2 Corintios 11:29 - Chayahuita (Shahui)

²⁹ Aꞌnaquën co chiníquën cancantohuachinahuëꞌ, cantaꞌ ina pochin ninatanahuë. Aꞌna piyapi anishacancantohuachinquëmara, nosororanquëmaꞌ niꞌton, ina noꞌhuirë pochin cancantërahuë.

2 Corintios 11:29 ပူးပေါင်းရင်းမြစ်များ

Mateo 11:6

Insosona yaꞌipi cancanëna quëran natëmiatohuachinaco, nóya cancantapi, itërin Quisosori.

Juan 2:17

Yosë quiricanënquë ninshitopisoꞌ yonquirai. “Yaꞌipi piyapiꞌsaꞌ Tata, chinochinënquën, tënahuë. Ina naꞌcon yonquiato, quëma pëinën aꞌpitërahuë. Ina marëꞌ noꞌhuiarinaco,” tënin quiricaquë.

Romanos 12:15

Aꞌnapita naꞌcon yonquicoꞌ. Canpitaora ninatanamaso pochin cancantocoꞌ. Noya cancantohuachinaꞌ, ina marëꞌ canpitantaꞌ noya cancantocoꞌ. Sëtohuachinaꞌ, sëtocoꞌ.

Romanos 15:1

Canpoasoꞌ yaꞌipi cancanënpoa quëran imarëhuaꞌ. “Quisocristoíchin nichaꞌërinpoaꞌ,” taꞌtëhuaꞌ, co nisha nisha yonquirëhuahuëꞌ. Aꞌnaquënso nipirinhuëꞌ co yaꞌipi cancanëna quëran natëyátërapihuëꞌ. Inapitantaꞌ oshaquëran pënënatëhuaꞌ, catahuahuaꞌ noya imainaꞌ. Ama canpoara nohuantërëhuasoráchin yonquiaꞌhuasohuëꞌ.

1 Corintios 11:22

¿Coꞌna pëinëmaꞌ yaꞌhuëtërinquëmahuëꞌ inaquë coshatamasoꞌ, oꞌocamasoꞌ? ¿Onpoatontaꞌ corto pëiquë chachin pahuantërinsopita atapanaramaꞌ? ¿Maꞌtaꞌ ina marëꞌ ichinquëmaꞌ? Co ina marëꞌ noya niꞌnanquëmahuëꞌ.

1 Corintios 12:26

Maquënpoa tërantaꞌ iquin nipachina, yaꞌipi ninatanëꞌ. Inapochachin maquënpoa tërantaꞌ paꞌyatohuachinënpoaꞌ, yaꞌipi nonënpoaꞌ capa cancantërin.

1 Corintios 15:36

¡Co canpitasoꞌ nitoyonquiramahuëꞌ! Niꞌcochi. Yaꞌpirin shaꞌpatëra, yaꞌpirin chachinsoꞌ chimininso pochin ninin. Acopoꞌ yaꞌpiraꞌhuainso nipirinhuëꞌ, noya papotërin.

1 Corintios 8:13

Yaꞌipi cosharoꞌ noya capacaso nipirinhuëꞌ, aꞌna tahuëri nosha capasoco iyahuë nicatonco nishacancantohuachin, co huachi ina nosha caꞌsarahuëꞌ. Iyahuë nosoroato, co piꞌpian tërantaꞌ nohuantërahuëꞌ anishacancantaꞌhuasoꞌ.

1 Corintios 8:9

Nipirinhuëꞌ, yaꞌipi nosha caꞌpatamaꞌ, niꞌcona aꞌnapita anishacancantotamaꞌ. Aꞌnaquën imasapirinahuëꞌ, co Quisocristoíchin natëyátërapihuëꞌ. Nisha nisha tëꞌhuatapi.

1 Corintios 9:22

Aꞌnaquëontaꞌ imaponahuëꞌ, co yaꞌipi cancanëna quëran natëyátërapihuëꞌ. Inapitantaꞌ co nocanahuëꞌ. “Casoꞌ noya noya imarahuë,” co itërahuëꞌ. Inapita pochin ninahuë natanatonaco, noya noya Quisocristo imacaiso marëꞌ. Yaꞌipi piyapiꞌsaꞌ nosoroato, sanoanan quëran aꞌchintarahuë caraya tërantaꞌ chaꞌëcaiso marëꞌ.

2 Corintios 13:9

Co chiníquën nanantonaꞌpi pochin nipiraihuëꞌ, co ina marëꞌ sëtëraihuëꞌ. Noya imapatamaꞌ, nóya cancantarai. Ipora huantaꞌ Yosë nontarai. “Catahuaquëꞌ, Sinioro, noya noya cancanchinaꞌ,” itërai.

Gálatas 2:14

Ina niꞌsahuato, yaꞌipi piyapi niꞌtërantapaiquë Pitro chiníquën pënënahuë. “Cotio piyapinquën niponahuëꞌ, Quisocristo imaton, iráca pënëntërinsoꞌ naniantëran. Nisha piyapiꞌsarëꞌquën coshataponahuëꞌ, iporasoꞌ naquëranchin maꞌsha aꞌpoantaran. Ina pochin nicaton, piyapiꞌsaꞌ anishayonquiaran. ‘Co Quisocristoíchin nichaꞌërinpoahuëꞌ nimara. Iráca pënëntërinsontaꞌ natëcasoꞌ yaꞌhuërin,’ taꞌtonaꞌ, nonanarinënquën. ¿Nisha piyapiꞌsantaꞌ cotioroꞌsa pochin yaatarantëran ti?

Gálatas 6:2

Yaꞌipinpoaꞌ aꞌna tahuëri maꞌsha onporëhuaꞌ. Aꞌna tahuërintaꞌ sopai yanonpintërinpoaꞌ co noyahuëꞌ nicacaso marëꞌ. Napoaton nicatahuahuaꞌ noya yonquicaso marëꞌ. Panca pëꞌpëto nicatahuarëso pochin catahuahuaꞌ. Inapohuatëhuaꞌ, Quisocristo natëarihuaꞌ. “Ninosorocoꞌ,” itërinpoaꞌ.

Apocalipsis 2:2

Nani nohuitëranquëmaꞌ. Yaꞌipi ninamasopita nitotërahuë. Chiníquën ca marëꞌ sacatëramaꞌ. Co amiatomacohuëꞌ, noya ninamaꞌ. Aꞌnaquën co noyahuëꞌ nipachinara, co noya niꞌnamahuëꞌ. Nonpin nanan aꞌchinaꞌpiroꞌsantaꞌ co noya niꞌnamahuëꞌ. ‘Yosë aꞌparincoi, aꞌchinarai,’ itopirinënquëmahuëꞌ, nonpinapi. Inapita natanpatamaꞌ: ‘Co noꞌtëquën aꞌchinpihuëꞌ,’ taꞌtomaꞌ, co natëramahuëꞌ.

Apocalipsis 2:20

co yaꞌipi cancanëma quëran imaramacohuëꞌ. Aꞌna sanapi corto pëiquë chachin nonpin nanan aꞌchintopirinquëmahuëꞌ, co aꞌparamahuëꞌ. Iráca Quisapira paꞌpi co noyahuëꞌ sanapi niponahuëꞌ, chiníquën nanantaton, piyapinëhuëpita anishacancantërin. Inapochachin iporasoꞌ ina sanapi pënënarinquëmaꞌ co noyahuëꞌ nicacamasoꞌ. ‘Noya monshihuanacasoꞌ. Mamanshi moshacaso marëꞌ nosha acohuachina, noya capacasoꞌ. Caꞌcoꞌ,’ itohuachinquëmara, aꞌnaquëmaꞌ natëtomaꞌ, monshihuanamaꞌ. Nosha mamanshi marëꞌ acopisoꞌ caꞌnamaꞌ. Ina pochin ina sanapi nonpintërinquëmaꞌ.