1 Timoteo 4:5 - Chayahuita (Shahui)

⁵ Yosë quiricanën yonquiatëhuaꞌ, Yosë nontohuatëhuaꞌ, noya capacasoꞌ, tënin Yosë.

1 Timoteo 4:5 ပူးပေါင်းရင်းမြစ်များ

Génesis 1:25

Inapita maꞌsharoꞌsaꞌ, yaꞌipi Yosëri acorin. Acorinsopita nicaton: “¡Ma nóyacha acorahuë paya!” tënin.

Génesis 1:31

Naporoꞌ Yosëri yaꞌipi acorinsopita nicaton: “¡Ma nóyacha yaꞌipi acorahuë paya!” tënin. Tashiantarahuaton tahuëriantahuachina, iꞌhuaraya huarëꞌ saota tahuëri nanirin huachi.

Lucas 11:41

Cancanëma quëran huarëꞌ saꞌahuaroꞌsaꞌ catahuacoꞌ. Nosorohuatamaꞌ, noyápiachin cancantaramaꞌ.

Lucas 4:4

—Inca co nohuantërahuëꞌ. Yosë quiricanënquë pënëninpoaꞌ: “Co cosharoriáchin piyapi ananpirinhuëꞌ. Yaꞌipi Yosë nanamën natëhuachin tëhuënchinsoꞌ nanpiarin,” tënin, itërin.

1 Corintios 7:14

Aꞌnaíchin imaponahuëꞌ, noya ichiyaꞌhuëꞌin. Saꞌin imapachina, soꞌiontaꞌ Yosëri noya yonquiarin. Oshaquëran imapon nimara. Inapochachin quëmapi imanaꞌpi nipachina, saꞌiontaꞌ Yosëri noya yonquiarin. Huiꞌninpitantaꞌ noya yonquiarin. Co ichiyaꞌhuëhuachinhuëꞌ, huiꞌninpita co onporontaꞌ Yosë imaponahuëꞌ nimara.

1 Timoteo 4:3

“Ama sanapi macosohuëꞌ. Nisha nisha cosharoꞌ aꞌpoco huachi,” tosapi. Napopirinahuëꞌ, Yosë yaꞌipi cosharoꞌ ninin capacaso marëꞌ. Nanamën nitotatëhuaꞌ, Yosë natëhuatëhuaꞌ, co aꞌpoarihuahuëꞌ. “Yosparinquën, Sinioro,” itatëhuaꞌ, caparihuaꞌ.

Tito 1:15

Noyápiachin cancantohuatëhuaꞌ, yaꞌipiya noya yonquiarëhuaꞌ. Aꞌnaquënso nipirinhuëꞌ co yaimapihuëꞌ. Taparosáchin yonquipi. Co noyahuëꞌ cancantohuachinara, nisha nisha yonquipi. Noꞌtën nanan nitotaponaraihuëꞌ, co yanatëpihuëꞌ. Napoaton co huachi noꞌtëquën yonquipihuëꞌ. Nitapicancanatonaꞌ, co huachi nanitopihuëꞌ noya yonquicaisoꞌ.

Hebreos 11:3

“Yosë noꞌtëquën nontërinpoaꞌ,” taꞌtëhuaꞌ, natërëhuaꞌ. Inaora yonquinën quëran yaꞌipi isoroꞌpaꞌ acorin. Co mantaꞌ yaꞌhuëpirinhuëꞌ, “Yaꞌhuëꞌin,” topachina, maꞌsha yaꞌhuërin. Yaꞌipi niꞌnëhuasopita co inaora yaꞌhuërinhuëꞌ. Yosëri nininsoꞌ. Quiricanën quëran anitotërinpoaꞌ.