2 Corintios 4:8 - Chayahuita (Shahui)

⁸ Nani maꞌsha onpopiraihuëꞌ, Yosë catahuarincoi ahuantaꞌhuaiso marëꞌ. “Oshaquëran nichaꞌësarincoi,” taꞌtoi, imarai. “¿Onpoatoicha maꞌsha onporai paya?” tapoiraihuëꞌ, co paꞌyanaihuëꞌ.

2 Corintios 4:8 ပူးပေါင်းရင်းမြစ်များ

Salmos 37:33

Napopirinahuëꞌ, Siniorori yaꞌcopiarin co masapihuëꞌ. Anaꞌintacaiso marëꞌ coisëquë quëpahuachinarantaꞌ, ina nohuanton coisëri noya aꞌpapon.

Isaías 40:31

“Sinioro mini catahuarinco,” topisopitaso nipirinhuëꞌ, nashaquëranchin chiniantarëso pochin nicaponaꞌ. Panca onian co sacai quëranhuë yanponinso pochin nicatonaꞌ, co oshataponahuë maꞌsona noya nicacaisoꞌ. Co canotonahuanhuë taꞌarëso pochin co sanpataponahuëꞌ. Co aminahuanhuë iratërëso pochin, Yosë imamiataponaꞌ.

Habacuc 3:17

Inapotohuachina cantaꞌ, capa cancantarahuë. “Sinioro nichaꞌërinco huachi,” taꞌto napoarahuë. Iquiraroꞌsa co yancotopirinahuëntaꞌ, Sinioro chinotarahuë. Shaꞌtërëhuasopita co nitopirinahuëntaꞌ, napoarahuë. Ohuica huëntonoꞌsa capa nipirinahuëꞌ, ohuacaroꞌsanta pëinënaquë capa nipirinahuëꞌ, naporonta ina chinotarahuë.

Juan 14:18

Co saꞌahuaroꞌsaꞌ pochin nitaranquëmahuëꞌ. Co patomiataranquëmahuëꞌ. Ca nohuanto, Ispirito Santo yaꞌcoancantarinquëmaꞌ. Ca pochachin catahuarinquëmaꞌ.

1 Corintios 10:13

Sopai yaꞌipi piyapinpoaꞌ shaꞌhuitërinpoaꞌ co noyahuëꞌ nicacaso marëꞌ. Yosëso nipirinhuëꞌ catahuarinpoaꞌ. Aꞌnaya aꞌnayanpoaꞌ co nanitërëhuasohuëꞌ nitotaton, niꞌsarinpoaꞌ. “Tananpitëquëꞌ,” itohuachina, co sopai nanitërinhuëꞌ aquëtëꞌ tëniinpoasoꞌ. Cancanënpoa quëran huarëꞌ Yosë natëhuatëhuaꞌ, co sopai minsëarinpoahuëꞌ. Maꞌsha onpopirëhuahuëntaꞌ, Yosë ananitarinpoaꞌ ahuantacasoꞌ. Yosë chachin catahuarinpoaꞌ sopai minsëcaso marëꞌ.

2 Corintios 12:10

Napoaton co chiníquën cancantopirahuëꞌ, co paꞌyanahuëꞌ. Pinopachinacora, co noꞌhuitërahuëꞌ. Maꞌsha pahuantopirincohuëꞌ, co ina yonquirahuëꞌ. Quisocristo imarahuëso marëꞌ aparisitohuachinacora, ahuantërahuë. Sacaiꞌ nipirinhuëꞌ, nóya cancantërahuë. “Co caora nanitohuatërahuëꞌ, naꞌcon naꞌcon catahuarinco,” taꞌto, chini chiníquën cancantërahuë.

2 Corintios 6:12

Quiyasoꞌ yaꞌipi cancanëhuëi quëran nosoromiatërainquëmaꞌ. Noyasáchin yonquipirainquëmahuëꞌ, canpitasoꞌ co aꞌna nosororamacoihuëꞌ nimara, tënai.

2 Corintios 6:4

Maꞌsona tërantaꞌ nipatoira, Yosëíchin natërai piyapiꞌsaꞌ nicatonacoi ina yonquicaiso marëꞌ. Aparisitopirinacoihuëꞌ, co iꞌhuërëtëraihuëꞌ. Maꞌsha, cosharoꞌ, inapita pahuantopirincoihuëꞌ, ahuantatoi, chiníquën cancantërai. Maꞌsha onpoapoiraihuëꞌ, co paꞌyanaihuëꞌ.

2 Corintios 7:5

Masitoniaquë canconpatoira, naꞌcon maꞌsha onpoatoi napion cancantërai. Naꞌa piyapiꞌsaꞌ noꞌhuirinacoi niꞌton, parisitërai. Naporahuaton, cancanëhuëi quëran naꞌcon yonquirápatëinquëmaꞌ, sëtërai.

Gálatas 4:20

Maꞌcha inatohuaꞌ acoꞌincoya, topitërarahuë. ¡Inaquë yaꞌhuërahuë naporini, ninontërëhuaꞌ noya noya niitonhuëꞌ! Aquë yaꞌhuëramaꞌ niꞌton, “¿Maꞌtaꞌ onpochi anoyataꞌhuasoꞌ marëꞌ nicaya?” tënahuë yonquiato.

1 Samuel 28:15

Naporoꞌ Samoirori itapon: —¿Maꞌmarëta përatonco apiranco? itërin. —Co napion cancantato përaranquën. Huiristinoꞌsa ahuëinacoso marëꞌ huëcapairinaco. Yosëntaꞌ, aꞌporahuatonco co huachi aꞌpanirincohuëꞌ. Pënëntonaꞌpiroꞌsa quëranta co aꞌpanirincohuëꞌ. Co huaꞌnarahuë quëran tërantaꞌ, aꞌpanirincohuëꞌ. Napoaton maꞌsona nicaꞌhuasoꞌ anitotaancoso marëꞌ, apëratëranquën itërin.

1 Samuel 31:4

Napoaton catahuacaso marëꞌ sontaro acorinsoꞌ, itapon: —Pasopitasoꞌ co marcahuanoꞌsahuëꞌ. Inapitaso yatëpahuachinaco, aparisitatonaco tëpaponaco. Napoaton sahuëninën quëran papitatonco tëpaco, itërin. Napotopirinhuëꞌ, inariso paꞌpi tëꞌhuaton co nohuantërinhuëꞌ. Napohuachina inaora chachin sahuëninën yaꞌhuaratërin.