2 Corintios 7:5 - Chayahuita (Shahui)

⁵ Masitoniaquë canconpatoira, naꞌcon maꞌsha onpoatoi napion cancantërai. Naꞌa piyapiꞌsaꞌ noꞌhuirinacoi niꞌton, parisitërai. Naporahuaton, cancanëhuëi quëran naꞌcon yonquirápatëinquëmaꞌ, sëtërai.

2 Corintios 7:5 ပူးပေါင်းရင်းမြစ်များ

Génesis 8:9

Aꞌpapirinhuëꞌ, co intopa huënsëcasohuë niꞌton, yanpo yanpónantarin. Naporarin quëran, nanchaquë chachin huënantarin. Huëntahuachina, Noiri masahuaton poꞌmoantarin.

Isaías 33:12

Nisha nisha ninanoroꞌsa huiquitatonaꞌ, huariano taranapi. Nahuan yanirinso pochin huëyaponaꞌ.

Jeremías 20:10

Naní quëran pochin tëhuatonaco: “Yaꞌipi parti paꞌyan yaꞌhuërin” itoninaco. Naporahuaton: “Huëco paꞌahua shaꞌhuirapiahuaꞌ,” tosápi. Amiconëhuëpita quëran huarëꞌ tëhuëcaꞌhuaso ninapi. Monatonaco yacanarinaco. “Canarëhua naporini, iꞌhuërëchitërihuahuëꞌ,” topi.

Jeremías 6:25

Ama insonta iminquë paꞌinsohuëꞌ. Ama ira tëranta paꞌchinasohuëꞌ. Inimicoroꞌsasoꞌ, noyá niacorahuatona canquiapi. ¡Yaꞌipi parti inapita tëꞌhuatapi!” tosapi.

Hechos 20:1

Piyapiꞌsaꞌ nani yanquëëhuachinara, co huachi noꞌhuitantapihuëꞌ. Ina quëran Paono yapaantarin. Yaꞌipi imapisopita amatahuaton, achinicancanin. Ina quëran “Paꞌsarahuë huachi,” topachina, “Osharan paquëꞌ,” itohuachinara, Masitoniaquë paꞌnin.

1 Corintios 15:31

Aꞌnaquën yatëparinaco. Nani tahuëri “Chiminapo nimara,” tënahuë. Tëhuënchachin noꞌtëquën nontëranquëmaꞌ. Quisocristo catahuarinco niꞌton, aꞌchintohuatënquëmara, noya imaramaꞌ. Ina marëꞌ nóya cancantërahuë.

1 Corintios 16:5

Nicaponquëmaꞌ yapaꞌpirahuëꞌ, iporasoꞌ co nanitërahuëꞌ. Masitonia parti pacaꞌhuasoꞌ yaꞌhuërin. Nani niꞌtontahuato, yaꞌhuëramaquë paꞌsarahuë.

2 Corintios 2:13

Napoaponahuëꞌ, iꞌhua chachin iya Tito canpitataquë aꞌpapirahuëꞌ. Co huënantarinhuë niꞌton, co sano cancantërahuëꞌ. “¿Onpoatoncha co iyasha huëntarinhuë nicaya?” taꞌto, piyapiꞌsaꞌ noyasha nontahuato, Masitoniaquë paꞌnahuë.

2 Corintios 2:3

Napoaton iꞌhua ninshitëranquëmaꞌ pënënaꞌhuanquëmaso marëꞌ. Ina quëran canpitataquë paꞌpato, co sëtarahuëꞌ. Noya imaantahuatamaꞌ, noya cancantarahuë. Noya cancantohuato, canpitantaꞌ noya cancantaramaꞌ, tënahuë.

2 Corintios 2:9

Napoaton iꞌhua ninshitëranquëmaꞌ. “Yaꞌipi natëarinaco,” taꞌto, pënënanquëmaꞌ. Tëniaꞌhuanquëmaso marëꞌ ninshitëranquëmaꞌ.

Gálatas 4:11

Noꞌtëquën iyaroꞌsaꞌ aꞌchintopiranquëmahuëꞌ, naniantëramaꞌ nimara, tënahuë. “Topinan quëran aꞌchintërahuë nimara,” taꞌto sëtërahuë.

Deuteronomio 32:25

Inimicoroꞌsari huiꞌnamapita cachiroꞌsaquë tëpapon. Pëianaquënta yaꞌhuëapomarahuëꞌ, paꞌyan yatëpáponquëmaꞌ. Huiꞌnapiꞌsaꞌ, nanoꞌsaꞌ, mashoyaroꞌsaꞌ, huaꞌhuaroꞌsaꞌ, inapitanta inimicoroꞌsari tëpapon.

1 Tesalonicenses 3:5

Napoaton casoꞌ co huachi ahuantatohuëꞌ, Timotio aꞌpatëranquëmaꞌ onpopinsona imaramasoꞌ nitotaꞌhuaso marëꞌ. Sopai yanonpintërinpoaꞌ Yosë aꞌpocaso marëꞌ. Minsërinquëmaꞌ naporini, topinan quëran aꞌchinchitënquëmahuëꞌ. “Co huachi noya imamaraihuëꞌ,” taꞌtoi, Timotio aꞌpatërainquëmaꞌ.