2 Corintios 2:7 - Chayahuita (Shahui)

⁷ Iporasoꞌ nanan anoyatocoꞌ. Noya nontaantacoꞌ chiníquën cancanchin. Iporahuantaꞌ sëtárin. Napoaton catahuacoꞌ ama aquëtëꞌ sëchinsohuëꞌ, sëtori yaꞌcoancantohuachin.

2 Corintios 2:7 ပူးပေါင်းရင်းမြစ်များ

Salmos 124:3

Coꞌsoꞌ ina catahuarinpoahuë naporini, yaꞌipi miꞌtërëso pochin nani nichitënënpoahuëꞌ. Chiníquën noꞌhuitënënpoaꞌ, napochitënënpoahuëꞌ.

Proverbios 1:12

Chimirinsoꞌ, piyapiꞌsa tëpacaso co oshatarinhuëꞌ. Inapochachin canpoanta piyapi mapatëhuaꞌ, co oshatarihuahuëꞌ.

Isaías 28:7

Samariaroꞌsa huino oꞌotona pisan pisan toconpi. Máin paꞌyatatonaꞌ, inpan inpan toconpi. Inapita pochachin corto huaꞌanoꞌsaꞌ, pënëntonaꞌpiroꞌsaꞌ, inapitanta ina pochin oꞌotona noꞌpirápi. Huino oꞌosápatona naponin yonquipi. Inapitasoꞌ huaꞌnarëso pochin quënantacaiso nipirinhuëꞌ, maꞌsona nicacasoꞌ shaꞌhuicaiso nipirinhuëꞌ, noꞌpirahuëroꞌsa niꞌton, co Siniorori anitotërinhuëꞌ.

1 Corintios 15:54

Nisha nonënpoaꞌ quëtohuachinpoaꞌ, nanpiantarihuaꞌ. Yosë quiricanën quëran ninoton, naporin: “Aꞌna tahuëri Yosëri chimirin minsëarin. Co huachi chiminacasoꞌ yaꞌhuaponhuëꞌ.

2 Corintios 2:8

Niyontonahuatomaꞌ, noya nontocoꞌ. “Nosoroatënquën iyasha nanan anoyatarainquën,” itocoꞌ. Ina quëran tëhuënchachin nosoroatomaꞌ, noya nontaantacoꞌ.

2 Corintios 5:4

Iporasoꞌ isoroꞌpaquë yaꞌhuatëhuaꞌ, co chinirëhuahuëꞌ, sëtërëhuaꞌ, naporëhuaꞌ. Napopirëhuahuëꞌ, co chiminacasoꞌ nohuantërëhuahuëꞌ. Nasha nonënpoaꞌ tëhuënchinsoꞌ naꞌcon nohuantërëhuaꞌ. Isoroꞌpaquë taꞌhuantopirëhuahuëꞌ, Yosëꞌpaꞌ noya noya nanpimiatarihuaꞌ.

2 Corintios 7:10

Oshanënpoa marëꞌ sëtatëhuaꞌ, Yosë nontohuatëhuaꞌ, catahuarinpoaꞌ co noyahuëꞌ yonquirëhuasopita naniantacaso marëꞌ. Ina pochin sëtacasoꞌ noya, tënahuë. Ina quëran anoyacancantarinpoaꞌ. Co imapisopitasohuëꞌ nipirinhuëꞌ topinan quëran sëtopi. Co oshanënaꞌ naniantohuachinahuëꞌ, chiminpachinaꞌ, Yosëri anaꞌintarin.

Efesios 4:32

Yaꞌipi piyapi noya nontocoꞌ. Nosoroatomaꞌ, catahuacoꞌ. Maꞌsha onpotohuachinënquëmaꞌ, ama ina yonquicosohuëꞌ. Quisocristo imaramaꞌ niꞌton, Yosë oshanëmaꞌ inquitërinquëmaꞌ. Canpita marëꞌ chiminin niꞌton, nanan anoyatërinquëmaꞌ. Inapochachin canpitantaꞌ aꞌnapita maꞌsha onpotohuachinënquëmaꞌ, nanan anoyatatomaꞌ, noya nontocoꞌ.

Filipenses 2:27

Tëhuënchachin chiníquën caniorin. Piꞌpishachin shichiminin. Nipirinhuëꞌ, Yosëri nosoroaton, anoyatërin. Cantaꞌ nosoroatonco, iyahuë anoyatërinco. Ama aquëtëꞌ sëtacaꞌhuaso marëhuëꞌ Yosë nohuanton, co chimininhuëꞌ.

Colosenses 3:13

Ama yaiꞌhuërëtocosohuëꞌ. Aꞌnapita noꞌhuihuachinquëmaꞌ, nanan anoyatocoꞌ. Maꞌsha onpotopirinquëmaontaꞌ, naniantocoꞌ. Sinioro oshanëmaꞌ nani inquitërinquëmaꞌ. Ina nonanatomaꞌ, canpitantaꞌ nanan anoyatocoꞌ.

1 Tesalonicenses 4:13

Chiminpisopita maꞌsona onpocaisoꞌ aꞌchinchinquëmaꞌ, nitotocoꞌ. Quisoso imarëhuasopita chiminpatëhuaꞌ, nanpiantarihuaꞌ. Co imapisopitasohuëꞌ nipirinhuëꞌ, quëmopinënpita chiminpachinara, sëtopi. “Co onporontaꞌ quënantarihuahuëꞌ,” taꞌtonaꞌ sëtápi. Ama inapita pochin sëtacaso marëhuëꞌ canpitasoꞌ aꞌchinchinquëmaꞌ.

2 Tesalonicenses 3:6

Sinioro Quisocristo nanan quëtërincoi niꞌton, noꞌtëquën iyaroꞌsaꞌ pënënainquëmaꞌ. Aꞌnaquëmasoꞌ imapomarahuëꞌ, co sacatatomahuëꞌ, nisha nisha yonquiramaꞌ. Yosë nanamën noꞌtëquën aꞌchintopirainquëmahuëꞌ, co natëramacoihuëꞌ. Insosona inapohuachin, ama inapitarëꞌquëmaꞌ nipayacosohuëꞌ.