamën aꞌchinaꞌhuaso marëꞌ. Iya Crimintintaꞌ noya catahuarinco. Aꞌnapitantaꞌ catahuarinaco aꞌchinaꞌhuaso marëꞌ. Co nininënpita isëquë ninshitopirahuëꞌ, Yosëri nohuitërin. Nanpirin quiricaquë nininënpita nani ninshitërin. Inaquë ninshitohuachinpoaꞌ, nanpimiatarihuaꞌ.

Colosenses 1:7

Ipapërasë aꞌchintërinquëmaꞌ, inaroꞌcoi nóya ninosororaisoꞌ. Quiya pochachin natëton, Quisocristo nanamën aꞌchinarin. Co quiyasoꞌ nanitëraihuëꞌ canpitataquë pacaꞌhuaisoꞌ niꞌton, ina aꞌparahuë aꞌchintinquëmaso marëꞌ. Co chirorinhuëꞌ aꞌchinacasoꞌ.

1 Tesalonicenses 2:2

Piriposëquë aꞌchinapiraihuëꞌ, noꞌhuitonacoi, chiníquën aparisitërinacoi. Inapotopirinacoihuëꞌ, canpitataquë canconpatëira, co tëꞌhuaraihuëꞌ. “Yosë catahuarincoi,” taꞌtoi, Quisocristo nanamën aꞌchintërainquëmaꞌ. Aꞌnapita noꞌhuipirinacoihuëꞌ, chiníquën cancantatoi, pënënainquëmaꞌ.

2 Timoteo 4:10

Timasësoꞌ isoroꞌparáchin yonquiaton, patërinco. Tisaronicaquë paꞌnin. Crisinti Carasiaquë paꞌnin. Titontaꞌ Tarëmasiaquë paꞌnin.

Tito 1:4

Titonquën ninshitaranquën. Aꞌchintohuatënquëna natëton, imaran niꞌton, tëhuënchachin huiꞌnahuë pochin niꞌnanquën. Tata Yosë inaora nohuanton, catahuainquën. Asanocancainquën. Quisocristontaꞌ inachachin catahuainquën. Inasoꞌ nichaꞌësarinpoaꞌ.

Filemón 1:17

Canposoꞌ Quisocristo imatëꞌ, noya nipayarëꞌ. Napoaton Onisimo cantonpachinquën, noya nontëquëꞌ. Ca nosororancoso pochin inantaꞌ nosoroquëꞌ.

Filemón 1:24

Marco, Aristarco, Timasë, Nocasë, inapitantaꞌ yonquiatënënquën, saludos aꞌpatarinënquën. Inapitasoꞌ catahuarinaco Yosë nanamën aꞌchinacasoꞌ.

3 Juan 1:8

Napoaton canpoaꞌ inapopisopita catahuahuaꞌ ama pahuanchinasohuëꞌ. Inapitasoꞌ noꞌtën nanan aꞌchinapi. Cosharoꞌ, maꞌsha inapita pahuantopisoꞌ quëtohuatëhuaꞌ, canpoarintaꞌ aꞌnapita catahuarihuaꞌ Yosë nohuitacaiso marëꞌ. Catahuahuatëhuaꞌ, naꞌcon naꞌcon piyapiꞌsaꞌ imasapi.