1 Tesalonicenses 4:7 - Chayahuita (Shahui)

⁷ Co Yosë nohuantërinhuëꞌ oshahuanacasoꞌ. Acorinpoaꞌ noyasáchin nicacaso marëꞌ.

1 Tesalonicenses 4:7 ပူးပေါင်းရင်းမြစ်များ

Levítico 19:2

“Apira napotaranquënsoꞌ, yaꞌipi israiroꞌsa shaꞌhuitëquëꞌ: Caso Yosëco noyasáchin ninahuë. Napoaton canpitantaꞌ, noyasáchin nicoꞌ.

Romanos 1:7

Napoaton Nomaquë yaꞌhuëramasopita ninshitaranquëmaꞌ. Yosë paꞌpi nosororinquëmaꞌ. Nani acorinquëmaꞌ piyapinënpita nicacamasoꞌ. Niꞌton, inasáchin yonquicasoꞌ yaꞌhuërin. Tata Yosë inaora nohuanton, catahuainquëmaꞌ. Asanocancainquëmaꞌ. Quisocristontaꞌ inapochachin catahuainquëmaꞌ. Inasoꞌ huaꞌanëntërinpoaꞌ.

1 Corintios 1:2

Corintoquë yaꞌhuëramasopita ninshitaranquëmaꞌ. Canpitantaꞌ Yosë huëntonënquë yaꞌconamaꞌ. Quisocristo imapatamaꞌ, anoyacancantërinquëmaꞌ niꞌton, noyápiachin cancantëramaꞌ. Yosë acorinquëmaꞌ piyapinënpita nicacamaso marëꞌ. Nisha nisha parti aꞌnapitantaꞌ Quisocristo imapi. Yaꞌipinpoaꞌ ina huaꞌanëntërinpoaꞌ. Aꞌna huënton pochin ninëhuaꞌ.

Gálatas 5:19

Piyapiꞌsaꞌ inahuara co nanitopihuëꞌ Yosëíchin yonquicaisoꞌ. Co noyahuëꞌ yonquipisopita nitotërëhuaꞌ. Co noyahuëꞌ yonquihuachinara, co noyahuëꞌ nipi. Yamonshihuanpi, taparoꞌ nonpi, sanapi sëꞌhuachinachin cancantopi.

Efesios 1:4

Coꞌhuara isoroꞌpaꞌ yaꞌhuëyátërasohuëꞌ, yonquiatonpoaꞌ, huayoninpoaꞌ nóya cancantacaso marëꞌ. Quisocristo imapatëhuaꞌ, oshanënpoaꞌ inquitatonpoaꞌ, Yosë nóya niꞌninpoaꞌ.

Efesios 2:10

Yosë anoyacancantërinpoaꞌ. Anoyacancantahuatonpoaꞌ, acorinpoaꞌ nóya nicacaso marëꞌ. Quisocristo catahuahuachinpoaꞌ, noya nisarëhuaꞌ. Iráca quëran huarëꞌ yonquirinpoaꞌ ina pochin nicacasoꞌ. Ina marëꞌ nichaꞌërinpoaꞌ.

Efesios 4:1

Quisocristo nanamën aꞌchinahuëso marëꞌ tashinan pëiquë poꞌmopirinacohuëꞌ, iporahuantaꞌ pënënáranquëmaꞌ. Yosë nichaꞌëtënquëmaꞌ, huëntonënquë ayaꞌconinquëmaꞌ. Napoaton noyasáchin nicoꞌ.

Efesios 4:19

Inapitasoꞌ nitotaponaraihuëꞌ, co nohuantopihuëꞌ noya nicacaisoꞌ. Co noyahuëꞌ nisáponaraihuëꞌ, co nitotapanpihuëꞌ. Monshihuanacaisoáchin yonquipi. Co noyahuëꞌ yonquiatonaꞌ, aꞌnaratipita nipi.

1 Tesalonicenses 2:3

Co nonpin nanan aꞌchintërainquëmahuëꞌ. Co nisha nisha nicacaso marëꞌ aꞌchintërainquëmahuëꞌ. Co piꞌpian tërantaꞌ nonpintërainquëmahuëꞌ.

2 Timoteo 1:9

Yosë chachin anoyacancantërinpoaꞌ. Oshanënpoaꞌ inquitatonpoaꞌ, acorinpoaꞌ nóya nicacaso marëꞌ. Inaora nohuanton, nosororinpoaꞌ. Co noyahuëꞌ nipirëhuahuëꞌ, nosoroatonpoaꞌ, catahuarinpoaꞌ. Coꞌhuara isoroꞌpaꞌ acoyátërasohuëꞌ, ninotonpoaꞌ, nosororinpoaꞌ. Naporoꞌ chinotërin Quisocristo aꞌpaimacasoꞌ. Ina imapatëhuaꞌ, anoyacancantërinpoaꞌ.

Hebreos 12:14

Ama piꞌpian tërantaꞌ ninoꞌhuicosohuëꞌ. Naporahuaton, noya nicoꞌ. Co noya nipatamahuëꞌ, co mantaꞌ Yosë nohuitaramahuëꞌ.

2 Pedro 2:10

Aꞌnaquën co piꞌpisha tërantaꞌ Yosë yanatëpihuëꞌ. Inapitasoꞌ chini chiníquën anaꞌintarin. Co Yosë natëtonahuëꞌ, co noyahuëꞌ nicacaisoráchin yonquipi. Aꞌnaratipita taparoꞌ nisáponaraihuëꞌ, co ina marëꞌ tapanpihuëꞌ. “Caora noya nitotërahuë,” taꞌtonaꞌ, co inso tërantaꞌ yanatëpihuëꞌ. Chiníquën nanantopisopita Yosëri acorinsoꞌ co quënanpirinahuëꞌ, pinopi.