2 Corintios 1:24 - Chayahuita (Shahui)

²⁴ Co quiyasoꞌ huaꞌan pochin chiníquën pënëntëraihuëꞌ. Sanoanan quëran pënënainquëmaꞌ. Yosë nanamën noya natëramaꞌ. Yacatahuarainquëmaꞌ noya cancantacamaso marëꞌ.

2 Corintios 1:24 ပူးပေါင်းရင်းမြစ်များ

Mateo 24:49

piyapinënpita ahuëapon. Pita nicacasoáchin cancantapon. Noꞌpirápon.

Romanos 1:12

Canpitantaꞌ noya imapatamaꞌ, achinicancanaramaco cantaꞌ. Noya ninontatëhuaꞌ, noya noya cancantarihuaꞌ.

Romanos 11:20

Yosëri tananpitërin mini. Nipirinhuëꞌ, co ina marëꞌ tananpitërinhuëꞌ. Co Quisocristo nohuantopihuëꞌ niꞌton, tananpitërin. Canpitantaꞌ imaramaꞌ niꞌton, noya niꞌninquëmaꞌ. Napoaton ama inapita nocancosohuëꞌ. Niꞌcona canpitantaꞌ Quisocristo naniantotamaꞌ.

Romanos 5:2

Quisocristo cancanënpoa quëran natëhuatëhuaꞌ, nichaꞌësarinpoaꞌ. Nosoroatonpoaꞌ, ipora huantaꞌ catahuarinpoaꞌ noya imacaso marëꞌ. Aꞌna tahuëri Yosëꞌpaꞌ paꞌpatëhuaꞌ, Yosë pochin nisarëhuaꞌ. Ina yonquiatëhuaꞌ, nóya cancantarihuaꞌ.

1 Corintios 15:1

Yosë nanamën iyaroꞌsaꞌ, nani aꞌchintëranquëmaꞌ. “Noꞌtëquën nontërincoi,” taꞌtomaꞌ natëramaꞌ. Natëtomaꞌ, imamiataramaꞌ. Ina nanan chachin shaꞌhuitaantaranquëmaꞌ yonquicamaso marëꞌ.

1 Corintios 3:5

Co ca imamacosoꞌ yaꞌhuërinhuëꞌ. Aporosëntaꞌ co imacaisoꞌ yaꞌhuërinhuëꞌ. Quiyantaꞌ topinan piyapicoi nipiraihuëꞌ, Yosë shaꞌhuitërincoi niꞌton, aꞌchintërainquëmaꞌ. Natanpatamaꞌ, Yosë imasaramaꞌ.

2 Corintios 11:20

Inapitasoꞌ chiníquën camairinënquëmaꞌ. Maꞌshanëmaꞌ topinan mapi. Nocaninënquëmaꞌ, yaahuërinënquëmaꞌ. Inapotopirinënquëmahuëꞌ, ¿maꞌmarëcha noya natanama nicaya? tënahuë, yonquiato.

2 Corintios 4:5

Co quiya imancoiso marëꞌ aꞌchintërainquëmahuëꞌ. Quisocristo nanamënáchin shaꞌhuitërainquëmaꞌ. “Sinioro niꞌton, inasáchin yonquicasoꞌ yaꞌhuërin,” tënai. Quiyantaꞌ ina natëtoi, nani tahuëri yacatahuarainquëmaꞌ.

2 Corintios 5:7

Co ipora quënanpirëhuahuëꞌ, “Yosë noꞌtëquën nontërinpoaꞌ,” taꞌtëhuaꞌ, natërëhuaꞌ. “Co onporontaꞌ nonpintarinpoahuëꞌ,” tënëhuaꞌ.

1 Pedro 5:3

Pënëntohuatamaꞌ, ama chiníquën nontocosohuëꞌ. Ama huaꞌan pochin cancantatomaꞌ, camaitocosohuëꞌ. Yosë acorinquëmaꞌ aꞌchintëramasopita catahuacamasoꞌ. Napoaton noya yonquiatomaꞌ, noya nicoꞌ inapitantaꞌ inachachin nonainquëmaso marëꞌ.