2 Corintios 3:13 - Chayahuita (Shahui)

¹³ Iráca Moisësë pënëntohuachina, yaꞌpirin huënaratopirinhuëꞌ, oshaquëran sacorayarin. Napoaton nipaꞌcopirayatërin ama sacorayarinsoꞌ quënanacaiso marëhuëꞌ. Quiyasoꞌ co ina pochin aꞌchintërainquëmahuëꞌ.

2 Corintios 3:13 ပူးပေါင်းရင်းမြစ်များ

Marcos 8:25

Naquëranchin sëꞌhuarayantahuachina, noya niꞌtërin. Nani noyatërin niꞌton, yaꞌipi aꞌninquëchin quënanin huachi.

Romanos 10:4

Iráca Moisësë pënëntërin. Iporaso nipirinhuëꞌ co ina natërëhuaso marëꞌ Yosë noya niꞌninpoahuëꞌ. Quisocristo nani oꞌmarin oshanënpoaꞌ inquitinpoaso marëꞌ. “Quisocristoíchin anoyacancantarinpoaꞌ,” topatëhuaꞌ, Yosë noya niꞌsarinpoaꞌ.

2 Corintios 3:7

Iráca Yosë pënëntërinsoꞌ shaꞌhuihuachina, naꞌpiquë ninshitërin. Yosësoꞌ noya noya niꞌton, huënaráchin yaꞌnorin. Moisësë yaꞌpiriontaꞌ huënaratarin niꞌton, co israiroꞌsaꞌ nanitopihuëꞌ huaꞌquiꞌ nirayacaisoꞌ. Huënarataponahuëꞌ, oshaquëran sacorayarin. Pënëntërinsontaꞌ noya niponahuëꞌ, co yaꞌhuëmiatërinhuëꞌ. Co yaꞌipi natëhuachinahuëꞌ, chiminpachinaꞌ, anaꞌintacasoꞌ yaꞌhuërin.

Colosenses 2:17

Iráca Yosë ina pochin pënënin. Quisocristo oꞌmaquë huarëꞌ napopirinhuëꞌ. Iporasoꞌ nani oꞌmarin niꞌton, co huachi inapita nohuantërëhuahuëꞌ. Quisocristoíchin natëcasoꞌ yaꞌhuërin.