1 Timoteo 2:8 - Chayahuita (Shahui)

⁸ Napoaton nani parti niyontonpachinaꞌ, quëmapiꞌsaꞌ Yosë nonchinaꞌ, tënahuë. Ama noꞌhuichinasohuëꞌ. Ama nisha nisha ninonchinasohuëꞌ. Noyápiachin cancantatonaꞌ, Yosë nonchinaꞌ.

1 Timoteo 2:8 ပူးပေါင်းရင်းမြစ်များ

1 Reyes 3:11

Napoaton itapon: “Yonquínahuan nicaton piyapinëhuëpita noya huaꞌanëntacaso natanancoso marëꞌ noya cancantërahuë. Co huaꞌqui tahuëri nanpicamasoꞌ natanancohuëꞌ. Co maꞌhuanamasoꞌ, co inimiconënpita tëranta chiminacaisoꞌ, natanancohuëꞌ.

Salmos 63:4

Isoroꞌpaquë nanpisoco, chinotáponquën. Nontohuatanquën, natananco mini.

Salmos 66:18

Co noyahuëꞌ yonquirahuë naporini, co Sinioro natëitoncohuëꞌ.

Proverbios 15:8

Co noyahuëꞌ nipisopita Yosë marëꞌ maꞌsha acopisoꞌ, Yosëri co noyahuëꞌ niꞌsarin. Noya nipisopitari nontohuachinasoꞌ, noya natanaton catahuarin.

Isaías 1:15

Nontamacoso marëꞌ anquihuatamara, co manta yaniꞌnanquëmahuëꞌ. Naꞌaro nontopiramacohuëꞌ, co natanaranquëmahuëꞌ. Naꞌcon tëpatërama niꞌton, huënaiꞌ imirasáchin pochin niꞌnanquëmaꞌ.

Mateo 21:21

—Tëhuënchachin Yosë yaꞌipi nanitaparin. Ina nontohuatamaꞌ, yaꞌipi cancanëma quëran natëcoꞌ. “Co Yosë catahuarincohuëꞌ,” ama tocosohuëꞌ. Yaꞌipi cancanëma quëran ina natëhuatamaꞌ, sacaiꞌ nininsoꞌ nanitaparamaꞌ canpitantaꞌ. “Yosë nohuanton, iso motopi nichiꞌhuincarahuaton marëquë niichin” tënamaꞌ naporini, ina nohuanton, inapoꞌitonhuëꞌ.

Mateo 5:44

Nipirinhuëꞌ carimaꞌ shaꞌhuichinquëmaꞌ. Inimiconëmapitantaꞌ iyaroꞌsaꞌ, nosorocoꞌ. Aparisitopirinënquëmaontaꞌ, nosorocasoꞌ yaꞌhuërin. Inapita marëntaꞌ noya Yosë nontocoꞌ inahuantaꞌ catahuain.

Mateo 6:12

Co noyahuëꞌ nicatoi, oshahuanai. Nosoroatoncoi, oshanëhuëi inquitocoi. Aꞌnapita maꞌsha onpotohuachincoi, nanan anoyatëraiso pochachin oshanëhuëi inquitatoncoi, anoyacancantocoi.

Lucas 23:34

Patanantopirinahuëꞌ, Yosë nontërin. —Tëparinacoso marëꞌ Tata, ama anaꞌintëquësohuëꞌ. Co nohuitatonacohuëꞌ, napotarinaco, itërin.] Ina quëran sontaroꞌsa capini ninontopi. “Huëcoꞌ nicanatëhuaꞌ Quisoso aꞌmorinsoꞌ maahuaꞌ,” nitatonaꞌ, yaꞌnipirapi. Naporahuatonaꞌ, aꞌnaya aꞌnaya mapi.

Lucas 24:50

Ina quëran aꞌna tahuëri ninano quëran quëparin. Pitaniaquë huarëꞌ canconpachinara, anquirahuaton, Yosë nontërin. “Isopita Tata noya aꞌpaiton, catahuaquëꞌ,” itërin.

Juan 4:21

—Natanco imoya. Nani tahuëri naniarin. Yosë yachinotohuatamaꞌ, co paso motopiquë paꞌsaramahuëꞌ. Co Quirosarinquë tërantaꞌ pacacaso yaꞌhuërinhuëꞌ.

Hechos 10:2

Inaso nisha piyapi niponahuëꞌ, Yosë chinotërin. Yaꞌipi pëinënquë yaꞌhuëpisopitantaꞌ Yosë chinotopi. Cotioroꞌsaꞌ maꞌsha pahuantohuachinara, nosoroaton, topinan quëtërin. Nani tahuëri Yosë nontërin.

Hechos 10:31

Yaꞌnotirahuatonco, itërinco: “Cornirio, quëmasoꞌ naꞌcon Yosë nontëran, nataninquën. Saꞌahuaroꞌsaꞌ nosoroaton, maꞌsha quëtëran. Ina marëꞌ Yosë noya yonquirinquën.

Hechos 10:4

Anquëni niꞌsahuaton, paꞌpi tëꞌhuatërin. —¿Maꞌtaꞌ sinioro nohuantëran? itërin. —Quëmasoꞌ naꞌcon Yosë nontëran, nataninquën. Saꞌahuaroꞌsaꞌ nosoroaton, maꞌsha topinan quëtëran. Ina marëꞌ noya yonquirinquën.

Hechos 21:5

Simana nanihuachina, paantarai. Yapaꞌpatëira, ninano yonsanquë huarëꞌ imarinacoi. Saꞌinarë chachin, huiꞌninpitarë chachin caꞌtaninacoi. Nonshinanquë isonconahuatoi, Yosë nontërai.

Hechos 7:60

Ina quëran isonahuaton, chiníquën itantarin: “Tëparinacoso marëꞌ, ama Sinioro isopita anaꞌintëquësohuëꞌ,” itërin. Ina tosahuaton, chiminin.

1 Corintios 1:2

Corintoquë yaꞌhuëramasopita ninshitaranquëmaꞌ. Canpitantaꞌ Yosë huëntonënquë yaꞌconamaꞌ. Quisocristo imapatamaꞌ, anoyacancantërinquëmaꞌ niꞌton, noyápiachin cancantëramaꞌ. Yosë acorinquëmaꞌ piyapinënpita nicacamaso marëꞌ. Nisha nisha parti aꞌnapitantaꞌ Quisocristo imapi. Yaꞌipinpoaꞌ ina huaꞌanëntërinpoaꞌ. Aꞌna huënton pochin ninëhuaꞌ.

1 Corintios 7:7

Caso nipirinhuëꞌ co saꞌahuancohuëꞌ. Co mantaꞌ sanapi sëꞌhuarahuëꞌ. Yosë catahuarinco ahuantaꞌhuasoꞌ. Paꞌsápato, aꞌchinárahuë. Naꞌa quëmapiꞌsaꞌ ca pochin nipi naporini, noya niitonahuëꞌ, topirahuëꞌ. Co yaꞌipi nanitopihuëꞌ ca pochin nicacaisoꞌ. Yosë catahuarinpoaꞌ nisha nisha nicacasoꞌ. Aꞌnaquën ina nohuanton, saꞌarin. Aꞌnaquënso nipirinhuëꞌ ina nohuanton, noya inaora yaꞌhuërin.

2 Corintios 2:14

Ma noyacha Tata Yosëso paya, tënëhuaꞌ. Quisocristo imarëhuaꞌ niꞌton, nani tahuëri ina catahuarinpoaꞌ inimiconënpoapita minsëcasoꞌ. Inapitasoꞌ co nohuantopihuëꞌ Quisocristo nanamën aꞌchinaꞌhuaisoꞌ. Co nohuantopirinahuëꞌ, nisha nisha parti paatoi, nanamën aꞌchinárai. Pimóton huaꞌsaiꞌ pimoanahuaninso pochin Quisocristo nanamën nahuinarin. Aꞌchintatoi, naꞌa piyapiꞌsaꞌ anitotërai.

Filipenses 1:12

Maꞌsha onpotopirinacohuëꞌ, inantaꞌ noya, tënahuë. Ina shaꞌhuichinquëmaꞌ. Tashinan pëiquë poꞌmopirinacohuëꞌ, ina marëꞌ naꞌcon naꞌcon piyapiꞌsaꞌ Yosë nanamën natanapi.

1 Tesalonicenses 1:8

Noya imaramaꞌ niꞌton, yaꞌipi inaquë yaꞌhuëpisopita nicatënënquëmaꞌ, yonquipi. Naporahuaton, yaꞌipi ina parti nahuinin. Co quiyari shaꞌhuitopiraihuëꞌ, yaꞌipiya nitotopi.

1 Timoteo 5:14

Napoaton nanoꞌsaꞌ soꞌinari ayananpihuachinaꞌ, soꞌyantaꞌinaꞌ, tënahuë. Soꞌyantatonaꞌ, huaꞌhuaantaꞌinaꞌ. Soꞌinaꞌ, huaꞌhuinpita, inapita nocomahuachinaꞌ, noya nisapi. Napohuachinaꞌ, co aꞌnapitari pinosapihuëꞌ.

Tito 3:8

Noꞌtëquën shaꞌhuitëranquën. Quëmantaꞌ inachachin aꞌchintëquëꞌ, tënahuë. Pënënáquëꞌ yaꞌipi imapisopita noya nicacaiso marëꞌ. Aꞌchintëranquënsosoꞌ nóya imacasoꞌ. Natëhuatëhuaꞌ, noya noya yaꞌhuarihuaꞌ.

Hebreos 10:22

Napoaton Quisocristoíchin natëtëhuaꞌ, yaꞌipi cancanënpoa quëran Yosë nontahuaꞌ. Nani oshanënpoaꞌ inquitërinpoaꞌ niꞌton, noya cancantarëhuaꞌ. Quisocristo anoyacancantërinpoaꞌ niꞌton, noya iꞌquë amarëso pochin noyápiachin cancantarihuaꞌ.

Santiago 4:8

Nani tahuëri Yosë yonquihuatamaꞌ, inantaꞌ yonquiarinquëmaꞌ, naꞌcon catahuarinquëmaꞌ. Yaꞌipi co noyahuëꞌ yonquiramasopita naniantatomaꞌ, noya nicoꞌ. Ama huachi nisha nisha yonquicosohuëꞌ. Noyápiachin cancantocoꞌ.

1 Pedro 3:7

Canpitantaꞌ iyaroꞌsaꞌ, saꞌamaꞌ nosoroatomaꞌ noya ichiyaꞌhuëcoꞌ. Co canpita pochin chinipihuëꞌ niꞌton, noya nicatomaꞌ, sanoanan quëran nontocoꞌ. Inapitantaꞌ Quisocristo imapi niꞌton, canpitarëꞌquëma chachin Yosë huëntonënquë yaꞌconpi antaꞌ. Inapitantaꞌ nanpimiatapi. Ina yonquiatomaꞌ, saꞌamaꞌ noya nosorocoꞌ. Inapotohuatamaꞌ, Yosë nontohuatamaꞌ, catahuarinquëmaꞌ.