1 Timoteo 5:15 - Chayahuita (Shahui)

¹⁵ Niꞌquëꞌ api. Aꞌnaquën quëyoronoꞌsaꞌ nani nisha cancantopi. Quisocristo aꞌporahuatonaꞌ, sopai natëpi.

1 Timoteo 5:15 ပူးပေါင်းရင်းမြစ်များ

Mateo 4:10

—Inca co nohuantërahuëꞌ. Quëmasoꞌ sopai huaꞌanquën. Patoco huachi. Yosë quiricanën quëran shaꞌhuitërinpoaꞌ: “Sinioroíchin chinotëquëꞌ. Inasáchin natëcasoꞌ yaꞌhuërin,” tënin, itërin Quisosori.

1 Timoteo 1:20

Aꞌnasoꞌ Iminio itopi. Aꞌnantaꞌ Aricantëro itopi. Iꞌhua niyontonpatëira, inapita chiníquën pënënahuë. “Quisocristo nanan quëtërinco niꞌton, ama huachi Tata Yosë aꞌpaiinquëmasohuëꞌ. Satanasë natëramaꞌ niꞌton, parisitamasoꞌ yaꞌhuërin,” itërahuë. Ama huachi Yosë pinocaisoꞌ marëhuëꞌ chiníquën pënënahuë. “Oshaquëran co noyahuëꞌ yonquipisopita naniantatonaꞌ, Yosë pochin cancantantaponaꞌ nimara,” taꞌto napotërahuë.

2 Timoteo 1:15

Tashinan pëiquë poꞌmohuachinaco, yaꞌipi Asiaquë imapisopita patërinaco. Huiquiro, Imoquinisi, inapita quëran huarëꞌ napotërinaco. Nani nitotëran, tënahuë.

2 Timoteo 2:18

Yosë noꞌtëquën aꞌchintopirinpoahuëꞌ, co huachi natëpihuëꞌ. “Yosë nani piyapiꞌsaꞌ ananpitatë pochin nitërin. Co huachi aꞌna tahuëri ananpitaantarinpoahuëꞌ,” toconpi. Napopi niꞌton, co huachi aꞌnaquën imapihuëꞌ.

2 Timoteo 4:10

Timasësoꞌ isoroꞌparáchin yonquiaton, patërinco. Tisaronicaquë paꞌnin. Crisinti Carasiaquë paꞌnin. Titontaꞌ Tarëmasiaquë paꞌnin.

2 Pedro 2:2

Co noꞌtëquën aꞌchintatonaraihuëꞌ, naꞌa piyapiꞌsaꞌ nonpintapi. “Noya noꞌpicasoꞌ, noya monshihuanacasoꞌ,” taꞌtonaꞌ, co noyahuëꞌ nisapi. Naꞌa piyapi natanahuatonaꞌ, inapita pochin cancantapi. “Imarai quiyantaꞌ,” taponaraihuëꞌ, co noyahuëꞌ nisapi. Ina marëꞌ aꞌnapitari nicatonaꞌ, Quisocristo pinosapi. “Quisocristo nanamën co imacasoꞌ yaꞌhuërinhuëꞌ. Ina imapisopitasoꞌ co noyahuëꞌ nipi,” taꞌtonaꞌ, co noꞌtën nanan yaimasapihuëꞌ.

2 Pedro 3:16

Naꞌa quirica ninshitaton, nisha nisha ninanoquë yaꞌhuëpisopita aꞌpatërin. Noya pënënpirinpoahuëꞌ, piꞌpian sacaiꞌ yonquicasoꞌ. Aꞌnaquën piyapi co Yosë nanamën nitotatonahuëꞌ, nisha nisha yonquipi. Paono ninshitërinsoꞌ nontopirinahuëꞌ, co noya yonquiatonaraihuëꞌ, maꞌsona tapon naporinsoꞌ anishatopi. Yosë quiricanën iráca ninshitopisontaꞌ anishatopi. Ina marëꞌ Yosëri chiníquën anaꞌintarin huachi.

1 Juan 2:19

“Quiyantaꞌ imarai,” topirinahuëꞌ, nani pipipi. Co tëhuënchachin Yosë huëntonënquë yaꞌconpihuëꞌ. Yaꞌconpi naporini, co pipiitonahuëꞌ. Pipipi quëran nitotërëhuaꞌ. “Co onporontaꞌ cancanëna quëran huarëꞌ imapihuëꞌ,” tënëhuaꞌ.

Apocalipsis 12:9

Inapotatonaꞌ, panca yaꞌhuan pochin nininsoꞌ inápa quëran tëꞌyatopi. Inasoꞌ sopai chachin, Satanasë itopisoꞌ. Yaꞌipi piyapiꞌsaꞌ yanonpintërin. Ina minsërahuatonaꞌ, anquëninënpitarë chachin isoroꞌpaquë tëꞌyatopi.