1 Timoteo 5:16 - Chayahuita (Shahui)

¹⁶ Quisocristo imapatëhuaꞌ, noya niahuaꞌ. Quëyoron quëmopinënpoaꞌ yaꞌhuëhuachin, canpoari chachin catahuahuaꞌ noya nanpicaso marëꞌ. Ina quëran aꞌnapita imapisopitarintaꞌ saꞌahuamiaroꞌsarachin catahuainaꞌ.

1 Timoteo 5:16 ပူးပေါင်းရင်းမြစ်များ

1 Timoteo 5:10

Noya nininsoráchin acoꞌinaꞌ. Iso pochin nipisopita: Huaꞌhuinpita noya asoꞌsorinsoꞌ. Niꞌtoroꞌsaꞌ huëꞌpachinara, oꞌshitërinsoꞌ. Co mantaꞌ apirarinsohuëꞌ. Piyapinën pochin cancantaton, imapisopita catahuarinsoꞌ. Parisitopisopita nosororinsoꞌ. Noyasáchin nininsoꞌ. Ina pochin nipisopita acoꞌinaꞌ.

1 Timoteo 5:8

Quëmopinënaꞌ tëhuënchachin nosorocasoꞌ yaꞌhuërin. Pahuantohuachinaꞌ, catahuainaꞌ. Aꞌshinaꞌ, paꞌpinaꞌ, huiꞌninpita, inapita naꞌcon naꞌcon nosorocasoꞌ yaꞌhuërin. Catahuainaꞌ, nocomaꞌinaꞌ. Insoarisona co nocomahuachinahuëꞌ, co huachi Yosë natëapihuëꞌ. Co quëmopinënaꞌ nosorohuachinarahuëꞌ, naꞌcon naꞌcon oshahuanapi.

1 Timoteo 5:9

Aꞌnaya aꞌnaya niyontonpiquë quëyoronoꞌsaꞌ nininënpita ninshichinaꞌ catahuacaiso marëꞌ. Payaroꞌsaráchin acoinaꞌ, saota shonca piꞌipitërinsoꞌ. Aꞌnaíchin soꞌyatërinsoꞌ.