2 Corintios 1:6 - Chayahuita (Shahui)

⁶ Canpitantaꞌ Yosë nohuitacamaso marëꞌ aꞌchintërainquëmaꞌ. Ina marëꞌ aparisitërinacoi. Parisitapiraihuëꞌ, Yosë achinicancanincoi ahuantaꞌhuaiso marëꞌ. Yosë catahuarinquëmaꞌ canpitantaꞌ, tënai. Parisitopiramahuëꞌ achinicancanarinquëmaꞌ quiya pochachin ahuantamaso marëꞌ.

2 Corintios 1:6 ပူးပေါင်းရင်းမြစ်များ

Hechos 21:5

Simana nanihuachina, paantarai. Yapaꞌpatëira, ninano yonsanquë huarëꞌ imarinacoi. Saꞌinarë chachin, huiꞌninpitarë chachin caꞌtaninacoi. Nonshinanquë isonconahuatoi, Yosë nontërai.

Romanos 8:28

Yosë nosorohuatëhuaꞌ, noyasáchin yonquirinpoaꞌ. Maꞌsha onpohuatëhuara, naꞌcon catahuarinpoaꞌ. Piꞌpian parisitapirëhuahuëꞌ, ina nohuanton, parisitërëhua quëran noya noya pipiarëhuaꞌ. Achinicancaninpoaꞌ niꞌton, noya noya imarihuaꞌ. Nani huayoninpoaꞌ ina nohuantërinsoꞌ nicacaso marëꞌ.

2 Corintios 1:4

Maꞌsona tërantaꞌ onpohuatëhuaꞌ, ina catahuarinpoaꞌ noya cancantacaso marëꞌ. Achinicancaninpoaꞌ niꞌton, canpoantaꞌ nanitarihuaꞌ aꞌnapita catahuacasoꞌ. Inapitantaꞌ maꞌsha onpohuachinaꞌ, achinicancanarihuaꞌ. Yosë catahuarinpoaso pochachin inapitantaꞌ catahuarihuaꞌ.

2 Corintios 12:15

Napoaton co mantaꞌ maꞌparanquëmahuëꞌ. Noya cancantato, sacatarahuë cosharoꞌ paꞌanaꞌhuaso marëꞌ. Ina quëran parisitaporahuëꞌ, aꞌchintaranquëmaꞌ noya imacamaso marëꞌ. Carimasoꞌ naꞌcon naꞌcon nosoropiranquëmahuëꞌ, canpitasoꞌ co onpopinchin nosororamacohuëꞌ topirahuëꞌ.

2 Corintios 5:5

Yosë acorinpoaꞌ nasha nonënpoaꞌ yaꞌhuëtinpoaso marëꞌ. Tëhuënchachin inápaquë noya ananpitaantarinpoaꞌ, tënëhuaꞌ. Sichoquë marca acorëso pochin nani Ispirito Santo ayaꞌcoancantërinpoaꞌ niꞌton, nitotërëhuaꞌ.

Efesios 3:1

Napoaton isonahuato, canpita marëꞌ Yosë nontarahuë. Nisha piyapiꞌsanquëmaꞌ nipomarahuëꞌ, Quisocristo nanamën aꞌchintëranquëmaꞌ niꞌton, tashinan pëiquë poꞌmorinaco.

Efesios 3:13

Aꞌchintëranquëmaꞌ niꞌton, tashinan pëiquë poꞌmorinaco. Parisitapirahuëꞌ, chiníquën cancantocoꞌ. Canpitantaꞌ Quisocristo imacamaso marëꞌ parisitërahuë. Ina marëꞌ noya cancantacasoꞌ yaꞌhuërin.

Filipenses 1:19

Nani tahuëri ca marëꞌ Yosë nontëramaꞌ. Naporahuaton, Ispirito Santo nani tahuëri catahuarinco. Napoaton co paꞌyanahuëꞌ. Ocoiarinaco nimara. Co casoꞌ nitotërahuëꞌ. Yosëíchin nitotërinsoꞌ. Maꞌsona tërantaꞌ onpotohuachinaco, inantaꞌ noya, tënahuë. Noyasáchin Yosë yonquirinpoaꞌ. Ina marëꞌ noya cancantarahuë.

2 Timoteo 2:10

“Yosë nohuanton, huayoninsopita oshaquëran imasapi,” taꞌto, yaꞌipiya ahuantërahuë. Quisocristo imapachinaꞌ, nichaꞌësarin. Oshanënaꞌ inquitahuaton, anoyacancantarin niꞌton, aꞌna tahuëri Yosëꞌpaꞌ nanpiantarapi. Inatohuaꞌ noya noya yaꞌhuëcontapi. Co onporontaꞌ pipiapihuëꞌ.