2 Corintios 1:7 - Chayahuita (Shahui)

⁷ Canpitantaꞌ aparisitohuachinënquëmaꞌ, Yosë catahuarinquëmaꞌ chiníquën cancantacamaso marëꞌ. Napoaton co Yosë aꞌpoaramahuëꞌ. Chiníquën cancantatomaꞌ, imamiataramaꞌ, tënai. Ina marëꞌ noya cancantërai.

2 Corintios 1:7 ပူးပေါင်းရင်းမြစ်များ

Mateo 23:30

Inapotatomaꞌ naporamaꞌ: ‘Iráca chachin yaꞌhuërai naporini, co quiyarisoꞌ tëpaꞌitoihuëꞌ,’ topiramahuëꞌ,

1 Corintios 10:13

Sopai yaꞌipi piyapinpoaꞌ shaꞌhuitërinpoaꞌ co noyahuëꞌ nicacaso marëꞌ. Yosëso nipirinhuëꞌ catahuarinpoaꞌ. Aꞌnaya aꞌnayanpoaꞌ co nanitërëhuasohuëꞌ nitotaton, niꞌsarinpoaꞌ. “Tananpitëquëꞌ,” itohuachina, co sopai nanitërinhuëꞌ aquëtëꞌ tëniinpoasoꞌ. Cancanënpoa quëran huarëꞌ Yosë natëhuatëhuaꞌ, co sopai minsëarinpoahuëꞌ. Maꞌsha onpopirëhuahuëntaꞌ, Yosë ananitarinpoaꞌ ahuantacasoꞌ. Yosë chachin catahuarinpoaꞌ sopai minsëcaso marëꞌ.

2 Corintios 1:14

Ipora noyamiachin nitotëramaꞌ. Sinioro Quisoso oꞌmantacasoꞌ tahuëri nanihuachin, noya cancantatoi, noya niꞌsarainquëmaꞌ. Naporo tahuëri canpitantaꞌ noya niꞌsaramacoi, tënai. “Paono noya aꞌchintërincoi niꞌton, imarai,” tosaramaꞌ. Ina yonquicamasoꞌ nohuantërai.

2 Corintios 12:20

Canconpato, co noya niꞌsaranquëmahuëꞌ nimara. Canpitantaꞌ co noya niꞌsaramacohuëꞌ nimara. Napoaton sëtato, yonquiáranquëmaꞌ. Ipora huantaꞌ aꞌnaquëmaꞌ nimara ninoꞌhuiaramaꞌ, niaꞌpitaramaꞌ, iquianan quëran ninontaramaꞌ, nipinosaramaꞌ, ninocanaramaꞌ, nisha nisha yonquiaramaꞌ nimara, tënahuë yonquiato.

2 Timoteo 2:12

Parisitapirëhuahuëꞌ, noya ahuantohuatëhuaꞌ, aꞌna tahuëri inarëꞌquënpoaꞌ huaꞌanëntarihuaꞌ Nipirinhuëꞌ, ina aꞌpohuatëhuaꞌ, inantaꞌ aꞌpoarinpoaꞌ.

2 Timoteo 3:11

Aparisitopirinacohuëꞌ, ahuantërahuë. Yaꞌipi niꞌnan niꞌton, nitotëran. Antioquiaquë, Iconioquë, Nistraquë, inaquëpita chiníquën parisitaporahuëꞌ, Sinioro catahuarinco niꞌton, chaꞌërahuë.

Santiago 1:12

Yaꞌipinpoaꞌ maꞌsha onporëhuaꞌ. Caniorëhuaꞌ, parisitërëhuaꞌ, naporëhuaꞌ. Noya ahuantohuatëhuaꞌ, nóya cancantarihuaꞌ. “Parisitaponaraihuëꞌ, nóya imasarinaco,” taꞌton, Yosë noya niꞌsarinpoaꞌ. Ina marëꞌ inápaquë noya acanararinpoaꞌ. Nanpimiatarihuaꞌ. “Tëhuënchachin nosorohuatamaco, ananpitaantaranquëmaꞌ,” itërinpoaꞌ. Shaꞌhuitërinpoaꞌ niꞌton, co onporontaꞌ nonpintarinpoahuëꞌ.

Apocalipsis 1:9

Ca Coanshaco ninshitaranquëmaꞌ. Canpitaroꞌco chachin imarahuë. Ina marëꞌ parisitopirëhuahuëꞌ, huaꞌanëntërinquë ayaꞌconinpoaꞌ. Quisocristo chachin catahuahuachinpoaꞌ, noya ahuantarëhuaꞌ. Yosë nanamën aꞌchinahuëso marëꞌ aparisitërinaco. Quisocristo imarahuë niꞌton, aꞌna soꞌtonꞌpaꞌ aꞌparinaco, Patomosë itopiquë.