1 Timoteo 3:14 - Chayahuita (Shahui)

^14-15 Naꞌcon yonquiatënquën api, nicaponquën yapaꞌsarahuë. “Co huaꞌquiya quëranhuëꞌ paꞌsarahuë topirahuëꞌ. Huaꞌqui quëran aꞌnaꞌ paꞌsamarahuë,” taꞌto, iso quirica ninshitaranquën pënënaꞌhuanquënso marëꞌ. Yosë huëntonënquë yaꞌconpatëhuaꞌ, onpopinsona nicacasoꞌ shaꞌhuitaranquën. Yosësoꞌ nanpiárin. Canpoarë chachin yaꞌhuërarin. Nanamën noꞌtëquën anitotërinpoaꞌ. Imarëhuasopita niyontonpatëhuaꞌ, noꞌtëquën aꞌchinarihuaꞌ.

1 Timoteo 3:14 ပူးပေါင်းရင်းမြစ်များ

1 Corintios 11:34

Aꞌnaquën tanahuachinaꞌ, inahuara pëinënaquë coshachinaꞌ. Ina quëran noya niyontonpatamaꞌ, co Yosë anaꞌintarinquëmahuëꞌ. Aꞌna tahuëri paꞌsarahuë nicaponquëmaꞌ. Naporoꞌ naꞌcon naꞌcon aꞌchinchinquëmaꞌ.

1 Tesalonicenses 2:18

Canpitataquë yapaꞌpiraihuëꞌ, ipora huantaꞌ co nanitëraihuëꞌ. Ca Paonoco cararoꞌ yapaꞌpirahuëꞌ, Satanasë yaꞌcopirinco niꞌton, co nanitërahuëꞌ pacaꞌhuasoꞌ.

1 Timoteo 3:13

Tiaconoꞌsaꞌ noya nipachinaꞌ, imapisopitari noya niꞌsapi. Noya Yosë marëꞌ sacatohuachinaꞌ, chini chiníquën cancantapi. Quisocristo noya natëtonaꞌ, nanamën aꞌchinapi.

1 Timoteo 4:13

Niyontonpachinaꞌ, Yosë quiricanën nontëquëꞌ. Ina nontaton, pënëntëquëꞌ. Quisocristo nanamën aꞌchintëquëꞌ. Ca canconaꞌhuarëꞌ inapoquëꞌ.

Filemón 1:22

Naporahuaton, quëma pëinënquë aꞌna patoana tapatoco. Ca marëꞌ Yosë nontëramaꞌ niꞌton, ocoiarinaco nimara, tënahuë. Tashinan pëi quëran pipihuato, nicaponquën paꞌsarahuë.

Hebreos 13:23

Co huaꞌquiya quëranhuëꞌ nicaponquëmaꞌ paꞌsarahuë. Iya Timotio nani tashinan pëi quëran ocoipi. Manóton huëꞌpachin, inaroꞌco paꞌsarai.

2 Juan 1:12

Naꞌcon naꞌcon yashaꞌhuitopiranquëmahuëꞌ, co aquëtëꞌ yaninshitëranquëmahuëꞌ. Co huaꞌquiya quëranhuëꞌ nicaponquëmaꞌ paꞌsarahuë topirahuëꞌ. Canconpato, ninontohuatëhuaꞌ, noya noya cancantarihuaꞌ.

3 Juan 1:14

Co huaꞌquiya quëranhuëꞌ nicaponquën paꞌsarahuë, topirahuëꞌ. Paꞌpato, niquënanpatëhuaꞌ noanhuaꞌ.