2 Corintios 11:28 - Chayahuita (Shahui)

²⁸ Yosë nohuanton, ina pochin parisitárahuë. Naporahuaton, yaꞌipi imaramasopita nosoroatënquëmaꞌ, yonquiáranquëmaꞌ. Noya noya imacamasoꞌ naꞌcon nohuantërahuë. Nani tahuëri yonquiatënquëmaꞌ napion cancantërahuë.

2 Corintios 11:28 ပူးပေါင်းရင်းမြစ်များ

Hechos 15:36

Nani huaꞌquimiachin yaꞌhuëhuachinara, Paonori itërin: —Huëquëꞌ paꞌa iyasha. Iꞌhua naꞌa ninanoquë Sinioro nanamën shaꞌhuirëꞌ. Paatëꞌ Quisoso imapisopita niantaꞌa. ¿Onpoapitaꞌmapaꞌ? itërin.

Hechos 18:23

Huaꞌquimiáchin inaquë yaꞌhuërin. Ina quëran naquëranchin yonquirin paaton nasha imapisopita nicacaso marëꞌ. Carasia parti paꞌsahuaton, pënënaꞌpiarin. Naporahuaton, Piriquia partintaꞌ paꞌsahuaton, pënënaꞌpiarin. Aꞌnaya aꞌnaya ninanoroꞌsaquë Quisoso imapisopita achinicancanaꞌpiarin. Achinicancanpachina, noya noya imasapi.

Hechos 20:2

Masitonia parti paꞌtaton, pënënaꞌpiarin achinicancanacaso marëꞌ. Inapotaton, Crisia parti canconin.

Hechos 9:31

Ina quëran Quisoso imapisopita noya yaꞌhuapi. Co huachi insoari tërantaꞌ aparisitërinhuëꞌ. Cotia parti, Cariria parti, Samaria parti, inaquëpita sano yaꞌhuatonaꞌ, noya noya imasapi. “Sinioro chiníquën nanantërin,” taꞌtonaꞌ, nóya natëpi. Ispirito Santori catahuarin niꞌton, aꞌnapitanta imasapi.

Romanos 1:14

Yaꞌipi piyapiꞌsaꞌ pënënaꞌhuasoꞌ yaꞌhuërin. Quisocristo shaꞌhuitërinco. “Huaꞌanoꞌsaꞌ, topinan piyapiꞌsaꞌ, yaꞌipi nananquë nonpisopita aꞌchintëquëꞌ. Quirica nitotoroꞌsaꞌ, co nitotoroꞌsahuëꞌ, yaꞌipiya pënënquëꞌ,” itërinco.

Romanos 11:13

Aꞌnaquëmasoꞌ nisha piyapiꞌsanquëmaꞌ. Yosë aꞌparinco aꞌchintaꞌhuanquëmaso marëꞌ. Ina marëꞌ noya cancantërahuë. Paꞌsápato, aꞌchintaranquëmaꞌ.

Romanos 15:16

Quisocristo chachin aꞌparinco nisha nisha piyapiꞌsaꞌ aꞌchintaꞌhuaso marëꞌ. Nanamën aꞌchintarahuë inapitantaꞌ imacaiso marëꞌ. Aꞌchinato, Yosë marëꞌ sacatarahuë. Nisha piyapiꞌsantaꞌ imapachinaꞌ, Ispirito Santori yaꞌcoancantarin. Noyápiachin cancan quëtarin. Ina marëꞌ Yosëri noya niꞌsarin.

Romanos 16:4

Iráca aꞌnapita yatëpapirinacohuëꞌ, inapita co chimirin tëꞌhuatatonaraihuëꞌ, catahuarinaco. Ina marëꞌ piꞌpíshachin shichiminaponaraihuëꞌ, catahuarinaco niꞌton, chaꞌërahuë. Ina marëꞌ “Yosparinquën,” itërahuë. Nisha piyapiꞌsaꞌ imapisopitarintaꞌ “Yosparinquën,” itopi inahuarintaꞌ.

1 Corintios 7:17

Yosë nohuanton, nisha nisha ninëhuaꞌ. Co napopináchin ninëhuahuëꞌ. Onpopinsona nicasëhuaꞌ Yosë imapatëhuaꞌ, inachachin niahuaꞌ. Yaꞌhuërëhuaquë chachin sano yonquiatëhuaꞌ, imahuaꞌ. Paato, yaꞌipi imapisopita inachachin pënënarahuë.

Colosenses 2:1

Naꞌcon iyaroꞌsaꞌ yonquiranquëmaꞌ. Naotisiaquë yaꞌhuëpisopitantaꞌ yonquirahuë. Naꞌaquëmaꞌ inatohuaꞌ yaꞌhuëramasopita co nohuitaponquëmarahuëꞌ, naꞌcon yonquiranquëmaꞌ. Co piꞌpisha tërantaꞌ nohuantërahuëꞌ nisha cancantacamasoꞌ. Napoaton ninshitaranquëmaꞌ.