2 Corintios 3:8 - Chayahuita (Shahui)

⁸ Iporaso nipirinhuëꞌ, nasha quëran anoyatërinso aꞌchinarai. ¡Ispirito Santo chachin catahuarinpoaꞌ niꞌton, inasoꞌ noya noya!

2 Corintios 3:8 ပူးပေါင်းရင်းမြစ်များ

Isaías 11:2

Sinioro ispiritonëni yaꞌcoancantomiatapon. Inari yonquínahuan nicacasoꞌ quëtapon. Nitopënëntahuaton, chiníquën nanantapon. Sinioro noya nohuitaton, natëpon.

Isaías 44:3

Ca nohuanton inotëroquë naꞌcon iꞌ yaꞌhuëapon. Yaniroquëntaꞌ, iꞌshanaroꞌsa yaꞌhuëapon. Canpita quëran pipipisopitanta ispiritonëhuë ayaꞌcoancantarahuë. Inapotahuato naꞌcon catahuaarahuë.

Juan 1:17

Iráca Yosë nohuanton, Moisësë pënëntërin nani maꞌsha natëcasoꞌ. Pënëntopirinhuëꞌ, co yaꞌipiya anitotërinpoahuëꞌ. Quisocristoso nipirinhuëꞌ nosororinpoaꞌ. Noꞌtëquën nonaton, yaꞌipi nanamën anitotërinpoaꞌ.

Juan 7:39

Quisoso imapatëhuaꞌ, Ispirito Santo yaꞌcoancantarinpoaꞌ. Ina yonquiaton, napotërin. Naporoꞌ Quisoso co inápaquë pantayátërarinhuëꞌ. Napoaton co Ispirito Santori piyapiꞌsaꞌ noyá yaꞌcoancanchátërarinhuëꞌ. (Ina yaꞌcoancantohuachinpoaꞌ, naꞌcon catahuarinpoaꞌ noya cancantacaso marëꞌ. Ina quëran aꞌnapitantaꞌ Yosë anohuitarihuaꞌ, tapon naporin.)

1 Corintios 3:16

Yosë imapatëhuaꞌ, ina pëinën pochin ninëhuaꞌ. Ispirito Santo yaꞌcoancantohuachinpoaꞌ, cancanënpoaquë yaꞌhuërarin. ¿Co ina nitotëramahuëꞌ ti?

2 Corintios 11:4

Quisocristo imacasoꞌ aꞌchintëranquëmaꞌ. Natëhuatamaꞌ, Ispirito Santo yaꞌcoancantërinquëmaꞌ. Inapitaso nipirinhuëꞌ nisha aꞌchintërinënquëmaꞌ. “Quisocristo nanamën chachin aꞌchintarainquëmaꞌ,” itopirinënquëmahuëꞌ, nisha nanan aꞌchintërinënquëmaꞌ. Nisha ispiritontaꞌ yaꞌhuërin, itërinënquëmaꞌ. Nisha nisha natëcasoꞌ aꞌchintohuachinquëmara, aꞌnaroáchin yaimaramaꞌ.

2 Corintios 3:17

“Sinioro” topatëhuaꞌ, Ispirito Santo tapon naporëhuaꞌ. Ina catahuahuachinpoaꞌ, co huachi iráca pënëntërinsoꞌ imacasoꞌ yaꞌhuërinhuëꞌ. Ispirito Santo nichaꞌërinpoaꞌ noꞌtëquën yonquicaso marëꞌ.

2 Corintios 3:6

Ina nani acorincoi aꞌchinaꞌhuaiso marëꞌ. Acohuachincoira, catahuarincoi nasha quëran anoyatërinso aꞌchintaꞌhuainquëmaso marëꞌ. Ina imapatëhuaꞌ, Ispirito Santo catahuarinpoaꞌ Yosë nohuitatëhuaꞌ nanpimiatacaso marëꞌ. Iráca anoyatërinso Moisësëri ninshitopirinhuëꞌ. Ina imapatëhua, co onporontaꞌ noya cancantërëhuahuëꞌ. “Co natëhuatamahuëꞌ, chiminpatamaꞌ, anaꞌintacasoꞌ yaꞌhuërin,” tënin. Co ina aꞌchintërainquëmahuëꞌ.

2 Corintios 3:7

Iráca Yosë pënëntërinsoꞌ shaꞌhuihuachina, naꞌpiquë ninshitërin. Yosësoꞌ noya noya niꞌton, huënaráchin yaꞌnorin. Moisësë yaꞌpiriontaꞌ huënaratarin niꞌton, co israiroꞌsaꞌ nanitopihuëꞌ huaꞌquiꞌ nirayacaisoꞌ. Huënarataponahuëꞌ, oshaquëran sacorayarin. Pënëntërinsontaꞌ noya niponahuëꞌ, co yaꞌhuëmiatërinhuëꞌ. Co yaꞌipi natëhuachinahuëꞌ, chiminpachinaꞌ, anaꞌintacasoꞌ yaꞌhuërin.

2 Corintios 3:9

Iráca pënëntërinsoꞌ nanan noya nipirinhuëꞌ, co natëhuachinahuëꞌ, anaꞌintacasoꞌ yaꞌhuërin. Quisocristo nanamënso nipirinhuëꞌ, noya noya. Ina imapatëhuaꞌ, oshanënpoaꞌ inquitatonpoaꞌ, Yosë noya niꞌsarinpoaꞌ. Napoaton noya noya, tënahuë.

Gálatas 3:14

“Yosë noꞌtëquën nontërinco,” tënin Apraan. Ina tëninso marëꞌ Yosëri noya niꞌnin. Nisha piyapiroꞌsarintaꞌ imacaiso marëꞌ Quisocristo chiminin. Ina natëhuachinara, Yosëri noya niꞌnin. Yaꞌipinpoaꞌ Quisocristo imapatëhuaꞌ, Ispirito Santo yaꞌcoancantarinpoaꞌ. Iráca Yosë shaꞌhuirinso pochachin yaꞌcoancantarinpoaꞌ.

Gálatas 5:5

Nipirinhuëꞌ, ina imapatëhuaꞌ, Ispirito Santo catahuarinpoaꞌ. “Quisocristoíchin anoyacancantërinpoaꞌ,” topatëhuaꞌ, Yosë noya niꞌsarinpoaꞌ, tënëhuaꞌ. Oshanënpoaꞌ inquitatonpoaꞌ, tëhuënchachin noyápiachin cancan quëtarinpoaꞌ. Ina ninarëhuaꞌ.

Efesios 2:18

Quisocristo chiminin niꞌton, yaꞌipinpoaꞌ nanitërëhuaꞌ Tata Yosë nontacasoꞌ. Ispirito Santo catahuarinpoaꞌ niꞌton, ina nontohuatëhuara, noya nataninpoaꞌ.

2 Tesalonicenses 2:13

Canpitaso nipirinhuëꞌ iyaroꞌsaꞌ, imaramaꞌ. Sinioro nosororinquëmaꞌ. Iráca quëran huarëꞌ Yosë huayoninquëmaꞌ huëntonënquë yaꞌconacamaso marëꞌ. Noꞌtën nanan natëhuatamaꞌ, Ispirito Santo anoyacancantërinquëmaꞌ Yosë nohuantërinso chachin nicacamaso marëꞌ. Ina yonquiatoi, Yosë nontërai: “Ma noya Sinioro inapitasoꞌ nichaꞌëran niꞌton, ‘Yosparinquën,’ ” itërai, Yosë nontatoi.

1 Pedro 1:2

Iráca quëra huarëꞌ Tata Yosë nohuitërinquëmaꞌ. Nosoroatënquëmaꞌ, huayoninquëmaꞌ huëntonënquë yaꞌconacamaso marëꞌ. Ispirito Santo anoyacancantërinquëmaꞌ natëcamaso marëꞌ. Quisocristo corosëquë chiminin oshanëmaꞌ inquitiinquëmaso marëꞌ. Yosë nontëramaꞌ niꞌton, oshanëmaꞌ inquitërinquëmaꞌ. Yosë inaora nohuanton, noya catahuainquëmaꞌ. Asanocancainquëmaꞌ.