2 Corintios 4:1 - Chayahuita (Shahui)

¹ Yosë nosoroatoncoi, acorincoi ina nanamën aꞌchinaꞌhuaiso marëꞌ. Ina yonquiatoi, co yaaꞌporaihuëꞌ.

2 Corintios 4:1 ပူးပေါင်းရင်းမြစ်များ

Isaías 40:30

Huiꞌnapiꞌsa niponaraihuëꞌ, canotatona nëꞌca nëꞌcatopi. Huaꞌhua huiꞌnapiꞌsantaꞌ, iꞌparahuatona anotopi.

Isaías 40:31

“Sinioro mini catahuarinco,” topisopitaso nipirinhuëꞌ, nashaquëranchin chiniantarëso pochin nicaponaꞌ. Panca onian co sacai quëranhuë yanponinso pochin nicatonaꞌ, co oshataponahuë maꞌsona noya nicacaisoꞌ. Co canotonahuanhuë taꞌarëso pochin co sanpataponahuëꞌ. Co aminahuanhuë iratërëso pochin, Yosë imamiataponaꞌ.

Lucas 18:1

“Chiníquën cancantatëꞌ, apira apira Yosë nontacasoꞌ yaꞌhuërin,” taꞌton, pënënto nanan shaꞌhuitantarin ama amitonaꞌ aꞌpocaiso marëhuëꞌ. Aꞌchintaton, itapon:

1 Corintios 3:5

Co ca imamacosoꞌ yaꞌhuërinhuëꞌ. Aporosëntaꞌ co imacaisoꞌ yaꞌhuërinhuëꞌ. Quiyantaꞌ topinan piyapicoi nipiraihuëꞌ, Yosë shaꞌhuitërincoi niꞌton, aꞌchintërainquëmaꞌ. Natanpatamaꞌ, Yosë imasaramaꞌ.

1 Corintios 7:25

Iporasoꞌ co saꞌarinsopitahuëꞌ, co soꞌyarinsopitahuëꞌ, inapita maꞌsona onpocasoꞌ shaꞌhuichinquëmaꞌ. Quisocristo isoroꞌpaquë nipon, co ina aꞌchinpirinhuëꞌ, catahuarinco noꞌtëquën pënënaꞌhuasoꞌ. Nosoroatonco, acorinco nanamën aꞌchinaꞌhuaso marëꞌ. Napoaton nanitëramaꞌ natëamacosoꞌ, tënahuë.

2 Corintios 3:12

“Inaso co taꞌhuantarinhuëꞌ,” taꞌtoi, inasáchin aꞌchinarai. Co tëꞌhuatoihuëꞌ, yaꞌipi parti aꞌchinarai.

2 Corintios 3:6

Ina nani acorincoi aꞌchinaꞌhuaiso marëꞌ. Acohuachincoira, catahuarincoi nasha quëran anoyatërinso aꞌchintaꞌhuainquëmaso marëꞌ. Ina imapatëhuaꞌ, Ispirito Santo catahuarinpoaꞌ Yosë nohuitatëhuaꞌ nanpimiatacaso marëꞌ. Iráca anoyatërinso Moisësëri ninshitopirinhuëꞌ. Ina imapatëhua, co onporontaꞌ noya cancantërëhuahuëꞌ. “Co natëhuatamahuëꞌ, chiminpatamaꞌ, anaꞌintacasoꞌ yaꞌhuërin,” tënin. Co ina aꞌchintërainquëmahuëꞌ.

2 Corintios 4:16

Napoaton co aꞌpochináchinhuëꞌ cancantërai. Parisitatoi, co huachi chinipiraihuëꞌ, nani tahuëri achinicancanincoi noya noya cancantaꞌhuaiso marëꞌ.

2 Corintios 5:18

Co canpoara noya cancantërëhuahuëꞌ. Yosëíchin anoyacancantërinpoaꞌ. Iráca oshahuanatëhuaꞌ, Yosë inimicotopirëhuahuëꞌ, inaora nohuanton, huiꞌnin isoroꞌpaquë aꞌpaimarin chiminaton nanan anoyatinpoaso marëꞌ. Ina quëran quiyantaꞌ acorincoi nanamën aꞌchinaꞌhuaiso marëꞌ. Insosona natëhuachin, nanan anoyatarin.

Gálatas 6:9

Ama Yosë naniantatëhuahuëꞌ, noya niahuaꞌ. Noya nicacasoꞌ ama amiahuasohuëꞌ. Chiníquën cancantohuatëhuaꞌ, Yosë noya niꞌsarinpoaꞌ. Ina marëꞌ tahuëri nanihuachin, acanaarinpoaꞌ.

Efesios 3:13

Aꞌchintëranquëmaꞌ niꞌton, tashinan pëiquë poꞌmorinaco. Parisitapirahuëꞌ, chiníquën cancantocoꞌ. Canpitantaꞌ Quisocristo imacamaso marëꞌ parisitërahuë. Ina marëꞌ noya cancantacasoꞌ yaꞌhuërin.

Filipenses 4:13

Co caora nanitapapirahuëꞌ, Quisocristo achinicancaninco niꞌton, yaꞌipiya nanitaparahuë. Maꞌsha onpoaporahuëntaꞌ, noya ahuantërahuë.

2 Tesalonicenses 3:13

Naꞌaquëmaꞌ iyaroꞌsaꞌ noya nisaramaꞌ. Ama amiatomaꞌ, nisha cancantocosohuëꞌ. Nani tahuëri noya nicoꞌ.

1 Timoteo 1:13

Iráca casoꞌ nisha cancantërahuë. Quisocristo pinorahuë. Imarinsopita noꞌhuito, aparisitërahuë. Quisocristoso nipirinhuëꞌ nosororinco. Co nohuitatohuëꞌ, co natëyatërarahuëꞌ niꞌton, nosororinco.

Hebreos 12:3

Isoroꞌpaquë yaꞌhuapon, oshahuanoꞌsari chiníquën noꞌhuipirinahuëꞌ, ahuantërin. Ina yonquiatëhuaꞌ, ama yaaꞌpoaꞌhuasohuëꞌ. Chiníquën cancantocoꞌ.

1 Pedro 2:10

Iráca co Yosë piyapinënpita nipiramahuëꞌ, iporasoꞌ nani huëntonënquë ayaꞌconinquëmaꞌ. Iráca co insontaꞌ tëhuënchachin nosororinquëmahuëꞌ. Iporasoꞌ Yosë nosororinquëmaꞌ.

Apocalipsis 2:3

Imaramacoso marëꞌ aparisitopirinënquëmahuëꞌ, ahuantëramaꞌ. Co yaaꞌporamacohuëꞌ. Ina marëꞌ noya niꞌnanquëmaꞌ.