2 Corintios 1:13 - Chayahuita (Shahui)

¹³ Noꞌtëquënáchin ninshitërainquëmaꞌ. Co nisha nisha yonquiraihuëꞌ. Co yanonpintërainquëmahuëꞌ. Iso quirica nontohuatamaꞌ, yonquiraiso chachin nitotaramaꞌ. Oshaquëran yaꞌipi nitotarama huachi, tënahuë.

2 Corintios 1:13 ပူးပေါင်းရင်းမြစ်များ

Hechos 27:39

Tahuërihuachina, noꞌpaꞌ quënanpirinahuëꞌ, co nohuitopihuëꞌ. Coninanquë inotëꞌ quënanpi. “Nanitohuatëhuaꞌ, pasoꞌ inotëquë chinpiaꞌahuaꞌ,” nitopi.

1 Corintios 1:8

Oꞌmantaquë huarëꞌ inasoꞌ achinicancanarinquëmaꞌ. Oshanëmaꞌ inquitatënquëmaꞌ, noyápiachin cancan quëtërinquëmaꞌ. Imamiataramaꞌ niꞌton, oꞌmantahuachin, co insontaꞌ anaꞌintarinquëmahuëꞌ.

2 Corintios 13:6

Tëhuënchachin imapatamaꞌ, co topinan quëran aꞌchintërainquëmahuëꞌ, tënahuë. Ina quëran canpitantaꞌ inachachin yonquiaramaꞌ. “Tëhuënchachin Quisocristori acorin pënënainpoaso marëꞌ,” tosaramaꞌ.

2 Corintios 4:2

Aꞌnaquënsoꞌ co noyahuëꞌ yonquiatonaꞌ, aꞌchinapi. Noyasha nonpirinahuëꞌ, nonpinacaiso marëꞌ napopi. Quiyaso nipirinhuëꞌ co mantaꞌ poꞌoana quëran ninaihuëꞌ niꞌton, co tapanaꞌhuaisoꞌ yaꞌhuërinhuëꞌ. Co nisha nisha aꞌchinaihuëꞌ. Yaꞌipi Yosë nanamën noꞌtëquën aꞌchintarainquëmaꞌ. Yosë niꞌsárincoi niꞌton, inasáchin aꞌchinarai. Aꞌninquëchin aꞌchinai yaꞌipi piyapiꞌsaꞌ yonquicaiso marëꞌ.

2 Corintios 5:11

Napoaton Yosë tëꞌhuatacasoꞌ yaꞌhuërin. Ina yonquiatoi, yaꞌipi piyapiꞌsaꞌ pënënárai. Co piꞌpian tërantaꞌ nonpintërainquëmahuëꞌ. Yosë niꞌsárincoi niꞌtoi, noꞌtëquën nontërainquëmaꞌ. Noya ninaisoꞌ canpitantaꞌ nitotëramaꞌ, topiraihuëꞌ.

Filemón 1:6

Quisocristo imaton, aꞌnapitantaꞌ catahuaran imacaiso marëꞌ. Napoaton ina yonquiato, Yosë nontërahuë: “Catahuaquëꞌ Sinioro Quisocristo imaton, noya noya yonquiꞌin. Yaꞌipi ina yonquirincoisoꞌ nitochin,” itërahuë.