1 Tesalonicenses 4:9 - Chayahuita (Shahui)

⁹ Imaramasopita capini noya ninosorocoꞌ. Nani nitotëramaꞌ niꞌton, co aquëtëꞌ shaꞌhuitaꞌhuanquëmasoꞌ yaꞌhuërinhuëꞌ. Yosë chachin cancanëmaquë anitotërinquëmaꞌ ninosorocamasoꞌ.

1 Tesalonicenses 4:9 ပူးပေါင်းရင်းမြစ်များ

Jeremías 31:33

Naporo tahuëriꞌsa israiroꞌsarëꞌco anoyatohuato, iso pochin nisarahuë: Aꞌchintërahuësopita yonquinëna quëran anitotarahuë. Ina nitotohuachinaꞌ, noꞌtëquën natëtacaisoꞌ catahuararahuë. Casáchin chinotarinaco. Inapitanta piyapinëhuëpita nisapi.

Jeremías 31:34

Co huachi insonta aꞌnapita aꞌchintaponhuëꞌ. Co iin nontaton: ‘Sinioro nohuitëquëꞌ,’ co itaponhuëꞌ. Yaꞌipiya quëran nohuitarinaco. Huaꞌhuishinoꞌsa quëran mashoroꞌsaquë huarëꞌ nohuitarinaco niꞌton, co huachi niaꞌchintaponahuëꞌ. Inapitasoꞌ co noyahuëꞌ nicatona oshahuanpirinahuëꞌ, oshanëna inquitato nanan anoyatarahuë. Ca Sinioroco shaꞌhuitaranquëmaꞌ,” tënin.

Levítico 19:8

Inso tëranta ina caꞌpachin, anaꞌintaꞌhuaso yaꞌhuërin. Ca marëꞌ nininsoꞌ co tëꞌhuatërinhuëꞌ niꞌton, yaꞌhuërama quëran ocoicamaso yaꞌhuërin.

Mateo 22:39

Isontaꞌ Yosë nohuantërin: “Quëmaora ninosororanso pochachin aꞌnapitantaꞌ nosorocoꞌ,” tënin.

Juan 14:26

Inápaquë pantahuato, tatahuë nontarahuë, Ispirito Santo aꞌpatimarinquëmaꞌ. Ca yaꞌhuërënamëhuë oꞌmararin. Inasoꞌ achinicancanarinquëmaꞌ. Yaꞌipi Yosë nanamën aꞌchintarinquëmaꞌ. Catahuaarinquëmaꞌ aꞌchintëranquëmasoꞌ ama naniantacamaso marëhuëꞌ. Catahuahuachinquëmaꞌ, nóya yonquiantaramaꞌ.

Hechos 4:32

Yaꞌipi Quisoso natëpisopita noya niniꞌtonaꞌ, yaꞌhuëpi. Napopianachin yonquipi. Aꞌnaya aꞌnaya pahuantohuachinara, niquëtopi. Co mantaꞌ niapiratopihuëꞌ.

Romanos 12:10

Imaramasopita capini noya ninosorocoꞌ. Iyaparima pochin niniꞌcoꞌ. Ama “Casoꞌ noya noyaco,” tocosohuëꞌ. Aꞌnapita noya noya niꞌcoꞌ.

2 Corintios 9:1

Tëhuënchachin aꞌnapita imapisopita pahuantohuachinaꞌ, maꞌsha quëtacasoꞌ yaꞌhuërin. Nani nitotëramaꞌ niꞌton, co naꞌcon ninshitaranquëmahuëꞌ.

Filipenses 3:15

Yaꞌipi Yosë imarëhuasopita chinoton pochin cancantohuatëhuaꞌ, ina pochin yonquiarëhuaꞌ. Nisha yonquihuatëhuaꞌ, Yosë anitotarinpoaꞌ. “Catahuaco noꞌtëquën yonquiꞌi,” itohuatëhuaꞌ, anitotarinpoaꞌ.

1 Tesalonicenses 5:1

Onporosona oꞌmantacasoꞌ tahuëri nanicasoꞌ, co ina iyaroꞌsaꞌ aꞌchintaranquëmahuëꞌ.

Hebreos 10:16

“Aꞌna tahuëri piyapinëhuëpitarëꞌco anoyatohuato, iso pochin nisarahuë: Nasha cancan quëtarahuë natëtochináchin cancantacaiso marëꞌ. Anoyacancantarahuë noya yonquicaiso marëꞌ.

Hebreos 13:1

Yaꞌipi imaramasopita capini noya ninosorocoꞌ. Iyaparima pochin niꞌcoꞌ.

1 Pedro 3:8

Yaꞌipinquëmaꞌ noya niniꞌtomaꞌ, yaꞌhuëcoꞌ. Aꞌnaquën sëtohuachinaꞌ, noya nontocoꞌ ama aquëtëꞌ sëchinasohuëꞌ. Noya cancantohuachinaꞌ, canpitantaꞌ noya cancantocoꞌ. Imaramaso capini ninosorocoꞌ. Ninosoroatomaꞌ iyaroꞌsaꞌ nicatahuacoꞌ. Ama ninocancosohuëꞌ. Canpitantaꞌ imoyaroꞌsaꞌ, noya ninontocoꞌ.

1 Pedro 4:8

Yaꞌipi cancanëma quëran noya ninosorocoꞌ. Ina naꞌcon naꞌcon Yosë nohuantërin. Piyapi nosorohuatamaꞌ, co noyahuëꞌ nipirinahuëntaꞌ, aꞌnaroáchin nanan anoyataramaꞌ. Co noyahuëꞌ nipisopita naniantatomaꞌ, co huachi yonquiaramahuëꞌ.

2 Pedro 1:7

Noyasha chinotatomaꞌ, imaramasopita capini noya ninosorocoꞌ. Naporahuatomaꞌ, yaꞌipi piyapi nosorocoꞌ.

1 Juan 2:10

Imaramasopita capini ninosorohuatamaꞌ, tahuëri pochin cancantaramaꞌ. Ina pochin nipatamaꞌ, noꞌtëquën imaramaꞌ.

1 Juan 3:11

Yaꞌnan imapoma quëran huarëꞌ Yosë nanamën natanamaꞌ. “Noya ninosorocoꞌ,” itërainquëmaꞌ.

1 Juan 3:23

Yosë nani pënëninpoaꞌ huiꞌnin imacaso marëꞌ. Naporahuaton, ninosorocasontaꞌ shaꞌhuitërinpoaꞌ. “Quisocristontaꞌ inachachin shaꞌhuitërinpoaꞌ,” taꞌtëhuaꞌ, cancanënpoa quëran natëahuaꞌ.

1 Juan 4:21

Quisocristo pënëninpoaꞌ. “Nosorohuatamaco, piyapintaꞌ nosorocoꞌ,” itërinpoaꞌ.