1 Timoteo 3:13 - Chayahuita (Shahui)

¹³ Tiaconoꞌsaꞌ noya nipachinaꞌ, imapisopitari noya niꞌsapi. Noya Yosë marëꞌ sacatohuachinaꞌ, chini chiníquën cancantapi. Quisocristo noya natëtonaꞌ, nanamën aꞌchinapi.

1 Timoteo 3:13 ပူးပေါင်းရင်းမြစ်များ

Mateo 20:28

Cantaꞌ Yosë quëran quëmapico niporahuëꞌ, co aꞌnapita camaicaꞌhuaso marëꞌ oꞌmarahuëꞌ. Piyapiꞌsaꞌ catahuacaꞌhuaso marëꞌ oꞌmarahuë. Chiminarahuë naꞌa piyapiꞌsaꞌ nichaꞌëcaꞌhuaso marëꞌ, itërin Quisosori.

Mateo 25:21

‘¡Ma noyacha sacatëran paya! Natëranco niꞌquëhuarëꞌ, chiníquën nanan quëchinquën naꞌcon huaꞌanëntamaso marëꞌ. Pëinëhuëquë huëquëꞌ, noya cancantahuaꞌ,’ itërin huaꞌanëni.

Lucas 19:17

‘Ma noya sacatëran. Natëranco niꞌquëhuarëꞌ, huaꞌan acoꞌinquën. Shonca ninanoroꞌsaꞌ huaꞌanëntaran,’ itërin.

Hechos 21:35

Quëpahuachinara, yaꞌipi piyapiꞌsari imasapi. “Tëpachinacoꞌ,” itërapi. Pëiꞌ nanpënanquë canconahuatonaꞌ, naꞌcon naꞌcon noꞌhuitonaꞌ, yaahuëpi. Napoaton sontaroꞌsari Paono inápaquë pitëtërahuatonaꞌ, quëpapi.

Hechos 6:15

Ina quëran huaꞌanoꞌsari Istipan niꞌsapi. Niꞌsapirinahuëꞌ, yaꞌpirin anquëni pochin huënaráchin niꞌtërin.

Hechos 6:5

Natanahuatonaꞌ: —Noyapaꞌ. Paꞌahua acoaꞌahuaꞌ, topi yaꞌipiya. Ina quëran Istipan huayonpi. Inasoꞌ Yosë nóya natërin. Ispirito Santori noyá yaꞌcoancantërin. Pinipi, Porocoro, Nicanoro, Timon, Parminasë, Niconasë, inapitantaꞌ huayonpi. Niconasësoꞌ Antioquiaquë huaꞌhuatërin. Co cotio quëmapihuëꞌ niponahuëꞌ, cotioroꞌsa pochin Yosë chinotërin. Iporasoꞌ Quisoso imasarin antaꞌ. Inanapo huayonpi.

Hechos 6:8

“Istipansoꞌ nóya pënëntërin,” topi yaꞌipiya. Ispirito Santori catahuarin niꞌton, sacaiꞌ nininsoꞌ nanitaparin. Caniaꞌpi marëꞌ Yosë nontohuachina, aꞌnaroáchin noyatopi. Napoaton: “Tëhuënchachin Yosëri catahuarin,” topi.

1 Corintios 16:15

Istipano saꞌinë chachin nohuitëramaꞌ. Iráca Acaya parti aꞌchinpatëra, inapitaꞌton Quisocristo imapi. Pëinënquë yaꞌhuëpisopitantaꞌ imasapi. Imatonaꞌ, naꞌcon catahuarinënquëmaꞌ. Yaꞌipi imapisopita catahuapi.

Filipenses 1:14

Tashinan pëiquë poꞌmopirinacohuëꞌ, chiníquën cancantërahuë. Ina natanatonaꞌ, naꞌa imapisopita co huachi aquëtëꞌ tëꞌhuapihuëꞌ. “Quisocristo catahuarincoi quiyantaꞌ,” taꞌtonaꞌ, chiníquën cancantapi. Chiníquën cancantatonaꞌ, Yosë nanamën naꞌcon naꞌcon aꞌchinapi.

1 Tesalonicenses 2:2

Piriposëquë aꞌchinapiraihuëꞌ, noꞌhuitonacoi, chiníquën aparisitërinacoi. Inapotopirinacoihuëꞌ, canpitataquë canconpatëira, co tëꞌhuaraihuëꞌ. “Yosë catahuarincoi,” taꞌtoi, Quisocristo nanamën aꞌchintërainquëmaꞌ. Aꞌnapita noꞌhuipirinacoihuëꞌ, chiníquën cancantatoi, pënënainquëmaꞌ.

1 Timoteo 3:14

Naꞌcon yonquiatënquën api, nicaponquën yapaꞌsarahuë. “Co huaꞌquiya quëranhuëꞌ paꞌsarahuë topirahuëꞌ. Huaꞌqui quëran aꞌnaꞌ paꞌsamarahuë,” taꞌto, iso quirica ninshitaranquën pënënaꞌhuanquënso marëꞌ. Yosë huëntonënquë yaꞌconpatëhuaꞌ, onpopinsona nicacasoꞌ shaꞌhuitaranquën. Yosësoꞌ nanpiárin. Canpoarë chachin yaꞌhuërarin. Nanamën noꞌtëquën anitotërinpoaꞌ. Imarëhuasopita niyontonpatëhuaꞌ, noꞌtëquën aꞌchinarihuaꞌ.

2 Timoteo 2:1

Quëmantaꞌ api: “Quisocristo catahuarinco,” taꞌton chiníquën cancantëquëꞌ. Ina imapatëhuaꞌ, inaora nohuanton catahuarinpoaꞌ chiníquën cancantacasoꞌ. Huiꞌnahuë pochin nicatënquën, pënënaranquën.

Hebreos 6:10

Yosë co topinan anaꞌintarinquëmahuëꞌ. Iráca noya ninamaꞌ. Imapisopita nosoroatomaꞌ, catahuaramaꞌ noya imacaso marëꞌ. Ipora huantaꞌ noya ninosoroaramaꞌ niꞌton, co Yosë naniantarinquëmahuëꞌ.