1 Tesalonicenses 5:19 - Chayahuita (Shahui)

¹⁹ Ispirito Santo yaꞌcoancantërinquëmaꞌ. Cancanëmaquë nontohuachinquëmaꞌ, aꞌnaroáchin natëcoꞌ. Niꞌcoꞌ. Pën noya orotohuachina, noya napëntërëꞌ. Inapochachin Ispirito Santo yacatahuarinpoaꞌ noya cancantacaso marëꞌ. Ama pën atacopitërëso pochin nitocosohuëꞌ.

1 Tesalonicenses 5:19 ပူးပေါင်းရင်းမြစ်များ

Génesis 6:3

Napoaponahuëꞌ, Siniorori co costatonhuëꞌ tapon: “Co piyapiꞌsa yaꞌhuëmiatápaiso yaꞌhuërinhuëꞌ. Piyapi niꞌton, chiminacaiso yaꞌhuërin. Napoaton pasa cato shonca piꞌipiraꞌ, nanpiponaꞌ,” tënin.

Nehemías 9:30

Napopirinahuëꞌ, naꞌcon piꞌipi ahuantaton niꞌsáran. Quëma ispiritonën quëran pënëntonaꞌpiroꞌsa ayonquiran. Inapitari pënënpirinhuëꞌ, co natëpihuëꞌ. Napoaton nisha nisha nacionoꞌsaquë quëpapi. Inapitari huaꞌanëntatona camaipi.

Salmos 51:11

Ama aꞌpomiatocosohuëꞌ. Noya nicaꞌhuaso catahuarincoso ispirito, ama cancanëhuë quëran ocoiquësohuëꞌ.

Isaías 63:10

Israiroꞌsaso napoaponahuëꞌ, co Sinioro yanatëpihuëꞌ. Inasoꞌ noyasáchin nipirinhuëꞌ, noꞌhuipi. Napotopiso marëꞌ inimiconënpita pochin nicaton, ahuërin.

Hechos 7:51

Canpitaso nipirinhuëꞌ co piꞌpisha tërantaꞌ yanatëtëramahuëꞌ. Co natantochináchinhuëꞌ cancantëramaꞌ. Co onporontaꞌ Ispirito Santo yanatëramahuëꞌ. Iráca shimashonëmapita co noyahuëꞌ cancantopi. Inapita quëpatomaꞌ, inapochachin cancantëramaꞌ.

1 Corintios 14:30

Aꞌnantaꞌ inaquë huënsërinsoꞌ Yosëri nanan anitotohuachin, inantaꞌ shaꞌhuiin. Yashaꞌhuihuachin, yaꞌnan nonaꞌpi taꞌtaton, nataꞌin.

Efesios 4:30

Co noyahuëꞌ nipatamaꞌ, Ispirito Santo sëtarin. Quisocristo imapatamara, sichoquë marca acotërëso pochin Ispirito Santo ayaꞌcoancantërinquëmaꞌ. Ayaroꞌ tahuëriquë huarëꞌ aꞌpaiarinquëmaꞌ. Naporoꞌ noyá nichaꞌësarinquëmaꞌ. Napoaton ama Ispirito Santo asëtocosohuëꞌ.

Efesios 6:16

Sontaroꞌsaꞌ iscoto quëpapi nipaꞌshintacaiso marëꞌ. Inimicoroꞌsaꞌ panca shinërë masahuatonaꞌ, yaquiꞌ noya orotërinsoꞌ nininquë pashitahuatonaꞌ, iꞌchinpitopi. Iꞌchinpitahuatonaꞌ, pëꞌchinanquë aquë tëꞌyatopi. Napoaton sontaroꞌsaꞌ iscoto quëpapi nipaꞌshintacaiso marëꞌ. Ina quëran inimicori tëꞌyanantohuachina, shinërë inaquë tacopiquirin. Panca shinërë orotërarinso pochachin sopai apira apira yanonpintërinpoaꞌ Yosë naniantacaso marëꞌ. Napoaton naꞌcon Yosë yonquicoꞌ. “Yosë niꞌsárinco. Co onporontaꞌ naniantarincohuëꞌ,” topatamaꞌ, achinicancanarinquëmaꞌ. Co piꞌpian tërantaꞌ sopai natëaramahuëꞌ. Iscoto quëpapiso pochin Yosësoꞌ noya yaꞌcopiarinpoaꞌ.

1 Tesalonicenses 5:20

“Yosë anitotërincoso shaꞌhuichinquëma,” itohuachinënquëmaꞌ, noya natancoꞌ.

1 Timoteo 4:14

Iráca ansianoꞌsaꞌ niyontonahuatonaꞌ, acorinënquën Yosë nanamën aꞌchinamaso marëꞌ. Sëꞌhuamotorahuatënënquën, nanan quëtërinënquën aꞌchinamaso marëꞌ. Ina quëran Yosë catahuarinquën nóya aꞌchinamasoꞌ. Ama ina naniantaton, topinan yaꞌhuëquësohuëꞌ.

2 Timoteo 1:6

Iráca sëꞌhuamotorahuatënquën, acoranquën pënëntamaso marëꞌ. Naporoꞌ Yosë chachin ananitërinquën niꞌton, nóya pënëntëran. Imapisopita noya aꞌchintëran. Iporantaꞌ api, ina yonquiaton chiníquën cancantëquëꞌ. Niꞌquëꞌ. Pënsha yatacopihuachina, pishitohuatëra noya orotaantarin. Inapochachin chiníquën cancantaton, pënëntaantaquëꞌ, tënahuë. Napoaton ninshitaranquën achinicancanaꞌhuanquënso marëꞌ.

1 Samuel 16:4

Napotohuachina Samoirosoꞌ Siniorori camairinso chachin ninin. Pirinquë canconpachina, ninano ansianoꞌsari, tëꞌhuainpichin natanpi: —¿Maꞌsha onpotancoiso marëꞌ huëꞌsamaranquën ti? itopi. Napotohuachinara, Samoiroso tapon: —Co naporinhuëꞌ. Maꞌsha tëpato Sinioro chinotaꞌhuaso marëꞌ huëꞌnahuë. Iporasoꞌ, Sinioro camaitërinso nicatoma nitapacoꞌ. Inapoatomaꞌ, caꞌtanco Sinioro chinochi. Naporahuatëhua coshatahuaꞌ, itërin. Ina quëran Samoirosoꞌ, Quisi huiꞌninpitarë chachin taparin. Sinioro camaitërinso nicaton, taparin. Inapotaton shaꞌhuitërin Yosë chinotacaso marëꞌ ohuacaꞌhua tëparinquë pacacaisoꞌ.