2 Corintios 11:30 - Chayahuita (Shahui)

³⁰ Aꞌnaquënsoꞌ naꞌcon nonsapi. “Quiyasoꞌ noya noyacoi,” topi. Caso nipirinhuëꞌ co ina pochin nonahuëꞌ. Co caora nanitërahuësoꞌ shaꞌhuichinquëmaꞌ. Naꞌcon maꞌsha onpotopirinacohuëꞌ, Yosëíchin achinicancaninco ahuantaꞌhuaso marëꞌ.

2 Corintios 11:30 ပူးပေါင်းရင်းမြစ်များ

Proverbios 27:2

Noya nipiranhuë tëranta ama ina marëꞌ, “caso noya noyaco,” tëquësohuëꞌ. Aꞌnapita naporapihuachinquën tëhuënchinsoꞌ, noya nisaran.

Mateo 4:23

Yaꞌipi Cariria parti paaton, niyontonpiso pëiroꞌsaquë pënënaꞌpiarin. Noya nanan aꞌchinaton: “Yosë yahuaꞌanëntërinquëmaꞌ,” itëraꞌpiarin. Naporahuaton, naꞌa caniaꞌpiroꞌsaꞌ aꞌnaroáchin anoyatërin. Nisha nisha caniori maninsopita anoyatëraꞌpiarin.

1 Corintios 2:3

Canpitataquë yaꞌhuasoco, co chiníquën cancantërahuëꞌ. “Co caora nanitërahuëꞌ noya aꞌchinaꞌhuasoꞌ,” taꞌto, naporahuëꞌ.

2 Corintios 12:1

Co nohuantërahuëꞌ aꞌnapita nocanaꞌhuasoꞌ. “Casoꞌ noya noya piyapico,” co taporahuëꞌ, piꞌpian ina pochin shaꞌhuichinquëmaꞌ. Iráca Yosë nohuanton, huaꞌnarëso pochin maꞌsha niꞌnahuë. Quisocristo chachin anitotërincosoꞌ.

Colosenses 1:24

Imarëhuasopita marëꞌ Quisocristo chiníquën parisitërin. Parisitaton, huëntonënquë ayaꞌconinpoaꞌ. Ina quëran imarëhuasopitantaꞌ parisitacasoꞌ yaꞌhuërin aꞌnapitantaꞌ imacaiso marëꞌ. Napoaton ipora cantaꞌ parisitarahuë canpitantaꞌ imacamaso marëꞌ. Parisitaporahuëꞌ, noya cancantërahuë.