2 Corintios 1:17 - Chayahuita (Shahui)

¹⁷ Napoaton: “Paono nisha nisha yonquirin,” ¿topiramahuëꞌ ti? Co nisha nisha yonquirahuëꞌ. Aꞌnaquënsoꞌ maꞌsona tërantaꞌ shaꞌhuipirinhuëꞌ, co tëhuënchachin naporinhuëꞌ. Co casoꞌ ina pochin cancantërahuëꞌ.

2 Corintios 1:17 ပူးပေါင်းရင်းမြစ်များ

Mateo 1:19

Cosi nitotahuaton, paꞌyanin. Noya quëmapi niꞌton, yonquiarin. “¿Maꞌcha onpoꞌiya? Maria nani huaꞌhua maꞌpatërin. Co macaꞌhuasoꞌ yaꞌhuërinhuëꞌ. Co piyapiꞌsaꞌ shaꞌhuitarahuëꞌ, Maria tapanpachin. Coisëichin shaꞌhuitahuato, co masarahuëꞌ,” taꞌton, yonquirárin.

Mateo 5:37

Maꞌsona tërantaꞌ iyaroꞌsaꞌ nonpatamaꞌ, noꞌtëquënáchin noncoꞌ. ‘Paꞌsarahuë,’ topatamaꞌ, pacoꞌ. ‘Co paꞌsarahuëꞌ,’ topatamaꞌ, ama pacosohuëꞌ. Noꞌtëquënáchin nonpatamaꞌ, co Yoscoarëꞌ taꞌcasoꞌ yaꞌhuërinhuëꞌ. Piꞌpisha tërantaꞌ piyapi nonpintohuatamaꞌ, sopai nohuanton napoaramaꞌ, tënahuë,” tënin Quisoso.

Juan 8:15

Canpitasoꞌ piyapiꞌsaꞌ inahuara yonquipiso pochin napoonin yonquirapitomaco shaꞌhuiramaꞌ. Caso nipirinhuëꞌ, co insonta ina pochin yonquirapito shaꞌhuirahuëꞌ.

2 Corintios 1:12

Yosë niꞌsárincoi niꞌton, noꞌtëquën shaꞌhuitarainquëmaꞌ. Co piꞌpian tërantaꞌ nonpintërainquëmahuëꞌ. Noyápiachin cancantatoi, yaꞌipi parti aꞌchinai. Co quiyaora yonquinëhuëi quëran aꞌchintërainquëmahuëꞌ. Yosë inaora nohuanton, catahuarincoi niꞌton, noya ninai. Ina marëꞌ noya cancantërai.

2 Corintios 11:18

Nipirinhuëꞌ, nisha aꞌchinaꞌpiroꞌsaꞌ ina pochin nonpi niꞌton, cantaꞌ piꞌpian ina pochin shaꞌhuichinquëmaꞌ.

Gálatas 2:2

Yosë ayonquirinco pacaꞌhuasoꞌ niꞌton, paꞌnahuë imapisopita nontaꞌhuaso marëꞌ. Ansianoꞌsarachin niyontonpachinara, shaꞌhuitërahuë. “Casoꞌ nisha piyapiꞌsaꞌ aꞌchintohuato, Quisocristoíchin imacaisoꞌ yaꞌhuërin, tënahuë. Iráca pënëntërinsoꞌ imacaisoꞌ co aꞌchintërahuëꞌ,” itërahuë. “Co noꞌtëquën aꞌchinanhuëꞌ,” itërinaco naporini, topinan quëran aꞌchinchitënquëmahuëꞌ, tënahuë yonquiato. Ansianoꞌsaso nipirinhuëꞌ “Noya aꞌchinan,” itërinaco.

1 Tesalonicenses 2:18

Canpitataquë yapaꞌpiraihuëꞌ, ipora huantaꞌ co nanitëraihuëꞌ. Ca Paonoco cararoꞌ yapaꞌpirahuëꞌ, Satanasë yaꞌcopirinco niꞌton, co nanitërahuëꞌ pacaꞌhuasoꞌ.

Santiago 5:12

Naꞌcon iyaroꞌsaꞌ yonquicoꞌ noꞌtëquënáchin nonacamasoꞌ: “Paꞌsarahuë,” topatamaꞌ, pacoꞌ. “Co paꞌsarahuëꞌ,” topatamaꞌ, ama pacosohuëꞌ. Nani tahuëri noꞌtëquënáchin nontohuatamaꞌ, co “Yoscoarëꞌ,” taꞌcasoꞌ yaꞌhuërinhuëꞌ. Coꞌni maꞌsha tërantaꞌ isoroꞌpaquë yaꞌhuërinsoꞌ aꞌpitatëhuaꞌ nonpinacasoꞌ yaꞌhuërinhuëꞌ. Napoaton nani tahuëri noꞌtëquën noncoꞌ, Yosë anaꞌintochinquëmaꞌ.

Jueces 9:4

Naporahuaton canchisë shonca coriqui prata quëran nininsoꞌ quëtopi. Paaro-piri moshapiso pëi quëran, macatona quëtopi. Ina coriquiquë inasoꞌ, imacaiso marëꞌ tëpatoroꞌsa pahuërërin. Inapitarë chachin Opraquë paꞌnin. Paꞌpincoꞌ yaꞌhuërinquë paꞌsahuaton, saota shonca iscon iin mashonënpita tëparin. Aꞌnara pancaraꞌpi aipi tëparin. Cotamo itopisoíchin naꞌpirahuaton chaꞌërin. Inaso Quiropaaro huiꞌnin huaꞌhua nininsoꞌ.