2 Corintios 2:11 - Chayahuita (Shahui)

¹¹ Co nanan anoyatohuatëhuahuëꞌ, Satanasë minsëarinpoaꞌ. Inasoꞌ nisha nisha yanonpintërinpoasoꞌ nitotërëhuaꞌ.

2 Corintios 2:11 ပူးပေါင်းရင်းမြစ်များ

Copo naporinso' 1:11

Napoaponahuëꞌ, inta yaꞌipi yaꞌhuëtërinso osërëtëriquëꞌ. Inapotohuatan, aꞌninquëchin noꞌhuiarinquën, itaantarin Satanasëri.

Copo naporinso' 2:3

—¿Piyapinëhuë Copo itopisoꞌ niꞌnan huachi? Co insonta pasoroꞌpaquë ina pochin yaꞌhuërinhuëꞌ. Inasoꞌ, noꞌtëquën natëtonco noyasáchin ninin. Napoaton co maꞌmarë tëranta pënënacaso yaꞌhuërinhuëꞌ. Naporahuaton co inso tëranta maꞌsha onpotërinhuëꞌ. Quëma napotëranco niꞌton, yaꞌipi maꞌshanënpita topinan quëran ayatërahuë. Inapotopirahuëꞌ, inaso co piꞌpisha tëranta nisha cancantërinhuëꞌ, itërin.

Copo naporinso' 2:5

Inta inaora chachin maꞌsha onpotëriquëꞌ. Inapotohuatansoꞌ, tëhuënchachin noꞌhuitënquën aꞌpoarinquën, itërin.

Copo naporinso' 2:9

Naporoꞌ saꞌini itapon: —Noyasáchin nicaponahuëꞌ poꞌsáran niꞌquëhuarëꞌ, Yosë noꞌhuirahuaton aꞌpoquëꞌ. Inaporahuaton, chiminchanquë huachi, itërin.

Mateo 4:10

—Inca co nohuantërahuëꞌ. Quëmasoꞌ sopai huaꞌanquën. Patoco huachi. Yosë quiricanën quëran shaꞌhuitërinpoaꞌ: “Sinioroíchin chinotëquëꞌ. Inasáchin natëcasoꞌ yaꞌhuërin,” tënin, itërin Quisosori.

Lucas 22:31

Ina quëran Simon Pitro pënënin chiníquën cancantacaso marëꞌ. —Tëhuënchachin iya Simon sopai yaminsërinquëmaꞌ. Inari nani Yosë nontërin: “Arosë pintiapiso pochin tëniꞌi, topirahuëꞌ,” itërin. “Inta nipachin tëniriquëꞌ,” itërin Yosëri. Napoaton sopai chiníquën shaꞌhuitarinquëmaꞌ naniantamacoso marëꞌ.

Juan 13:2

Inaroꞌcoi coshatarai. Sopai huaꞌani nani Cotasë ayonquirin Quisoso shaꞌhuirapicaso marëꞌ. Simon Iscarioti huiꞌnin inasoꞌ.

Hechos 1:25

inantaꞌ paaton, aꞌnapita aꞌchintacaso marëꞌ? Cotasë co huachi nanitërinhuëꞌ. Nani aꞌporinquën niꞌton, parisitopiquë paꞌnin,” itopi.

1 Corintios 7:5

Ama niaꞌpoꞌinasohuëꞌ, niichihuëꞌëinaꞌ. Aꞌna tahuëriso nipirinhuëꞌ quëmapi saꞌinë chachin inahuara yonquinëna quëran nohuantohuachinaꞌ, naꞌcon naꞌcon Yosë nontacaiso marëꞌ nisha huëꞌëinaꞌ. Ina quëran naquëranchin nihuëꞌëpantaꞌinaꞌ ama nisha yonquicaiso marëhuëꞌ. Ama huaꞌquiꞌ nisha huëꞌëcosohuëꞌ, Satanasë minsëchinquëmaꞌ.

2 Corintios 11:14

Co ina marëꞌ paꞌyanacasoꞌ yaꞌhuërinhuëꞌ. Niꞌcoꞌ. Satanasëntaꞌ nohuantohuachin, Yosë anquëninën pochin yaꞌnorarin piyapiꞌsaꞌ nonpintacaso marëꞌ.

2 Corintios 11:3

Aꞌnaquënso nipirinhuëꞌ yaanishacancantërinënquëmaꞌ. Iráca yaꞌhuani Ipa nonpintërinso pochin yanonpintërinënquëmaꞌ ama Quisocristoíchin yonquicamaso marëhuëꞌ.

2 Corintios 4:4

Sopai nohuanton, co nanitopihuëꞌ noꞌtëquën yonquicaisoꞌ. Maꞌsha aꞌpintërëso pochin nanamën quëran Yosë anitotërinpoaꞌ Quisocristo nohuitacaso marëꞌ. Inasoꞌ Yosë chachin ninin. Inapitaso nipirinhuëꞌ somaraya pochin cancantatonaꞌ, co nanitopihuëꞌ natëtacaisoꞌ.

2 Timoteo 2:25

Nisha nanan imapachina, oshaquëran pënëanhuanꞌ. Ama noꞌhuitatëhuahuëꞌ, aꞌchintahuaꞌ. Yosëri catahuahuachin, oshaquëran co noyahuëꞌ yonquipisopita naniantatonaꞌ, noꞌtëquën yonquiaponaꞌ nimara.

1 Pedro 5:8

Sopaisoꞌ inimiconënpoaꞌ. Yacamairinpoaꞌ co noyahuëꞌ nicacaso marëꞌ. Paꞌpiniꞌ yamaninposo pochachin sopai paꞌsarin piyapiꞌsaꞌ minsëcaso marëꞌ. Napoaton noya yonquiatomaꞌ, niꞌsácoꞌ.

Apocalipsis 13:8

Huaꞌhuayatërahuëꞌ piyapiꞌsari natëapi. Carniroaꞌhua imapisopitaíchin co ina chinotapihuëꞌ. Inasoꞌ aꞌna quirica yaꞌhuëtërin. Nanpirin quirica itopisoꞌ. Inaquë nininënpita nani ninshitërin. Isoroꞌpaꞌ ninin quëran huarëꞌ imapisopita ninoton, inaquë ninshitërin. “Canpoa marëꞌ Carniroaꞌhua chiminin,” taꞌtonaꞌ, ina imasapi. Aꞌnapitaso nipirinhuëꞌ co nanpirin quiricaquë nininënpita yaꞌhuërinhuëꞌ niꞌton, maꞌsha marë quëran pipirinsoꞌ chinotapi.

Apocalipsis 2:24

Aꞌnaquëmaso nipirinhuëꞌ co nonpin nanan natëramahuëꞌ. ‘Noya noya nitotërai,’ itopirinënquëmahuëꞌ, ‘Sopai imatonaꞌ, napopi,’ taꞌtomaꞌ, co ina natëramahuëꞌ. Iporahuantaꞌ noya imaramaco niꞌton, co aquëtëꞌ pënënaꞌhuanquëmasoꞌ yaꞌhuërinhuëꞌ.