1 Timoteo 5:4 - Chayahuita (Shahui)

⁴ Nipirinhuëꞌ, huaꞌhuinpita yaꞌhuëtohuachin, inapita pënënquëꞌ aꞌshina catahuainaꞌ. Aminpitarintaꞌ catahuainaꞌ. Asoꞌsorin niꞌton, inahuarintaꞌ iꞌhuërëtantaꞌinaꞌ. Nosoroatonaꞌ, nocomantaꞌinaꞌ. Ina Yosë naꞌcon nohuantërin.

1 Timoteo 5:4 ပူးပေါင်းရင်းမြစ်များ

Génesis 47:12

Naporahuaton Cosisoꞌ, yaꞌipi quëmopinënpita cosharo quëtárin. Panca huënton nininsoꞌ naꞌcon naꞌcon, quëtërin. Caraya nininsoꞌ, piꞌpiyan quëtërin. Inapotërin.

Génesis 47:28

Cacoposo shonca canchisë piꞌipi, Iquipitoquë yaꞌhuëantarin. Yaꞌipiya quëran pasa catapini shonca canchisë piꞌi icanin.

Proverbios 31:28

Huaꞌhuinpitari paꞌyatatona itaponaꞌ: “Noya sanapiꞌsa naꞌcon yaꞌhuëpirinhuëꞌ, quëmasoꞌ inapita quëran noya noyanquën,” itopi. Soꞌininta paꞌyataton inachachin, itërin.

Lucas 2:51

Ina quëran pipihuachina, aꞌshin, paꞌpin inapitarëꞌ Nasaritoquë paantarin. Inaquë paaton, aꞌshin, paꞌpin, inapita noya natërin huachi. Naporinsoꞌ aꞌshini cancanën quëran yonquirárin.

1 Timoteo 2:3

Ina pochin Yosë nontacasoꞌ nóya. Inasoꞌ nichaꞌërinpoaꞌ. Nontohuatëhuaꞌ, noya nataninpoaꞌ.

1 Timoteo 5:16

Quisocristo imapatëhuaꞌ, noya niahuaꞌ. Quëyoron quëmopinënpoaꞌ yaꞌhuëhuachin, canpoari chachin catahuahuaꞌ noya nanpicaso marëꞌ. Ina quëran aꞌnapita imapisopitarintaꞌ saꞌahuamiaroꞌsarachin catahuainaꞌ.

Tito 1:11

Yapënëntohuachinaꞌ, shaꞌhuitëquëꞌ ama pënënchinasohuëꞌ. Maꞌsha canacaisoáchin yonquiatonaꞌ, aꞌchinapi. Nisha aꞌchintohuachinara, aꞌnaquën Yosë nanamën yaaꞌpopi. Quëmopinënpitarë chachin nisha imasapi.

Rota naporinso' 2:18

Ina quëran maꞌpatërinso pëꞌpërahuaton, ninanoquë paꞌmantarin. Aꞌshatën cantonahuaton, maꞌpatërinso aꞌnotërin. Cosharo pëꞌsotërinsontaꞌ, quëtërin.

Rota naporinso' 2:2

Aꞌna tahuëri Rotari Noimi itapon: —Iminoꞌsaquë paꞌi topirahuë. Tapona inso sipata yaquinaꞌpi tërantaꞌ, patërinsopita macaꞌhuasoꞌ nohuantërin, itërin. —Paquë nipachin huaꞌhua, itërin aꞌshatëni.