2 Corintios 7:10 - Chayahuita (Shahui)

¹⁰ Oshanënpoa marëꞌ sëtatëhuaꞌ, Yosë nontohuatëhuaꞌ, catahuarinpoaꞌ co noyahuëꞌ yonquirëhuasopita naniantacaso marëꞌ. Ina pochin sëtacasoꞌ noya, tënahuë. Ina quëran anoyacancantarinpoaꞌ. Co imapisopitasohuëꞌ nipirinhuëꞌ topinan quëran sëtopi. Co oshanënaꞌ naniantohuachinahuëꞌ, chiminpachinaꞌ, Yosëri anaꞌintarin.

2 Corintios 7:10 ပူးပေါင်းရင်းမြစ်များ

Génesis 30:1

Naquira co nito huaꞌhuanatonhuëꞌ, cainpain noyaparin. Napoaton soꞌin itapon: —Huaꞌhuantoco cantaꞌ. Coꞌsoꞌ huaꞌhuantohuatancohuëꞌ, chiminarahuë, itërin.

2 Samuel 17:23

Aitohuirosoꞌ: “Noꞌtëquën pënënpirahuëꞌ, co Apësaron natërincohuëꞌ. Co natërincohuëꞌ niꞌquëhuarëꞌ, paꞌpini canapon,” tënin. Ina yonquiaton moranën taparin. Inaquë yaꞌmitëahuaton huaꞌhuatërinso ninanoquë paꞌnin. Canconahuaton quëmopinënpita, piyapinënpita, inapita nontërin. Maꞌpitaso nicacaisoꞌ camaitërin. Inaporahuaton, noninquë nihuënquëconorin quëran chiminin. Napohuachina, inanta paꞌpincoꞌ poꞌmopiquë chachin poꞌmoontapi.

1 Reyes 21:4

Napotërinso natanaton, inaso sëtërin, noꞌhuitërin, naporin. Pëinënquë quëhuënconahuaton, paira parti notëtërin quëran natantárin. Coshatacaso marëꞌ përapirinahuëꞌ, co nohuantërinhuëꞌ.

Jeremías 31:9

Orarëꞌnachin, naꞌnërëꞌnachin, huëꞌsapi. Cari chiniiꞌ yaꞌhuërinquë quëpaarahuë. Noyá tapapinan ira quëshihuato co iꞌpaponahuëꞌ. Ca mini israiroꞌsa paꞌpina pochin ninahuë. Inapitantaꞌ, paninanëhuë pochin nipi,” tënin.

Jonás 3:10

Copirno camaitërinso chachin yaꞌipi piyapiꞌsa co noyahuëꞌ nipiso aꞌpopi. Yosësoꞌ, napopiso niꞌnin. Ina nicaton nosororin. Inapoaton ataꞌhuantacaso yonquirinsoꞌ, tananpitërin.

Jonás 3:8

Yaꞌipiya quëran saꞌcatën nininso aꞌmoinaꞌ. Pëꞌtahuanëna quëran huarëꞌ, ina pochin aꞌmochinaꞌ. Co napion ancantërëhuasoꞌ, aꞌnocaso marëꞌ inapoaꞌahuaꞌ. Naporahuatëhua yaꞌipi cancanënpoa quëran Yosë nontahuaꞌ. Yaꞌipi co noyahuëꞌ ninëhuasopita, noꞌhuitërayanpoa nicatëhuaꞌ, co tënorotochináchinhuëꞌ cancantërëhuasopita, inapita yaꞌipi aꞌpoaꞌahuaꞌ.

Jonás 4:9

Yosëriso napoaponahuëꞌ: —Nonirintë ahuirinso marëꞌ ¡co inapochin noꞌhuitacaso yaꞌhuërinhuëꞌ! itërin. —Noya mini tënahuë casoꞌ. Chiminchináchin noꞌhuitërahuë, itërin Conasëri.

Mateo 26:75

Ina natanahuaton, Quisosori napotërinsoꞌ yonquirin: “Coꞌhuara atari përashatërasohuëꞌ, cararoꞌ nonpinapiaranco,” itërinco, taꞌton, aipiran pipirin. Inaquë chiníquën sëtaton, naꞌnërin.

Lucas 15:10

Inapochachin aꞌna piyapi tërantaꞌ co noyahuëꞌ yonquirinsopita naniantohuachin, anquëniroꞌsantaꞌ noya cancantapi,” itërin.

Lucas 18:13

Aꞌnaso nipirinhuëꞌ co yaꞌcaritërinhuëꞌ. Tapanaton, monshoárin. Oshanën marëꞌ sëtërin. ‘Tata Yosë, casoꞌ oshahuanco. Nosoroatonco, oshanëhuë inquitoco,’ itërin.

Hechos 11:18

Natanahuatonaꞌ, co huachi noꞌhuipihuëꞌ. —Tëhuënchachin Yosë nohuanton, nisha piyapiꞌsantaꞌ co noyahuëꞌ yonquipisopita naniantatonaꞌ, imasapi. Inari catahuarin niꞌton, nanpimiatapi. Ma noyacha Yosëso paya, itopi.

Hechos 3:19

Napoaton iyaroꞌsaꞌ yaꞌipi co noyahuëꞌ yonquiramasopita naniantatomaꞌ, Yosë chachin tahuërëtantacoꞌ oshanëmaꞌ inquichinquëmaꞌ.

2 Corintios 12:21

Iráca aꞌnaquëmaꞌ co noyahuëꞌ yonquiramaꞌ. Monshihuanamaꞌ, sanapirachin yonquiramaꞌ. Ipora huantaꞌ aꞌnaquëmaꞌ inapoaramaꞌ nimara. Co ina naniantohuatamahuëꞌ, canconpato, paꞌpi sëtarahuë. Carinquëmaꞌ aꞌchintëranquëmasoꞌ niꞌton, Yosë atapanarinco. Co oshanëmaꞌ aꞌpohuatamahuëꞌ, chiníquën asëtaramaco.

Hebreos 12:17

Ina piquëran yonquiantapirinhuëꞌ. “Yosë naꞌcon catahuainco,” tantapirinhuëꞌ, co huachi Yosëri nohuantërinhuëꞌ. Chiníquën sëtaton naꞌnëpirinhuëꞌ, iráca aꞌporinsoꞌ co huachi nanitërinhuëꞌ anoyatacasoꞌ. Ina yonquiatomaꞌ, niꞌcona Yosë naniantotamaꞌ.