1 Tesalonicenses 4:15 - Chayahuita (Shahui)

¹⁵ Oꞌmantahuachin, co nanpirëhuasopitaráchin pantarihuahuëꞌ. Chiminpisopitaꞌton nanpiantarapi. Sinioro Quisoso shaꞌhuitërinpoaso chachin shaꞌhuichinquëmaꞌ.

1 Tesalonicenses 4:15 ပူးပေါင်းရင်းမြစ်များ

1 Reyes 22:14

—Sinioro camairincosoráchin Yoscoarëꞌ caso shaꞌhuiarahuë, itërin Micaiasëri.

Copo naporinso' 41:11

Insoariso ina apipachin, ¡co onporonta ina canaarinhuëꞌ!

Mateo 17:25

—Pahuërëtërin mini, itërin Pitrori. Ina quëran pëiquë yaꞌconpachina, inaquë Quisoso quënanconin. Coꞌhuara shaꞌhuichátërasohuëꞌ, inari ninoton, itërin: —Piꞌpian iyasha natainquën. Copirnoroꞌsaꞌ coriqui nohuantohuachinara, ¿inpitataꞌ maꞌparin? ¿Quëmopinënpita quëran huarëꞌ maꞌparin to? itërin.

1 Corintios 15:18

Co nanpiantarinhuë naporini, aꞌnaquën imapisopita nani chiminpi niꞌton, parisitopiquë paꞌitonahuëꞌ.

2 Corintios 12:1

Co nohuantërahuëꞌ aꞌnapita nocanaꞌhuasoꞌ. “Casoꞌ noya noya piyapico,” co taporahuëꞌ, piꞌpian ina pochin shaꞌhuichinquëmaꞌ. Iráca Yosë nohuanton, huaꞌnarëso pochin maꞌsha niꞌnahuë. Quisocristo chachin anitotërincosoꞌ.

2 Corintios 4:14

Tëpapirinacoihuëntaꞌ, Quisocristo imarai niꞌtoi, Yosë ananpitaantarincoi, tënai. Iráca Quisocristo ananpitaantarinsoꞌ pochin quiyantaꞌ ananpitaantarincoi. Yosëꞌpaꞌ quëpantarincoi. Canpitaroꞌcoi chachin yaꞌhuëcontarihua huachi.

Gálatas 1:12

Quisocristo chachin nanamën anitotërinco. Co aꞌna piyapi shaꞌhuitërincohuëꞌ. Co insontaꞌ ina nanamën aꞌchintërincohuëꞌ. Inaora chachin anitotërinco.

1 Tesalonicenses 2:19

Naꞌcon yonquiatëinquëmaꞌ, nóya cancantërai. ¿Maꞌmarë chachintaꞌ ina pochin cancantërai? Imaramaꞌ niꞌton, Yosë yaꞌhuërinꞌpaꞌ canpitantaꞌ paꞌsaramaꞌ, tënai. Aꞌna tahuëri Sinioro Quisocristo oꞌmantararin. Naporoꞌ: “Quiyari aꞌchintërai niꞌton, imapi,” taꞌtoi, noya cancantarai.

1 Tesalonicenses 4:13

Chiminpisopita maꞌsona onpocaisoꞌ aꞌchinchinquëmaꞌ, nitotocoꞌ. Quisoso imarëhuasopita chiminpatëhuaꞌ, nanpiantarihuaꞌ. Co imapisopitasohuëꞌ nipirinhuëꞌ, quëmopinënpita chiminpachinara, sëtopi. “Co onporontaꞌ quënantarihuahuëꞌ,” taꞌtonaꞌ sëtápi. Ama inapita pochin sëtacaso marëhuëꞌ canpitasoꞌ aꞌchinchinquëmaꞌ.

1 Tesalonicenses 5:10

Canpoa marëꞌ inasoꞌ chiminin. Aꞌnaquënpoaꞌ nanpiarëhuaꞌ, aꞌnaquënpoaꞌ chiminarihuarahuëꞌ, oꞌmantahuachin, yaꞌipi imarëhuasopita quëpantarinpoaꞌ. Inarëꞌquënpoaꞌ yaꞌhuëmiatarihuaꞌ.

2 Tesalonicenses 2:1

Apira iyaroꞌsaꞌ oꞌmantacasoꞌ tahuëri piꞌpian aꞌchinchinquëmaꞌ. Sinioro Quisocristo oꞌmantahuachin, nacapirahuatëhuaꞌ, pantarihuaꞌ.