1 Timoteo 6:3 - Chayahuita (Shahui)

³ Quisocristo noꞌtëquën aꞌchintërinpoaꞌ. Natëhuatëhuaꞌ, noya noya cancantarihuaꞌ. Aꞌnaquënso nipirinhuëꞌ Sinioro nanamën co natëtonahuëꞌ, nisha aꞌchinpi. Nonpin nananoꞌsaꞌ aꞌchinapi.

1 Timoteo 6:3 ပူးပေါင်းရင်းမြစ်များ

Proverbios 15:4

Noyasha nonpatëra, nanpirin nara pochin ninëꞌ. Naponin nonpatëraso nipirinhuëꞌ, piyapiꞌsa asëtërëꞌ.

Mateo 22:21

—Noma copirno chachin, itopi. —Copirno coriquinën niꞌquëhuarëꞌ, quëtantacoꞌ. Naporahuaton, Yosë nininpoaꞌ niꞌton, huaꞌanëntërinpoaꞌ. Yaꞌipi cancanëma quëran ina natëcasoꞌ yaꞌhuërin, itërin.

Mateo 28:20

Ina quëran yaꞌipi shaꞌhuitëranquëmasoꞌ aꞌchintocoꞌ natëinaco. Insëquësona paꞌpatamaꞌ, carinquëmaꞌ caꞌtanaranquëmaꞌ. Nani tahuëri catahuaranquëmaꞌ. Ayaroꞌ tahuëri naniquë huarëꞌ caꞌtanaranquëmaꞌ. Co onporontaꞌ pataranquëmahuëꞌ, itërin Quisosori. Nani huachi.

Romanos 16:17

Quisocristo nanamën nóya aꞌchintërinënquëmaꞌ. Aꞌnaquënso nipirinhuëꞌ co noꞌtëquën aꞌchinpihuëꞌ. Yaanishacancantopi. Niꞌcona, iyaroꞌsaꞌ, nonpintochinënquëmaꞌ. Insëquësona aꞌchintohuachinara, nisha nisha yonquiapi. Ama inapita natancosohuëꞌ. Tananpitocoꞌ paꞌinaꞌ.

1 Tesalonicenses 4:8

Co quiyaora yonquinëhuëi quëran pënënainquëmahuëꞌ. Co natëhuatamahuëꞌ, Yosë chachin co natëaramahuëꞌ. Ina nohuanton, Ispirito Santo yaꞌcoancantërinpoaꞌ noya nicacaso marëꞌ. Inasoꞌ noyasáchin ninin.

1 Timoteo 1:10

Nisha nisha nicacaisoꞌ yonquipi. Saꞌinaꞌ, soꞌinaꞌ inapita yaꞌhuëtaponaraihuëꞌ, monshihuanpi. Quëmapi capini, sanapi capini nisëꞌhuapi. Piyapiꞌsa chachin ihuatopi paꞌanacaiso marëꞌ. Nonpintopi. “Tëhuënchachin noꞌtëquën nonahuë,” taponaraihuëꞌ, nonpinpi. Yosësoꞌ noya nicacasoꞌ aꞌchintopirinpoahuëꞌ, co nohuantopihuëꞌ natëcaisoꞌ. Ina pochin nipisopita tëhuënchinsoꞌ pënënacasoꞌ yaꞌhuërin.

1 Timoteo 1:3

Iꞌhua Masitoniaquë yapaꞌpatëra, shaꞌhuitëranquën. “Ipisoquë yaꞌhuëtaquëꞌ pënëntamaso marëꞌ,” itëranquën. Iporantaꞌ inachachin shaꞌhuitaranquën. Inaquëranchin yaꞌhuaton, pënëntáquëꞌ. Aꞌnaquën nisha nisha nanan aꞌchinapi. Inapita shaꞌhuitëquëꞌ ama ina pochin aꞌchiꞌinasohuëꞌ.

1 Timoteo 1:6

Nisha aꞌchinaꞌpiroꞌsaso nipirinhuëꞌ, co ina pochin yonquipihuëꞌ. Yosë nohuantërinsoꞌ naniantatonaꞌ, topinan quëran nonsapi.

2 Timoteo 1:13

Noꞌtëquën api aꞌchintëranquën. Inachachin quëmantaꞌ aꞌchinquëꞌ. “Quisocristoíchin anoyacancantërinpoaꞌ,” taꞌton inasáchin natëquëꞌ. Ina nosoroaton, aꞌnapitantaꞌ nosoroquëꞌ.

2 Timoteo 4:3

Aꞌna tahuëri piyapiꞌsaꞌ co nohuantapihuëꞌ Yosë nanamën natanacaisoꞌ. Nonpin nananoꞌsaꞌ nisha nisha aꞌchinpachinaꞌ, paꞌyatapi. Inahuara costapisorachin yanatanapi.

Tito 1:1

Ca Paonoco ninshitaranquën, niꞌquëꞌ. ¿Noya yaꞌhuaran? Noya cantaꞌ yaꞌhuarahuë. Tata Yosë huaꞌanëntërinco niꞌton, inasáchin natërahuë. Quisocristo acorinco nanamën aꞌchinaꞌhuaso marëꞌ. Yosë huayoninpoaꞌ niꞌton, huëntonënquë yaꞌconëhuaꞌ. Nóya natëcaiso marëꞌ aꞌchinarahuë. Noꞌtën nanan aꞌchinaꞌhuaso marëꞌ acorinco. Ina natëhuatëhuaꞌ, noꞌtëquën imasarëhuaꞌ.

Tito 1:9

Yosë nanamën noꞌtëquën aꞌchintërainquëmaꞌ. Ina nanansáchin ansianoꞌsaꞌ imainaꞌ. Ina naꞌcon yonquihuachinaꞌ, noya pënëntaponaꞌ, noꞌtëquën aꞌchinaponaꞌ. Aꞌnapitaso nisha nanan aꞌchinpirinahuëꞌ, ansianoꞌsarisoꞌ Yosë nanamënáchin aꞌchinchinaꞌ. Ama imapisopita nonpin nanan natëtacaiso marëhuëꞌ inapochinaꞌ.

Tito 3:8

Noꞌtëquën shaꞌhuitëranquën. Quëmantaꞌ inachachin aꞌchintëquëꞌ, tënahuë. Pënënáquëꞌ yaꞌipi imapisopita noya nicacaiso marëꞌ. Aꞌchintëranquënsosoꞌ nóya imacasoꞌ. Natëhuatëhuaꞌ, noya noya yaꞌhuarihuaꞌ.