1 Timoteo 3:2 - Chayahuita (Shahui)

² Napoaton yayaꞌconpachinaꞌ, nóya nipisopitaráchin yaꞌcoinaꞌ. Ama piyapiꞌsari pinocaiso marëhuëꞌ noyasáchin niinaꞌ. Aꞌna saꞌináchin yaꞌhuëchinaꞌ. Co monshihuanacaisoꞌ yaꞌhuërinhuëꞌ. Sano yonquiꞌinaꞌ. Ama nisha nisha yonquiꞌinasohuëꞌ. Yaꞌipi cancanëna quëran imainaꞌ. Niꞌtoroꞌsaꞌ huëꞌpachinaꞌ, noya nonchinaꞌ, oꞌshichinaꞌ. Aꞌchinacaisoꞌ noya nitochinaꞌ.

1 Timoteo 3:2 ပူးပေါင်းရင်းမြစ်များ

Lucas 1:6

Cato chachin noya Yosë imapi. Yaꞌipi pënëntërinsoꞌ noꞌtëquën natëpi.

Lucas 2:36

Aꞌna sanapintaꞌ inaquë yaꞌhuërin, Ana itopisoꞌ. Inasoꞌ Panino huiꞌnin, Asirë huëntonquë yaꞌhuërinsoꞌ. Yosë nohuanton, nitoninorin. Nani paiya. Nanon nipon, aꞌna quëmapiri manin. Canchisë piꞌipiachin niquëpasoiꞌ,

Romanos 12:13

Imapisopita pahuantohuachinaꞌ, maꞌsha quëtocoꞌ. Niꞌtoroꞌsaꞌ yaꞌnotohuachinënquëmaꞌ, noya nontatomaꞌ, aꞌcacoꞌ.

Filipenses 2:15

Noyasáchin nicoꞌ aꞌnapita nicatënquëmaꞌ, Yosë yonquiꞌinaꞌ. Ina huiꞌninpita pochin nicatomaꞌ, noyápiachin cancantocoꞌ. Co imapisopitasohuëꞌ nipirinhuëꞌ co Yosë nohuitatonahuëꞌ, co noyahuëꞌ cancantopi. Ninoꞌhuipi, monshihuanacaisoráchin yonquipi, nonpinápi. Co noyahuëꞌ yonquiatonaꞌ, tashi pochin cancantopi. Canpitaso nipirinhuëꞌ, tayoraroꞌsaꞌ tashiꞌ aꞌpintërinso pochin piyapiꞌsaꞌ catahuacoꞌ noꞌtëquën yonquicaiso marëꞌ.

1 Timoteo 3:12

Tiaconoꞌsasoꞌ, aꞌnaíchin saꞌinaꞌ yaꞌhuëchinaꞌ. Huiꞌninpita noya pënëinaꞌ noꞌtëquën natëcaiso marëꞌ. Yaꞌipi pëinënquë yaꞌhuëpisopita noya aꞌpaitonaꞌ, aꞌchinchinaꞌ. Ina pochin cancantërinsopitarachin yaꞌcoinaꞌ.

1 Timoteo 3:8

Ansianoꞌsaꞌ catahuarinsopitasoꞌ tiaconoꞌsaꞌ topi. Inapitantaꞌ natëtonoꞌsaꞌ niinaꞌ. Noꞌtëquënáchin noinaꞌ. Ama nisha nisha noinasohuëꞌ. Ama noꞌpiinasohuëꞌ. Ama nonpinatonaꞌ, coriqui canainasohuëꞌ.

1 Timoteo 4:3

“Ama sanapi macosohuëꞌ. Nisha nisha cosharoꞌ aꞌpoco huachi,” tosapi. Napopirinahuëꞌ, Yosë yaꞌipi cosharoꞌ ninin capacaso marëꞌ. Nanamën nitotatëhuaꞌ, Yosë natëhuatëhuaꞌ, co aꞌpoarihuahuëꞌ. “Yosparinquën, Sinioro,” itatëhuaꞌ, caparihuaꞌ.

1 Timoteo 5:10

Noya nininsoráchin acoꞌinaꞌ. Iso pochin nipisopita: Huaꞌhuinpita noya asoꞌsorinsoꞌ. Niꞌtoroꞌsaꞌ huëꞌpachinara, oꞌshitërinsoꞌ. Co mantaꞌ apirarinsohuëꞌ. Piyapinën pochin cancantaton, imapisopita catahuarinsoꞌ. Parisitopisopita nosororinsoꞌ. Noyasáchin nininsoꞌ. Ina pochin nipisopita acoꞌinaꞌ.

1 Timoteo 5:22

Ansiano yaacohuatan, noya yonquiaton, oshaquëran acoquëꞌ. Aꞌnaroáchin acohuatan, co noyahuëꞌ nipachina, quëmantaꞌ naꞌianan. Noyasáchin niquëꞌ.

1 Timoteo 5:9

Aꞌnaya aꞌnaya niyontonpiquë quëyoronoꞌsaꞌ nininënpita ninshichinaꞌ catahuacaiso marëꞌ. Payaroꞌsaráchin acoinaꞌ, saota shonca piꞌipitërinsoꞌ. Aꞌnaíchin soꞌyatërinsoꞌ.

2 Timoteo 2:24

Sinioro piyapinënpoaꞌ nipatëhuaꞌ, co piyapiꞌsaꞌ noꞌhuicasoꞌ yaꞌhuërinhuëꞌ. Noya nontacasoꞌ yaꞌhuërin. Noya nitotatëhuaꞌ, aꞌchintahuaꞌ. Noꞌhuipirinpoahuëꞌ, ama noꞌhuiahuasohuëꞌ, ahuantahuaꞌ. Sanoanan quëran nontahuaꞌ.

Tito 2:2

Quëmapiꞌsaꞌ quëmá quëran mashomiachin nipisopita pënënquëꞌ natëtonoꞌsaꞌ niinaꞌ. Ama nisha nisha yonquiꞌinasohuëꞌ. Noya yonquiatona yaꞌhuëꞌinaꞌ. Yosë nanamën noꞌtëquën imainaꞌ. Yaꞌipi piyapi nosoroꞌinaꞌ. Aparisitopirinahuëntaꞌ, ama yaiꞌhuërëchinasohuëꞌ, ahuanchinaꞌ.

Hebreos 13:2

Co nohuitapomarahuëꞌ, nosorocoꞌ. Huëꞌpachina, noya nontatomaꞌ, oꞌshitocoꞌ, aꞌcacoꞌ. Iráca aꞌnaquën napopisoꞌ yonquicoꞌ. Niꞌtoroꞌsaꞌ huëꞌpachinara, “Huëcoꞌ niꞌquicoi,” itërin. Piyapitaꞌmaꞌ topirinhuëꞌ, Yosë anquëninën chachin aꞌcarin. Inapochachin canpoantaꞌ niꞌtoroꞌsaꞌ noya nontahuaꞌ.

Hebreos 3:14

Iráca Quisocristo natërëhuaꞌ. Chiminaquë huarëꞌ noya imahuaꞌ. Co aꞌpohuatëhuahuëꞌ, Quisocristorëꞌquënpoaꞌ yaꞌhuëcontarihuaꞌ.

1 Pedro 4:7

Ayaroꞌ tahuëri nani yaꞌcariarinpoaꞌ. Napoaton ama nisha nisha yonquicosohuëꞌ. Noya yonquiatomaꞌ, Yosë nontácoꞌ.

1 Pedro 4:9

Ama apiracosohuëꞌ. Niꞌtoroꞌsaꞌ huëꞌpachinaꞌ, noya nontocoꞌ. Noya cancantatomaꞌ, aꞌcacoꞌ, ahuëꞌëtocoꞌ.

1 Pedro 5:8

Sopaisoꞌ inimiconënpoaꞌ. Yacamairinpoaꞌ co noyahuëꞌ nicacaso marëꞌ. Paꞌpiniꞌ yamaninposo pochachin sopai paꞌsarin piyapiꞌsaꞌ minsëcaso marëꞌ. Napoaton noya yonquiatomaꞌ, niꞌsácoꞌ.