2 Corintios 8:12 - Chayahuita (Shahui)

¹² Yaꞌipi cancanëma quëran quëtohuatamaꞌ, Yosë noya niꞌsarinquëmaꞌ. Co naꞌa coriquihuanpatamahuëꞌ, Yosë nitotërin. Co nanitëramahuëꞌ naꞌa quëtacasoꞌ. Co apiratomahuëꞌ, piꞌpian tërantaꞌ quëtohuatamaꞌ, noya niꞌsarinquëmaꞌ.

2 Corintios 8:12 ပူးပေါင်းရင်းမြစ်များ

Mateo 25:17

Cato huaranca quëtërinsontaꞌ noya sacatërin. Inantaꞌ maꞌsha paꞌanahuaton, cato huaranca aquëtëꞌ canantarin.

Mateo 25:22

Ina quëran aꞌnantaꞌ huëꞌnin: ‘Niꞌquëꞌ sinioro, cato huaranca quëtopirancohuëꞌ, nani cato huaranca aquëtëꞌ canarahuë,’ itiirin.

Lucas 16:10

Niꞌcoꞌ iyaroꞌsaꞌ. Huaꞌanëmaꞌ shaꞌhuitohuachinquëmaꞌ, natëcamasoꞌ yaꞌhuërin. Piꞌpian tërantaꞌ shaꞌhuitopirinquëmahuëꞌ, natëhuatamaꞌ, noya niꞌsarinquëmaꞌ. Chini chiníquën nanan quëtarinquëmaꞌ. Coꞌsoꞌ natëhuatamahuëꞌ, co chiníquën nanan quëtarinquëmahuëꞌ. ‘Nonpintarinco,’ taꞌton, co huachi natëarinquëmahuëꞌ.

2 Corintios 8:11

Naporoꞌ paꞌpi nohuantopiramahuëꞌ, iporasoꞌ coriqui yaꞌhuëtohuachinquëmaꞌ, noya cancantatomaꞌ, yontoncoꞌ ananicaso marëꞌ.

2 Corintios 8:13

Nanitinpichin acocasoꞌ yaꞌhuërin. Co nohuantërahuëꞌ pahuantinquëmasoꞌ.

2 Corintios 8:19

Nisha nisha ninano quëran imapisopita niyontonahuatonaꞌ, ina quëmapi chachin huayonahuatonaꞌ, acopi caꞌtanaincoiso marëꞌ. Coriqui yocaꞌhuaiso marëꞌ paꞌpatoi, inantaꞌ paꞌsarin. Coriqui quëtonpatoi, noya cancantapona huachi. “Ma noyacha Tata Yosë nosororinpoa paya. Ina nohuanton, iyaroꞌsaꞌ noya cancantatonaꞌ, catahuarinënpoaꞌ,” taponaꞌ.

2 Corintios 9:7

Yaꞌipinpoaꞌ canpoara nohuanton, quëtahuaꞌ. Onposona yaquëtohuachin, quëchin. Ama nisha nisha yonquiaꞌhuasohuëꞌ. Co apiquëran quëtacasoꞌ yaꞌhuërinhuëꞌ. Noya cancantatëhuaꞌ, quëtahuaꞌ. Ina pochin quëtohuatëhuaꞌ, Yosë noya niꞌsarinpoaꞌ.

1 Pedro 4:10

Yosë imarëhuasopita acorinpoaꞌ nisha nisha nicacasoꞌ. Inaora nohuanton, aꞌnaya aꞌnayanpoaꞌ catahuarinpoaꞌ maꞌsona nohuantërinsoꞌ nitotacasoꞌ. Napoaton ama topinan quëran yaꞌhuëcosohuëꞌ. Maꞌsona nitotohuatamaꞌ, noya nicoꞌ aꞌnapita catahuacaso marëꞌ. Noya noya imacamaso marëꞌ nicatahuacoꞌ.