2 Corintios 1:4 - Chayahuita (Shahui)

⁴ Maꞌsona tërantaꞌ onpohuatëhuaꞌ, ina catahuarinpoaꞌ noya cancantacaso marëꞌ. Achinicancaninpoaꞌ niꞌton, canpoantaꞌ nanitarihuaꞌ aꞌnapita catahuacasoꞌ. Inapitantaꞌ maꞌsha onpohuachinaꞌ, achinicancanarihuaꞌ. Yosë catahuarinpoaso pochachin inapitantaꞌ catahuarihuaꞌ.

2 Corintios 1:4 ပူးပေါင်းရင်းမြစ်များ

Salmos 32:5

Naporoꞌ oshanëhuë shaꞌhuitëranquën. Co noyahuëꞌ ninahuësopita noꞌtëquën shaꞌhuitëranquën. Inapohuatora, yaꞌipi oshanëhuë Sinioro inquitëranco huachi.

Salmos 32:7

Quëmaso Sinioro paꞌpoyarancoi. Huëhuëpiro ninin quëran yaꞌshopirancoi. Catahuarancoi niꞌton, canatohuatoi cantarápoi.

Salmos 66:16

Yaꞌipinquëma Yosë chinotëramasopita, huëco catahuarincoso shaꞌhuichinquëmaꞌ.

Isaías 40:1

Sinioro naporin: “Piyapinëhuëpita noya nontatomaꞌ, achinicancancoꞌ.

Isaías 49:10

Co huachi tanaponahuëꞌ. Co huachi yamoroaponahuëꞌ. Co piꞌiri tëranta piꞌcaton aparisitaponhuëꞌ. Cari nosoroato insëchinsona pacacaisoꞌ, aꞌnotapo. Huinanoꞌsa yaꞌhuërinquë cari quëpapo.

Isaías 52:9

Quirosarin ninanoquë yaꞌhuëantaramasopita, capa cancantatoma cantaco huachi. Sinioro ayontoantarinquëma niꞌton, inapocoꞌ. Nichaꞌërinquëma niꞌton, inapocoꞌ.

Juan 14:16

Inápaquë panantahuato, Tata nontarahuë Ispirito Santo aꞌpatimarinquëmaꞌ. Inaso ca pochachin catahuarinquëmaꞌ, achinicancanarinquëmaꞌ. Co onporontaꞌ patarinquëmahuëꞌ.

Juan 14:18

Co saꞌahuaroꞌsaꞌ pochin nitaranquëmahuëꞌ. Co patomiataranquëmahuëꞌ. Ca nohuanto, Ispirito Santo yaꞌcoancantarinquëmaꞌ. Ca pochachin catahuarinquëmaꞌ.

Juan 14:26

Inápaquë pantahuato, tatahuë nontarahuë, Ispirito Santo aꞌpatimarinquëmaꞌ. Ca yaꞌhuërënamëhuë oꞌmararin. Inasoꞌ achinicancanarinquëmaꞌ. Yaꞌipi Yosë nanamën aꞌchintarinquëmaꞌ. Catahuaarinquëmaꞌ aꞌchintëranquëmasoꞌ ama naniantacamaso marëhuëꞌ. Catahuahuachinquëmaꞌ, nóya yonquiantaramaꞌ.

2 Corintios 7:13

Naporamaꞌ niꞌton, co huachi sëtëraihuëꞌ. Tito cantonpachinquëmara, co piꞌpian tërantaꞌ noꞌhuiramahuëꞌ. Noya nontëramaꞌ niꞌton, noya cancantërin. Quiyantaꞌ ina natanatoi, nóya cancantërai.

2 Corintios 7:4

Tëhuënchachin nóya niꞌnanquëmaꞌ. “Corintoquë yaꞌhuëpisopita noya imapi,” itërahuë yaꞌipi piyapiꞌsaꞌ. Parisitaporahuëꞌ, canpita yonquiatënquëmaꞌ, nóya cancantërahuë.

Filipenses 1:14

Tashinan pëiquë poꞌmopirinacohuëꞌ, chiníquën cancantërahuë. Ina natanatonaꞌ, naꞌa imapisopita co huachi aquëtëꞌ tëꞌhuapihuëꞌ. “Quisocristo catahuarincoi quiyantaꞌ,” taꞌtonaꞌ, chiníquën cancantapi. Chiníquën cancantatonaꞌ, Yosë nanamën naꞌcon naꞌcon aꞌchinapi.

1 Tesalonicenses 4:18

Inapita yonquiatomaꞌ, nishaꞌhuitocoꞌ noya cancantacaso marëꞌ. Ama sëtacaso marëhuëꞌ ina pochin niachinicancancoꞌ.

1 Tesalonicenses 5:11

Napoaton nani tahuëri nicatahuacoꞌ chiníquën cancantacamaso marëꞌ. Oꞌmantacasoꞌ tahuëri yonquiatomaꞌ, naꞌcon ninontocoꞌ noya noya imacamaso marëꞌ. Nani noya nicatahuaramaꞌ. Aquëtë chachin niachinicancancoꞌ.

Hebreos 12:12

Napoaton iyaroꞌsaꞌ, chiníquën cancantahuaꞌ. Ama amiatëhuarahuëꞌ, chiníquën Yosë imahuaꞌ. Niꞌcoꞌ. Aquë paꞌpatëra, canotërëꞌ, sacaiꞌ iratërëꞌ. Aꞌnaquëmaꞌ ina pochin cancantatomaꞌ, co huachi yaꞌipi cancanëma quëran Yosë imaramahuëꞌ. Ama huachi canotërëso pochin cancantocosohuëꞌ.