2 Corintios 2:3 - Chayahuita (Shahui)

³ Napoaton iꞌhua ninshitëranquëmaꞌ pënënaꞌhuanquëmaso marëꞌ. Ina quëran canpitataquë paꞌpato, co sëtarahuëꞌ. Noya imaantahuatamaꞌ, noya cancantarahuë. Noya cancantohuato, canpitantaꞌ noya cancantaramaꞌ, tënahuë.

2 Corintios 2:3 ပူးပေါင်းရင်းမြစ်များ

1 Corintios 4:21

Nosororanquëmaꞌ niꞌton, sanoanan quëran yapënënpiranquëmahuëꞌ. Co Yosë natëhuatamahuëꞌ, paꞌpato anaꞌintaꞌhuanquëmasoꞌ yaꞌhuërin. Canconpato, ¿maꞌcha onpochinquëma nicaya? tënahuë.

2 Corintios 1:15

“Noya niꞌsarinaco,” taꞌto, iꞌhua nicaponquëmaꞌ yapaꞌpirahuëꞌ. Masitonia parti paꞌpato, niraꞌinquëmaꞌ. Ina quëran oꞌmantahuato, nirimantaꞌinquëmaꞌ, topirahuëꞌ. Inaporahuë naporini, canpita catahuaitomacohuëꞌ Cotia parti pacaꞌhuasoꞌ. Catoroꞌ niꞌnanquëmaꞌ naporini, noya noya cancanchitomahuëꞌ, tënahuë yonquiato. Napopirahuëꞌ, co paꞌnahuëꞌ.

2 Corintios 1:23

Yaꞌipi yonquirahuësoꞌ Yosë nitotërin. Ina niꞌsárinco niꞌton, noꞌtëquën nontaranquëmaꞌ. Co nohuantërahuëꞌ canpitataquë chiníquën pënënaꞌhuanquëmasoꞌ. Napoaton co iꞌhua niꞌconanquëmahuëꞌ. Naporoꞌ paꞌnahuë naporini, co noyahuëꞌ ninamaso marëꞌ chiníquën pënënaꞌhuanquëmasoꞌ yaꞌhuëꞌitonhuëꞌ.

2 Corintios 12:11

Nisha aꞌchinaꞌpiroꞌsaꞌ paꞌyatëramaꞌ niꞌton, huaꞌyantërinso pochin nontëranquëmaꞌ. “Paono nóya aꞌchintërincoi,” itëramaꞌ naporini, co ina pochin cantaꞌ nonacaꞌhuasoꞌ yaꞌhuëꞌitonhuëꞌ. “Quiyasoꞌ noya noyacoi,” itopirinënquëmahuëꞌ, co ca quëran noya noyahuëꞌ inahuasoꞌ. Co caora nanitaporahuëꞌ, Quisocristo catahuarinco niꞌton, noya ninahuë.

2 Corintios 12:21

Iráca aꞌnaquëmaꞌ co noyahuëꞌ yonquiramaꞌ. Monshihuanamaꞌ, sanapirachin yonquiramaꞌ. Ipora huantaꞌ aꞌnaquëmaꞌ inapoaramaꞌ nimara. Co ina naniantohuatamahuëꞌ, canconpato, paꞌpi sëtarahuë. Carinquëmaꞌ aꞌchintëranquëmasoꞌ niꞌton, Yosë atapanarinco. Co oshanëmaꞌ aꞌpohuatamahuëꞌ, chiníquën asëtaramaco.

2 Corintios 13:10

Napoaton co inaquë yaꞌhuaporahuëꞌ, ninshitaranquëmaꞌ pënënaꞌhuanquëmaso marëꞌ. Yaꞌipi co noyahuëꞌ yonquiramasopita naniantohuatamaꞌ, canconpato, co anaꞌintaꞌhuanquëmasoꞌ yaꞌhuaponhuëꞌ. Sinioro chachin chiníquën nanan quëtërinco catahuaꞌhuanquëmaso marëꞌ. Co anishacancantaꞌhuanquëmaso marëꞌ napotaranquëmahuëꞌ. Noya noya imacamaso marëꞌ napotaranquëmaꞌ.

2 Corintios 2:9

Napoaton iꞌhua ninshitëranquëmaꞌ. “Yaꞌipi natëarinaco,” taꞌto, pënënanquëmaꞌ. Tëniaꞌhuanquëmaso marëꞌ ninshitëranquëmaꞌ.

2 Corintios 7:12

Iꞌhua ninshitaponquëmaꞌ, co tëhuënaꞌpi yonquiato, ninshitëranquëmahuëꞌ. Co inari aparisitërinso tërantaꞌ yonquirahuëꞌ. Yaꞌipinquëmaꞌ noya yonquiantamacoisoꞌ nohuantërahuë. “Paonoso catahuarinsopitarë chachin, noꞌtëquën pënëninpoaꞌ. Yosë niꞌsarinpoaꞌ niꞌquëhuarëꞌ, natëahuaꞌ,” taꞌcamaso marëꞌ ninshitëranquëmaꞌ.

2 Corintios 7:16

Carinquëmantaꞌ yonquiatënquëmaꞌ, nóya cancantërahuë. Noya noya imasarama huachi, tënahuë.

2 Corintios 7:6

Sëtohuatëhuaꞌ, Yosë achinicancaninpoaꞌ niꞌton, quiyantaꞌ achinicancanincoi. Ina nohuanton, Tito huëꞌnin.

2 Corintios 7:8

Iꞌhua quirica ninshitatënquëmaꞌ, chiníquën pënënanquëmaꞌ. Ina quirica nontohuatamara, paꞌpi sëtëramaꞌ. Ina natanato, cantaꞌ sëtopirahuëꞌ. Co nohuantërahuëꞌ chiníquën asëtaꞌhuanquëmasoꞌ. Iporaso nipirinhuëꞌ noya cancantërahuë. Co huaꞌquiꞌ sëtëramahuëꞌ. Oshanëma marëꞌ sëtatomaꞌ, naꞌcon naꞌcon Yosë yonquiramaꞌ. Co noyahuëꞌ ninamasopita aꞌporamaꞌ. Pënënanquëmaꞌ niꞌton, co anaꞌintinquëmasoꞌ yaꞌhuërinhuëꞌ.

2 Corintios 8:22

Aꞌna iyayantaꞌ aꞌparai nicainquëmaso marëꞌ. Inantaꞌ naꞌcon catahuarincoi aꞌchinaꞌhuaiso marëꞌ. Piyapiꞌsaꞌ nosoroaton, catahuarin, aꞌchintërin, naporin. Noya quëmapi, tënai. Ipora canpitataquë paꞌsarin. “Corintoquë imapisopita naꞌcon nohuantopi pahuantërinsopita catahuacaisoꞌ,” taꞌton, paꞌsarin catahuainquëmaso marëꞌ.

Gálatas 5:10

Caso nipirinhuëꞌ natëranquëmaꞌ. Noꞌtëquën yonquiaramaꞌ, tënahuë. Sinioro catahuarinquëmaꞌ ama nisha nisha yonquicamaso marëhuëꞌ. Nipirinhuëꞌ, inso tërantaꞌ nisha aꞌchintohuachinquëmaꞌ, Yosëri anaꞌintarin. Chiníquën nanantopiriontaꞌ, nonpintohuachinquëmaꞌ, Yosëri anaꞌintarin.

2 Tesalonicenses 3:4

Pënënpatëinquëmara, noya natëramacoi. Co aꞌpoatomahuëꞌ, imamiataramaꞌ. Yosë catahuarinquëmaꞌ niꞌton, noya imasaramaꞌ, tënahuë.

Filemón 1:21

“Yosë natëton, Onisimo noya nontarin,” taꞌto, ninshitaranquën. Piꞌpian shaꞌhuitopiranquënhuëꞌ, quëmarisoꞌ naꞌcon naꞌcon catahuaaran, tënahuë.