1 Tesalonicenses 5:15 - Chayahuita (Shahui)

¹⁵ Aꞌnapita maꞌsha onpotohuachinënquëmaꞌ, ama yaiꞌhuërëtocosohuëꞌ. Nani tahuëri noya nontocoꞌ. Noꞌhuipirinënquëmaontaꞌ, nosoroatomaꞌ, catahuacoꞌ. Canpita capini ninosoroatomaꞌ, aꞌnapita piyapiꞌsantaꞌ catahuacoꞌ.

1 Tesalonicenses 5:15 ပူးပေါင်းရင်းမြစ်များ

Génesis 45:24

Pacacaiso marëꞌ nontohuachinara, Cosiso iinpita itapon: —Osharan pacoꞌ. Amana iraquë ninoꞌhuíracosohuëꞌ, itërin. Napotohuachina paꞌpi huachi.

Proverbios 24:17

Inimiconën maꞌsha onpohuachin: “Ma noyacha naporin paya,” ama tëquësohuëꞌ. Maꞌsha opohuachin, ama ina marëꞌ capa cancantëquësohuëꞌ.

Proverbios 25:21

Inimiconën tanahuachin, aꞌcaquëꞌ. Yamorohuachin, oꞌshitëquëꞌ.

Levítico 19:18

Ama canpita capini ninoꞌhuitoma niiꞌhuërëtocosohuëꞌ. Canpitaora ninosororamaso pochachin aꞌnapitantaꞌ, nosorocoꞌ. Ca Sinioroco napotaranquëmaꞌ.

Mateo 5:39

Napopirinahuëꞌ, carimaꞌ shaꞌhuichinquëmaꞌ. Co canpita capinisoꞌ niiꞌhuërëtacasoꞌ yaꞌhuërinhuëꞌ, tënahuë. Maꞌsha onpotohuachinënquëmaꞌ, ama noꞌhuicosohuëꞌ. Panpirayahuachinënquëmaꞌ, ama mantaꞌ iꞌhuërëtocosohuëꞌ. Naquëranchin panpiantahuachinquëmaꞌ, co naporo tërantaꞌ noꞌhuicasoꞌ yaꞌhuërinhuëꞌ.

Lucas 6:35

Canpitaso nipirinhuëꞌ inimiconëmantaꞌ nosorocoꞌ. Inapitantaꞌ catahuacoꞌ. Piyapiꞌsaꞌ pahuantohuachinaꞌ, coriqui aꞌnancoꞌ. ‘Co iꞌhuërëtaponcohuëꞌ nimara,’ tapomarahuëntaꞌ, aꞌnancoꞌ. Ina pochin nipatamaꞌ, Yosëꞌpaꞌ naꞌcon canaaramaꞌ. Yosë pochachin cancantaramaꞌ. Inasoꞌ yaꞌipi piyapiꞌsaꞌ nosoroaton, catahuarin. Oshahuanoꞌsantaꞌ nosororin. Co ‘Yosparinquën,’ itopirinahuëꞌ, catahuarin.

Hechos 16:28

Paonoriso nipirinhuëꞌ aꞌnaroáchin nontërin: —¡Ama iyasha nitëpaquësohuëꞌ! ¡Co taꞌaraihuëꞌ! itërin chiníquën nontaton.

Romanos 12:9

Yaꞌipi piyapiꞌsaꞌ nosorocoꞌ. Cancanëma quëran huarëꞌ nosorocoꞌ. Co noyahuëꞌ ninamasopita aꞌpocoꞌ. Noyasáchin nicoꞌ.

Romanos 14:19

Napoaton noya ninicatëhuaꞌ, yaꞌhuaꞌahuaꞌ. Nicatahuahuaꞌ noya noya imacaso marëꞌ.

1 Corintios 14:1

Napoaton iyaroꞌsaꞌ, noya ninosorocoꞌ. Ina quëran Yosë nontocoꞌ Ispirito Santo catahuainquëmaꞌ maꞌsona nohuantërinsoꞌ nicacamasoꞌ. Yosë nanamën shaꞌhuicasoꞌ naꞌcon naꞌcon nohuantocoꞌ.

1 Corintios 16:10

Iya Timotio cantonpachinquëmaꞌ, noya nontocoꞌ noya cancanchin. Ca pochachin inantaꞌ Yosë nanamën aꞌchinarin.

1 Corintios 6:7

Nishaꞌhuirapihuatamara, co imapisopitahuë pochin niconamaꞌ. Maꞌsha onpotohuachinënquëmaꞌ, ¿onpoatontaꞌ co ahuantëramahuëꞌ? Maꞌshanëmaꞌ matohuachinënquëmaꞌ, tananpitëramaꞌ naporini, noya noya niitomahuëꞌ.

Gálatas 6:10

Napoaton yaꞌipi piyapiꞌsaꞌ nosoroaꞌhuaꞌ. Nanitohuatëhuaꞌ, catahuahuaꞌ. Quisocristo imarëhuasopita capini naꞌcon naꞌcon nicatahuahuaꞌ.

Efesios 5:15

Napoaton iyaroꞌsaꞌ noya yonquiatomaꞌ yaꞌhuëcoꞌ. Aꞌnaquën co mantaꞌ yonquipihuëꞌ. Ama inapita pochin cancantocosohuëꞌ. Noꞌtëquën yonquicoꞌ.

Efesios 5:33

Canpitantaꞌ iyaroꞌsaꞌ, saꞌamaꞌ naꞌcon nosorocoꞌ. Canpitaora ninosororamaso pochachin saꞌamaꞌ nosorocoꞌ. Sanapiꞌsanquëmantaꞌ soꞌyamaꞌ noya niꞌcoꞌ. Noya nicatomaꞌ, natëcoꞌ.

1 Tesalonicenses 2:12

Achinicancanainquëmaꞌ. “Yosë imaramaꞌ niꞌton, noyasáchin nicoꞌ Yosë noya niꞌinquëmaꞌ,” itërainquëmaꞌ. Ina acorinquëmaꞌ huaꞌanëntërinquë yaꞌconacamasoꞌ. Aꞌna tahuëri yaꞌhuërinꞌpaꞌ quëpantahuachinquëmaꞌ, noya noya yaꞌhuëcontaramaꞌ.

1 Tesalonicenses 5:21

Napoaponahuëꞌ, niꞌcona nonpintochinënquëmaꞌ. Aꞌnaquën “Noꞌtëquën aꞌchintaranquëmaꞌ,” itohuachinënquëmaꞌ, ama aꞌnaroáchin natëtocosohuëꞌ. Yaꞌipi napopisoꞌ Yosë quiricanën quëran tantiacoꞌ. “Inaora yonquinën quëran aꞌchinamara,” taꞌtomaꞌ, tantiacoꞌ. Yosë nanamënsáchin natëcasoꞌ yaꞌhuërin.

1 Timoteo 6:11

Quëmaso nipirinhuëꞌ api Yosë imaran niꞌton, ama coriquiráchin yonquiquësohuëꞌ. Noya nicacasoáchin yonquiquëꞌ. Cancanën quëran huarëꞌ Yosë chinotëquëꞌ. “Inasoꞌ nosoroatonco, catahuarinco,” taꞌton, noya natëquëꞌ. Naporahuaton, yaꞌipi piyapi nosoroquëꞌ. Maꞌsha onpoaponahuëꞌ, chiníquën cancantëquëꞌ. Sano piyapi niquëꞌ.

2 Timoteo 2:24

Sinioro piyapinënpoaꞌ nipatëhuaꞌ, co piyapiꞌsaꞌ noꞌhuicasoꞌ yaꞌhuërinhuëꞌ. Noya nontacasoꞌ yaꞌhuërin. Noya nitotatëhuaꞌ, aꞌchintahuaꞌ. Noꞌhuipirinpoahuëꞌ, ama noꞌhuiahuasohuëꞌ, ahuantahuaꞌ. Sanoanan quëran nontahuaꞌ.

Tito 3:2

Ama pinochinasohuëꞌ. Ama ninoꞌhuiinasohuëꞌ. Noya ninicatonaꞌ yaꞌhuëꞌinaꞌ. Yaꞌipi piyapiꞌsaꞌ noya nicatonaꞌ, sanoanan quëran nonchinaꞌ.

Hebreos 12:14

Ama piꞌpian tërantaꞌ ninoꞌhuicosohuëꞌ. Naporahuaton, noya nicoꞌ. Co noya nipatamahuëꞌ, co mantaꞌ Yosë nohuitaramahuëꞌ.

1 Pedro 1:22

Yosë nanamënsoꞌ noꞌtën nanan. Ina natëhuatamaꞌ, yaꞌipi co noyahuëꞌ yonquiramasopita naniantaramaꞌ. Noyápiachin cancantaramaꞌ. Yosë anoyacancantërinquëmaꞌ ninosorocamaso marëꞌ. Napoaton imaramasopita capini noya ninosorocoꞌ. Tëhuënchachin cancanëma quëran huarëꞌ ninosorocoꞌ.

1 Pedro 2:17

Yaꞌipi piyapiꞌsaꞌ noya nontocoꞌ. Imaramasopita capini noya ninosorocoꞌ. Yosë tëꞌhuatatomaꞌ, noꞌtëquën natëcoꞌ. Copirnontaꞌ noya nicatomaꞌ, natëcoꞌ.

1 Pedro 3:9

Piyapiꞌsaꞌ maꞌsha onpotohuachinënquëmaꞌ, ama iꞌhuërëtacamasoꞌ yonquicosohuëꞌ. Pinopachinënquëmaꞌ, ama canpitarisoꞌ pinocosohuëꞌ. Noya nontocoꞌ. Naporahuaton, Yosë nontocoꞌ inapitantaꞌ catahuain. Imapatëhuaꞌ, ina shaꞌhuitërinpoaꞌ aꞌnapitantaꞌ nosorocasoꞌ. Napohuatëhuaꞌ, Yosë noya catahuarinpoaꞌ.

3 Juan 1:11

Ama iya co noyahuëꞌ nipisopita nonanquësohuëꞌ. Noya nipisopita nonanquëꞌ. Noya nipatëhuaꞌ, tëhuënchachin Yosë imarihuaꞌ. Co noyahuëꞌ nipatëhuaꞌ, co Yosë nohuitarihuahuëꞌ.

Apocalipsis 19:10

Naporoꞌ isonahuato, yachinotopirahuëꞌ. “Ama chinotocosohuëꞌ. Casoꞌ anquënico. Co Yosëcohuëꞌ. Canpita pochachin cantaꞌ Yosë natërahuë. Quisoso nanamën imaramaꞌ niꞌton, Yosëíchin yonquiquëꞌ,” itërinco. Quisoso nanamënáchin aꞌchinpatëhuaꞌ, noꞌtëquën pënëntarëhuaꞌ.

Apocalipsis 22:9

Yachinotopirahuëꞌ, shaꞌhuitërinco. “Ama chinotocosohuëꞌ. Casoꞌ anquënico. Canpita pochachin cantaꞌ Yosë natërahuë. Iráca quëran huarëꞌ aꞌnaquën Yosë nanamën pënëntërin. Quëmantaꞌ pënëntëran. Aꞌnapita iso quirica natanahuatonaꞌ, natëapi. Yaꞌipinpoaꞌ Yosë natërëhuaꞌ. Napoaton inasáchin chinotëquëꞌ,” itërinco.

1 Samuel 24:13

Iráca quëran huarëꞌ paꞌyatopi napocaisoꞌ: “Co noyahuëꞌ cancantopisopitaráchin co noyahuëꞌ nipi,” topi. Caso co ina pochin cancantërahuë niꞌton, co tëꞌhuataancoso yaꞌhuërinhuëꞌ. Co onporonta tëpaponquënhuëꞌ.