2 Corintios 3:7 - Chayahuita (Shahui)

⁷ Iráca Yosë pënëntërinsoꞌ shaꞌhuihuachina, naꞌpiquë ninshitërin. Yosësoꞌ noya noya niꞌton, huënaráchin yaꞌnorin. Moisësë yaꞌpiriontaꞌ huënaratarin niꞌton, co israiroꞌsaꞌ nanitopihuëꞌ huaꞌquiꞌ nirayacaisoꞌ. Huënarataponahuëꞌ, oshaquëran sacorayarin. Pënëntërinsontaꞌ noya niponahuëꞌ, co yaꞌhuëmiatërinhuëꞌ. Co yaꞌipi natëhuachinahuëꞌ, chiminpachinaꞌ, anaꞌintacasoꞌ yaꞌhuërin.

2 Corintios 3:7 ပူးပေါင်းရင်းမြစ်များ

Génesis 3:21

Quëmapi saꞌinë chachin aꞌmocaiso marëꞌ maꞌsha shaꞌhuëtë quëran Yosëri nitërin. Ina quëtohuachina, aꞌmoanpi huachi.

Nehemías 9:13

Ina quëran Sinai motopiquë nohuaraimaran. Naporoꞌ inápa quëran noya nicacaiso marëꞌ pënënan, camairan, naporan. Noꞌtën nanan aꞌchintahuaton, yonquínahuan yaꞌhuëcaiso marëꞌ anitotëran. Pënënancoisopita, camairancoisopita, anitotërancoisopita, inapitaso noyasáchin ninin. Chinoto tahuërinta acotëran. Ina tahuëri noya nicatonaꞌ, chinotiinënso marëꞌ acotëran. Piyapinën Moisësë itopiso quëran, yaꞌipi inapita anitotëran.

Salmos 119:97

¡Quëma aꞌchinanso Sinioro, paꞌpi nosororahuë! ¡Yaꞌipi tahuëri ina yonquirárahuë!

Éxodo 24:12

Siniorori Moisësë itaantapon: —Iso Sinai motopiquë nisarahuë niꞌton, huënantaton ninaco. Inaquë cato naꞌpitëaꞌhua quëchinquën. Inaquë pënëntërahuësoꞌ, camaitërahuësoꞌ, inapita nani ninshitërahuë. Ina quëran israiroꞌsa aꞌchintaramaꞌ, itërin.

Éxodo 31:18

Sinai motopiquë Siniorori nani yaꞌipi Moisësë shaꞌhuitohuachina, cato naꞌpitëaꞌhua quëtërin. Ina naꞌpitëaꞌhuaroꞌsaquë, inaora chachin pënëntërinso nanan ninshitërin.

Éxodo 32:19

Nani yaꞌcaritohuachina, toroaꞌhua nonanpisoꞌ, nansapisoꞌ, inapita niꞌquimarin. Paꞌpi noꞌhuitaton, naꞌpitëaꞌhuaroꞌsa motopi nanimarinꞌpaꞌ tëꞌyatahuaton, paꞌpaarin huachi.

Éxodo 34:1

Siniorori, Moisësë itaantapon: —Cato naꞌpitëaꞌhuaroꞌsa iꞌhua paꞌpaaransopita pochachin tapaquëꞌ. Inaquë iꞌhua ninshitërahuëso pochachin ninshitaantarahuë.

Hechos 6:15

Ina quëran huaꞌanoꞌsari Istipan niꞌsapi. Niꞌsapirinahuëꞌ, yaꞌpirin anquëni pochin huënaráchin niꞌtërin.

Romanos 10:4

Iráca Moisësë pënëntërin. Iporaso nipirinhuëꞌ co ina natërëhuaso marëꞌ Yosë noya niꞌninpoahuëꞌ. Quisocristo nani oꞌmarin oshanënpoaꞌ inquitinpoaso marëꞌ. “Quisocristoíchin anoyacancantarinpoaꞌ,” topatëhuaꞌ, Yosë noya niꞌsarinpoaꞌ.

Romanos 4:15

Moisësë pënëntërinsoꞌ co natëhuachinarahuëꞌ, anaꞌintacasoꞌ yaꞌhuërin. Co pënëntërinsoꞌ yaꞌhuërinhuëꞌ naporini, co natëcasoꞌ yaꞌhuëꞌitonhuëꞌ. Co ina marëꞌ oshahuaintërihuahuëꞌ.

Romanos 5:20

Iráca Moisësë pënëntërin oshahuanëhuasoꞌ anitotinpoaso marëꞌ. Ina quëran naꞌcon oshahuanëhuasoꞌ nitotërëhuaꞌ. Naꞌcon oshahuanpirëhuahuëꞌ, inaora nohuanton, Yosë naꞌcon naꞌcon nosororinpoaꞌ.

Romanos 7:10

Noya yaꞌhuëcaꞌhuaso marëꞌ pënënpirincohuëꞌ. Co ina natëtorahuëꞌ, oshahuanahuë. Oshahuanato, parisitopiquë pacaꞌhuasoꞌ yaꞌhuërin.

Romanos 7:22

Cancanëhuë quëran Yosë pënëninpoasoꞌ paꞌyatato, yanatëpirahuëꞌ.

Romanos 7:5

Iráca, canpoara nipaꞌyatacasoáchin yonquirëhuaꞌ. Co noyahuëꞌ cancantërëhuaꞌ. Pënënpachinënpoara, aquë aquëtëꞌ co noyahuëꞌ yonquiatëhuaꞌ, co noyahuëꞌ ninëhuaꞌ. Ina marëꞌ chiminpatëhuaꞌ, parisitomiatacasoꞌ yaꞌhuërin.

1 Corintios 13:10

Aꞌna tahuëriso nipirinhuëꞌ Yosëꞌpaꞌ yaꞌipi nitotarihuaꞌ. Naporoꞌ co aꞌchinacasoꞌ yaꞌhuaponhuëꞌ. Co huachi nipënënacasoꞌ yaꞌhuaponhuëꞌ. Yaꞌipi noya nisapi.

2 Corintios 3:3

Aꞌchintohuatëinquëmara, noya natanatomaꞌ Quisocristo imaramaꞌ niꞌton, noya carta pochin ninamaꞌ. Quisocristo chachin ninshitërinsoꞌ. Ina cartasoꞌ co napisëquë ninshitërinhuëꞌ. Co naꞌpiquë tërantaꞌ ninshitërinhuëꞌ. Yosësoꞌ nanpimiatarin niꞌton, Ispirito Santo anoyacancantërinquëmaꞌ nóya nicacamaso marëꞌ.

2 Corintios 3:6

Ina nani acorincoi aꞌchinaꞌhuaiso marëꞌ. Acohuachincoira, catahuarincoi nasha quëran anoyatërinso aꞌchintaꞌhuainquëmaso marëꞌ. Ina imapatëhuaꞌ, Ispirito Santo catahuarinpoaꞌ Yosë nohuitatëhuaꞌ nanpimiatacaso marëꞌ. Iráca anoyatërinso Moisësëri ninshitopirinhuëꞌ. Ina imapatëhua, co onporontaꞌ noya cancantërëhuahuëꞌ. “Co natëhuatamahuëꞌ, chiminpatamaꞌ, anaꞌintacasoꞌ yaꞌhuërin,” tënin. Co ina aꞌchintërainquëmahuëꞌ.

2 Corintios 3:8

Iporaso nipirinhuëꞌ, nasha quëran anoyatërinso aꞌchinarai. ¡Ispirito Santo chachin catahuarinpoaꞌ niꞌton, inasoꞌ noya noya!

Gálatas 3:10

Moisësë iráca pënëntërinsoꞌ yaimapatamaꞌ, anaꞌintinquëmasoꞌ yaꞌhuërin. Co yaꞌipi natëramahuëꞌ niꞌton, Yosë anaꞌintarinquëmaꞌ. Iráca quiricanën quëran naporin: “Co yaꞌipimiáchin natëhuatamacohuëꞌ, chiníquën anaꞌintaranquëmaꞌ. Parisitopiquë aꞌparanquëmaꞌ,” tënin.

Gálatas 3:21

Ina pochin niꞌquëhuarëꞌ Moisësë pënëntërin niꞌton, ¿Yosëri Apraan shaꞌhuitërinsoꞌ tapirin ti? Co naporinhuëꞌ. Pënëntërinsoꞌ noya noya nicaton, anoyacancantërinpoaꞌ naporini, ina natërëhuaso marëꞌ Yosë noya niꞌitonpoahuëꞌ.

Deuteronomio 4:13

Shonca nanan pënëninpoa quëran, Sinioro canpoarë anoyatërinso anitotërinpoaꞌ. Inapita cato naꞌpitëaꞌhuaquë ninshitërin. Ina quëtahuatonpoa camairinpoa noꞌtëquën natëcaso marëꞌ.

Deuteronomio 4:8

Tëhuënchachin mini co aꞌna nacion tëranta canpoa pochin yaꞌhuërinhuëꞌ. Aꞌnapitaso co canpoa pochin noꞌtëquënáchin pënëntërinso nanan yaꞌhuëtopihuëꞌ. Camaitërinso nanan tëranta co yaꞌhuëtopihuëꞌ. Inapita canpitasoꞌ, ipora yaꞌipi aꞌchintaranquëmaꞌ.

Deuteronomio 9:15

Motopi quëran nohuaramahuatora, cato naꞌpitëaꞌhuaroꞌsa quëmarahuë. Inaquë Yosërëꞌquënpoa anoyatërëhuasoꞌ, nani ninshitërin. Naporoꞌ motopiquësoꞌ, pën tënëntárin.

Hebreos 12:18

Iráca Sinai motopi nicotoanaquë huëꞌpachinara, cotioroꞌsaꞌ paꞌpi tëꞌhuatopi. Inaquë panca pën nënërin. Co yaꞌcaritacasoꞌ yaꞌhuërinhuëꞌ. Tahuëri niponahuëꞌ, tashi pochin ninin. Yara yaráchin ninin. Panca ihuan paꞌnin.

Hebreos 3:3

Quisososo nipirinhuëꞌ, Moisësë quëran chini chiníquën nanantërin. Niꞌcoꞌ. Yapëihuachinara, co pëiꞌ inaora yaꞌhuërinhuëꞌ. Piyapiri nipachina, inari huaꞌanëntërin. Inapochachin Yosëri yaꞌipiya ninin niꞌton, yaꞌipi huaꞌanëntërin. Quisocristontaꞌ Yosë huiꞌnin niꞌton, chiníquën nanantaton, yaꞌipi huaꞌanëntërinpoaꞌ.

Hebreos 9:4

Nëꞌmëtëꞌ yaꞌcariya aꞌna misaꞌhuaya yaꞌhuërin, oro quëran nipisoꞌ. Inaquë yonarin pochin pimóchin nininsoꞌ aꞌpëpi tomontacaso marëꞌ. Yosë caposonëontaꞌ yaꞌhuërin. Aipiran, acoporan, yaꞌipi oro quëran achinpitopi. Caposo acopoana yonsha oro quëran nipisoꞌ yaꞌhuërin. Inaquë piꞌpian cosharoꞌ Yosëri inápa quëran aꞌpaimarinsoꞌ poꞌmorin, mana itopisoꞌ. Aaron pitananëontaꞌ inaquë poꞌmorin. Inasoꞌ noyá yaniponahuëꞌ, Yosë nohuanton, aꞌnaroáchin papotantarin piyapinënpita yonquicaiso marëꞌ. Naporahuaton, catoꞌ naꞌpitëaꞌhuayantaꞌ inaquë acopi. Inaquë Yosë pënëntërinsoꞌ nani ninshitopi. Iráca anoyatërinsoꞌ itopisoꞌ.