2 Corintios 11:31 - Chayahuita (Shahui)

³¹ Yosë niꞌsárinco, co nonpintaranquëmahuëꞌ. Inasoꞌ Quisocristo paꞌpin chachin, yaꞌipiyari chinochinaꞌ. Ina niꞌsárinco niꞌton, noꞌtëquën nontaranquëmaꞌ.

2 Corintios 11:31 ပူးပေါင်းရင်းမြစ်များ

Juan 10:30

Caso Tatahuëroꞌco napopináchin cancantërahuë, itërin Quisosori.

Juan 20:17

—Aꞌpoco imoya. Co tatahuë yaꞌhuërinꞌpaꞌ pantayátërarahuëꞌ. Apira paaton, iyahuëpita pochin niꞌnahuësopita shaꞌhuitonquëꞌ: “Yosë yaꞌhuërinꞌpaꞌ panantarahuë. Inasoꞌ: ‘Tata,’ itato chinotërahuë. Canpitantaꞌ imaramaco niꞌton, ‘Tata,’ itatomaꞌ chinotëramaꞌ, tënin Quisoso, itonquëꞌ,” itërin.

Romanos 1:25

Yosëri noꞌtëquën anitotopirinhuëꞌ, ina aꞌporahuatonaꞌ, nonpin nanan natëpi. Maꞌsha isoroꞌpaquë yaꞌhuërinsopita moshatonaꞌ, chinotopi. Yosëriáchin yaꞌipiya ninin nipirinhuëꞌ, co inasoꞌ chinotopihuëꞌ. Tëhuënchachin inasáchin chinotacasoꞌ yaꞌhuërin, tënahuë. Amen.

Romanos 1:9

Yosë niꞌsárinco, noꞌtëquën nontaranquëmaꞌ. Yaꞌipi cancanëhuë quëran huarëꞌ Yosë imarahuë. Huiꞌnin nanamën aꞌchinárahuë. Nani tahuëriya canpita yonquiatënquëmaꞌ,

Romanos 15:6

Ina quëran co nisha nisha yonquiaramahuëꞌ. Napopináchin cancantatomaꞌ, nóya Yosë chinotaramaꞌ. Huiꞌnin chachin huaꞌanëntërinpoaꞌ, Quisocristo imarëhuasoꞌ. “Ma noyacha Yosësoꞌ catahuarinpoa paya,” tosaramaꞌ.

Romanos 9:1

Quisocristo imato, noꞌtëquën nonahuë. Co nonpinahuëꞌ. Ispirito Santo yaꞌcoancantërinco niꞌton, noꞌtëquën nontaranquëmaꞌ, tënahuë.

Romanos 9:5

Shimashonënpitasoꞌ Yosëri chachin huayonin. Ina quëran Cristo isoroꞌpaquë oꞌmahuachina, Israiro sanapi quëran nasitërin. Inasoꞌ Yosë chachin. Yaꞌipiya huaꞌanëntërinpoaꞌ. ¡Ma noyacha inaso paya! tënëhuaꞌ. Amen.

2 Corintios 1:23

Yaꞌipi yonquirahuësoꞌ Yosë nitotërin. Ina niꞌsárinco niꞌton, noꞌtëquën nontaranquëmaꞌ. Co nohuantërahuëꞌ canpitataquë chiníquën pënënaꞌhuanquëmasoꞌ. Napoaton co iꞌhua niꞌconanquëmahuëꞌ. Naporoꞌ paꞌnahuë naporini, co noyahuëꞌ ninamaso marëꞌ chiníquën pënënaꞌhuanquëmasoꞌ yaꞌhuëꞌitonhuëꞌ.

2 Corintios 1:3

—Ma noyacha Tata Yosëso paya. Sinioro Quisocristo paꞌpin inasoꞌ. Naꞌcon nosororinpoaꞌ niꞌton, catahuarinpoaꞌ chiníquën cancantahuasoꞌ. Nani tahuëri inasáchin achinicancaninpoaꞌ.

2 Corintios 11:11

“Co nosororinquëmahuëꞌ niꞌton, maꞌshanëmaꞌ co maꞌparinquëmahuëꞌ,” itopirinënquëmahuëꞌ, co noꞌtëquën nonpihuëꞌ. Yosë niꞌsárinco, naꞌcon nosororanquëmaꞌ, tënahuë.

Gálatas 1:20

Yosë niꞌsárinco, noꞌtëquën ninshitaranquëmaꞌ. Co nonpintaranquëmahuëꞌ.

Efesios 1:3

Ma noyacha Tata Yosëso paya. Sinioro Quisocristo paꞌpin inasoꞌ. Inápa quëran noya noya yonquirinpoaꞌ. Quisocristo imarëhuaꞌ niꞌton, naꞌcon catahuarinpoaꞌ noya noya cancantacaso marëꞌ. Oshanënpoaꞌ inquitatonpoaꞌ, anoyacancantërinpoaꞌ. Ina quëran nani tahuëri catahuarinpoaꞌ nohuantërinso chachin nicacasoꞌ. Co inápaquë yaꞌhuëyatërarihuarahuëꞌ, inatohuaꞌ yaꞌhuëarëhuaso pochin Yosë nohuitërëhuaꞌ. Ina yonquiatëhuaꞌ, “Yosparinquën Sinioro,” itahuaꞌ.

Efesios 3:14

“Ma noyacha Yosë yonquirinpoa paya,” taꞌto, isonahuato, Tata Yosë nontërahuë.

Colosenses 1:3

Canpita yonquihuatëinquëmara, naꞌcon Yosë nontarai. Inasoꞌ Sinioro Quisocristo paꞌpin. Cancanëma quëran huarëꞌ ina natëramaꞌ. Yaꞌipi Yosë piyapinënpitantaꞌ nosororamaꞌ, natantërai. Ina natantatoi, noya cancantërai. “Noya imarinënquën niꞌton, ‘Yosparinquën Sinioro,’ ” itërai.

1 Tesalonicenses 2:5

Co noyasha nonatoi, yanonpintërainquëmahuëꞌ. Co canacaꞌhuaiso marëꞌ napotërainquëmahuëꞌ. Yosë niꞌsárincoi, noꞌtëquën nontërainquëmaꞌ.

1 Timoteo 1:11

Yosë nanamënsoꞌ noya nóya. Ina quëran nichaꞌërinpoaꞌ. “Ma noyacha Yosëso paya,” itërëhuaꞌ. Ina chachin acorinco nanamën shaꞌhuicaꞌhuaso marëꞌ.

1 Timoteo 1:17

Napoaton Yosëíchin natëahuaꞌ. Nani tahuëriya: “¡Ma noyacha Yosëso paya!” itahuaꞌ. Inasoꞌ co onporontaꞌ taꞌhuantaponhuëꞌ. Co quënanpirëhuahuëꞌ, huaꞌanëntomiatërinpoaꞌ. Inaíchin chinotacasoꞌ yaꞌhuërin. Ama onporontaꞌ ina naniantahuasohuëꞌ. Amen.

1 Timoteo 6:16

Inasáchin co taꞌhuantarinhuëꞌ. Nanpirápon inasoꞌ. Noya noya niꞌton, huënaráchin pochin yaꞌnorin. Co yaꞌcarichinachinhuëꞌ. Iráca quëran huarëꞌ co insontaꞌ Yosë quënaninhuëꞌ. Ipora huantaꞌ co quënanarihuarahuëꞌ, yaꞌipi piyapiꞌsari chinochinaꞌ. Yaꞌipiya nanitaparin. Amen.

1 Pedro 1:3

Ma noyacha Tata Yosëso paya. Quisocristo paꞌpin inasoꞌ. Naꞌcon nosoroatonpoaꞌ, nasitantarëso pochin nasha cancan quëtërinpoaꞌ ina nohuitacaso marëꞌ. Quisocristo huaꞌanëntërinpoaꞌ. “Chiminaponahuëꞌ, nanpiantarin niꞌton, canpoantaꞌ nanpiantarihuaꞌ,” taꞌtëhuaꞌ, noya ninarëhuaꞌ. Natëtomiatërëhuaꞌ.