2 Corintios 5:3 - Chayahuita (Shahui)

³ Chiminpatëhuaꞌ, co huaꞌyanënpoarachin inápaquë yaꞌhuëmiatarinhuëꞌ. Nasha nonënpoaꞌ quëtarinpoaꞌ.

2 Corintios 5:3 ပူးပေါင်းရင်းမြစ်များ

Éxodo 32:25

Moisësëri niꞌpirinhuëꞌ, israiroꞌsaso noꞌpitonaꞌ, aꞌnaratipita paꞌpi co noyahuëꞌ nisapi. Aaroni atëhuërin niꞌton, inimiconënpitari tëhuayatochináchin nisapi.

2 Corintios 5:2

Iporasoꞌ parisitapirëhuahuëꞌ, aꞌna tahuëri nasha aꞌmorëhuaso pochin nasha nonënpoaꞌ yaꞌhuëtarinpoaꞌ. Ina naꞌcon nohuantërëhuaꞌ.

2 Corintios 5:4

Iporasoꞌ isoroꞌpaquë yaꞌhuatëhuaꞌ, co chinirëhuahuëꞌ, sëtërëhuaꞌ, naporëhuaꞌ. Napopirëhuahuëꞌ, co chiminacasoꞌ nohuantërëhuahuëꞌ. Nasha nonënpoaꞌ tëhuënchinsoꞌ naꞌcon nohuantërëhuaꞌ. Isoroꞌpaquë taꞌhuantopirëhuahuëꞌ, Yosëꞌpaꞌ noya noya nanpimiatarihuaꞌ.

Apocalipsis 16:15

Nani Quisoso shaꞌhuitërinpoaꞌ: “Niꞌcoꞌ, iyaroꞌsaꞌ. Aꞌnanaya oꞌmantararahuë. Ihuatë pochin nicato, co nitotasënquëmahuëꞌ, oꞌmantararahuë niꞌton, nani tahuëri ninaco. Noya ninahuatamaco, noya cancantaramaꞌ. Yosë noya niꞌsarinquëmaꞌ. Noyápiachin aꞌmorëso pochin noyasáchin nicoꞌ. Ina quëran oꞌmantahuato, co tapanapomahuëꞌ. Noya cancantaramaꞌ,” itërinpoaꞌ.

Apocalipsis 3:18

Napoaton pënënanquëmaꞌ. Chiníquën nontoco catahuainquëmaꞌ. Niꞌcoꞌ. Oro aꞌpëhuatëra, yaꞌipi nëꞌhuë inquirin. Orosachin quëparitërin, noyasáchin nininsoꞌ. Inapochachin canpitantaꞌ nontoco catahuainquëmaꞌ noya yonquicamaso marëꞌ. Naꞌcon pahuantarinquëmaꞌ Yosë pochin nicacamasoꞌ. Casáchin yonquico Yosë noya niꞌinquëmaꞌ. Yonquihuatamaco, huiríchin aꞌmorëso pochin noya nisaramaꞌ. Somaraya pochin cancantëramaꞌ niꞌton, co tëhuënchachin nohuitëramacohuëꞌ. Nimirioquë acorayatërëso pochin anoyacancanchinquëmaꞌ cancanëma quëran nohuitamacoso marëꞌ.