2 Corintios 8:20 - Chayahuita (Shahui)

²⁰ Naꞌa coriqui quëparai niꞌton, co nohuantëraihuëꞌ aꞌnapita pinoinacoisoꞌ. Napoaton ina napocoi paꞌsarai.

2 Corintios 8:20 ပူးပေါင်းရင်းမြစ်များ

Mateo 10:16

Ina quëran itaantarin: “Niꞌcoꞌ iyaroꞌsaꞌ. Ohuicaroꞌsaꞌ co nanitopihuëꞌ niaꞌpaicaisoꞌ. Aꞌnaroáchin huëntonën niꞌniroꞌsari mapi. Aꞌchintohuatamaꞌ, aꞌnaquën piyapiꞌsaꞌ niꞌniroꞌsa pochin cancantatonaꞌ, noꞌhuiarinënquëmaꞌ. Napoaton noya yonquicoꞌ. Noꞌhuipirinënquëmaontaꞌ, ama noꞌhuicosohuëꞌ. Noya cancantatomaꞌ, sanoanan quëran nontocoꞌ.

Romanos 14:16

Maꞌsona tërantaꞌ noya nicacasoꞌ yaꞌhuëpirinhuëꞌ, aꞌnapita co noyahuëꞌ niꞌpachinënquëmaꞌ, ama napocosohuëꞌ. Niꞌcona co noyahuëꞌ nicatënënquëmaꞌ nonapichinënquëmaꞌ.

1 Corintios 16:3

Aꞌnaquëmaꞌ noya niꞌnamasopita huayoncoꞌ coriqui quëpacaiso marëꞌ. Canconpato, quiricatarahuë huayonamasopita nohuitacaiso marëꞌ. Nani quiricatahuato, inarë chachin huayonamasopita aꞌpaarahuë. Quirosarinquë quëparapi pahuantërinsopita quëtacaiso marëꞌ.

2 Corintios 11:12

Nisha aꞌchinaꞌpiroꞌsaꞌ aꞌchintohuachinënquëmara, coriqui maꞌparinënquëmaꞌ. Caso nipirinhuëꞌ aꞌchinahuëso marëꞌ co coriqui maꞌpatërahuëꞌ. Ipora huantaꞌ topinan aꞌchinárahuë ama pinoinacoso marëhuëꞌ. Inapita pochin cantaꞌ maꞌparanquëmaꞌ naporini, “Paono pochachin aꞌchintërainquëmaꞌ. Yosë aꞌparincoi quiyantaꞌ,” ichitënënquëmahuëꞌ.

2 Corintios 8:19

Nisha nisha ninano quëran imapisopita niyontonahuatonaꞌ, ina quëmapi chachin huayonahuatonaꞌ, acopi caꞌtanaincoiso marëꞌ. Coriqui yocaꞌhuaiso marëꞌ paꞌpatoi, inantaꞌ paꞌsarin. Coriqui quëtonpatoi, noya cancantapona huachi. “Ma noyacha Tata Yosë nosororinpoa paya. Ina nohuanton, iyaroꞌsaꞌ noya cancantatonaꞌ, catahuarinënpoaꞌ,” taponaꞌ.

2 Corintios 8:21

Noyasáchin nisarai Yosë noya nicaincoiso marëꞌ. Piyapiꞌsantaꞌ noya nicainacoisoꞌ nohuantërai.

Efesios 5:15

Napoaton iyaroꞌsaꞌ noya yonquiatomaꞌ yaꞌhuëcoꞌ. Aꞌnaquën co mantaꞌ yonquipihuëꞌ. Ama inapita pochin cancantocosohuëꞌ. Noꞌtëquën yonquicoꞌ.

1 Tesalonicenses 5:22

Yaꞌipi aoshahuaninquëmasopita aꞌpocoꞌ.