2 Corintios 1:9 - Chayahuita (Shahui)

⁹ “Chiminapoi nimara,” topiraihuëꞌ, co chiminaihuëꞌ. Yosë nohuanton, maꞌsha onporai ina naꞌcon naꞌcon yonquicaꞌhuaiso marëꞌ. Napoaton “Quiyaora nanitërai,” co tënaihuëꞌ. “Catahuacoi Sinioro, co quiyasoꞌ nanitëraihuëꞌ,” itërai. Yosëíchin yaꞌipi nanitaparin. Chiminpisopitantaꞌ ananpitaantarin, tënai.

2 Corintios 1:9 ပူးပေါင်းရင်းမြစ်များ

Copo naporinso' 40:14

Napohuatan tëhuënchinsoꞌ, carionta natëaranquën: ‘Tëhuënchachinchi chiníquën nanantaton canatërin paya,’ tëcapo.

Ezequiel 33:13

Aꞌna piyapi noya nininsoꞌ: ‘Quëmasoꞌ noya ninanso marëꞌ nanpipon,’ itërahuë. Inaso napoaponahuëꞌ, napotërahuësoꞌ yonquiaton: ‘Co anaꞌintaponcohuëꞌ,’ tosarin. Ina tëcaton co noyahuëꞌ niantarin. Napohuachin, iꞌhua noya nininsopita co huachi yonquiarahuëꞌ. Co noyahuëꞌ nininso marëꞌ chiminacaso yaꞌhuërin.

Lucas 18:9

Aꞌnaquën piyapiꞌsaꞌ yaꞌhuëpirinahuëꞌ. “Quiyasáchin noꞌtëquën Yosë natërai. Aꞌnapitasoꞌ co quiya pochin natëpihuëꞌ,” toconpi. Napopirinahuëꞌ, inapita pënënacaso marëꞌ Quisosori itërin:

Romanos 8:36

Yosë quiricanënquë naporin: “Imarainquënso marëꞌ Sinioro, yaꞌipi tahuëri yatëparinacoi. Co mantaꞌ onpopiraihuëꞌ, ohuicaroꞌsaꞌ yatëpapiso pochin yatëparinacoi,” tënin.

2 Corintios 1:10

Piꞌpishachin shichiminpiraihuëꞌ, Yosë naꞌcon catahuarincoi niꞌton, chaꞌërai. Nani tahuëri niꞌsárincoi. “Co onporontaꞌ naniantarincoihuëꞌ. Aꞌna tahuëri parisitaantapiraihuëꞌ, nichaꞌësarincoi,” taꞌtoi noya cancantërai.

2 Corintios 1:8

Parisitëraisoꞌ shaꞌhuichinquëmaꞌ, canpitantaꞌ nitotocoꞌ. Asiaquë yaꞌhuasocoi, naꞌcon maꞌsha onpotërinacoi. Co ahuantochináchinhuëꞌ cancantërai:

2 Corintios 3:5

Quiyaora co piꞌpisha tërantaꞌ nanitëraihuëꞌ noya aꞌchintaꞌhuainquëmasoꞌ. Yosëíchin ananitërincoi. Co catahuarincoihuëꞌ naporini, co canpitantaꞌ cancanëma quëran imaitomahuëꞌ.

2 Corintios 4:7

Co quiyasoꞌ chiníquën nanantopiraihuëꞌ, Yosë nohuitatoi, aꞌnapitantaꞌ catahuarai ina nohuitacaiso marëꞌ. Niꞌcoꞌ. Yonsha, huëꞌëta, inapita noꞌpa quëran nipi niꞌton, co yaꞌhuëmiatërinhuëꞌ. Aꞌnaroáchin yaꞌquihuachina, co noyatërinhuëꞌ. Napoonin. Inapochachin quiyantaꞌ co chiníquën cancantopiraihuëꞌ, Yosë catahuarincoi nanamën aꞌchinaꞌhuaisoꞌ. Aꞌnapitantaꞌ natanatonacoi, yonquiapi. “Ma noyacha Yosëri catahuarin paya. Co catahuarinhuëꞌ naporini, co ina pochin nanichitonahuëꞌ,” tosapi.

Hebreos 11:19

“Yosë co nonpintërincohuëꞌ. Ananpitaantacasontaꞌ nanitërin,” taꞌton, Apraan natëtërin. Paaton, Isaco yatëparahuachina, Yosëri itaantarin: “Tananpitëquëꞌ. Ama tëpaquësohuëꞌ,” itërin. Napoaton huiꞌnin chiminin quëran, nanpiantarinso pochin niꞌnin.