1 Timoteo 2:9 - Chayahuita (Shahui)

⁹ Sanapiꞌsantaꞌ noya niinaꞌ. Aꞌnaquën sanapiꞌsaꞌ nitapacaisoráchin yonquipi. Naꞌcon naꞌcon yanco nitonpomototopi, notohuaroꞌ miyo pëꞌpëpi, nisha nisha aꞌsontanpapi. Paꞌton nininsopita aꞌmocaisoꞌ paꞌyatopi. Ainën tapacaisoráchin yonquipi. Yosë imarinsopitaso nipirinhuëꞌ, ama inasáchin yonquiatonahuëꞌ, sano yonquiꞌinaꞌ. Ama piyapiꞌsari paꞌyatacaiso marëáchin nitapainasohuëꞌ.

1 Timoteo 2:9 ပူးပေါင်းရင်းမြစ်များ

Génesis 24:53

Ina quëran notohuaroꞌ maꞌsha quëninsopita oꞌquirin. Oro quëran, prata quëran, ina quëranpita nipisoꞌ, Nipica nicanarin. Aꞌmocasontaꞌ, paꞌton nininsopita quëtërin. Aꞌshin, yoꞌin, inapitanta notohuaroꞌ maꞌsha paꞌton nininsopita quëtërin.

Proverbios 31:22

Inaora chachin huëtaton quëhuëntacasoꞌ ninin. Noya noya nëꞌmëtë nininsopita quëran aꞌmorin.

Proverbios 31:25

Maꞌsha onpoaponahuënta chiníquën cancantërin. Aꞌna tahuëri maꞌsona onpocasontaꞌ, co tëꞌhuatërinhuëꞌ.

Proverbios 7:10

Aꞌnanaya inari chachin monshihuantë sanapi pochin nisahuaton nacapirin.

Isaías 61:4

Ninanoroꞌsa iráca ohuatopisoꞌ anoyataantaponaꞌ. Pëiroꞌsanta iráca ataꞌhuantopirinahuëꞌ, acoantaponaꞌ. Ninanoroꞌsa tapipisopitantaꞌ, anoyataantaponaꞌ.

Jeremías 2:32

Nanon soꞌyarinso tahuëri nitaparinsopita, ¡co onporonta naniantërinhuëꞌ! Piyapinëhuëpitaso napoaponahuëꞌ, ¡nani huaꞌqui naniantërinaco!

Mateo 11:8

Co inaso maꞌhuanoꞌsaꞌ pochin noyápiachin aꞌmorinhuëꞌ. Noyápiachin aꞌmopisopitasoꞌ, copirnoroꞌsaꞌ pëinënaquë yaꞌhuëpi. Coanshaso nipirinhuëꞌ, co nani maꞌsha yaꞌhuëtërinhuëꞌ.

1 Timoteo 2:10

Aꞌmopisoꞌ ama naꞌcon naꞌcon yonquiꞌinasohuëꞌ. Noya nicacaisoꞌ naꞌcon naꞌcon yonquiꞌinaꞌ. Yosë imapi niꞌton, inaíchin chinochinaꞌ.