1 Tesalonicenses 3:1 - Chayahuita (Shahui)

¹ Huaꞌquiꞌ co niꞌnainquëmahuëꞌ. Co nanan tërantaꞌ natantëraihuëꞌ. Napoaton co huachi ahuantatoihuëꞌ, “Quiyaora Atinasëquë quëparichii,” taꞌtoi,

1 Tesalonicenses 3:1 ပူးပေါင်းရင်းမြစ်များ

Jeremías 20:9

Amiato: “Ama huachi Sinioro yonquiꞌisohuëꞌ. Nanan quëtopirincohuë tërantaꞌ, ama huachi noinsohuëꞌ,” tënahuë. Taporahuëꞌ, quëma nanamën yaꞌcoancantërinco niꞌton, pën maꞌsha ahuiquitërinso pochin nitárinco. Nansëanaquë huarëꞌ piꞌcarincoso pochin natanahuë. “Chinitato nipachin ama noinsohuëꞌ,” taporahuëꞌ, ¡coꞌchi nanitërahuëꞌ cacotaꞌhuaso paya!

Hechos 17:15

Atinasëꞌpaꞌ Paono caꞌtanpi. Yapanantahuachinara, —Sirasë, Timotio, cato chachin shaꞌhuitoncoꞌ manóton huëꞌinaꞌ, itërin Paonori. Napotohuachina, yaꞌhuëpiꞌpaꞌ panantapi.

Hechos 17:16

Paonoso nipirinhuëꞌ Atinasëquë Sirasë, Timotio, inapita ninararin. Ninanoꞌ conitaton, notohuaroꞌ mamanshi quënanin. Inapita quënanahuaton, sëtërin. Inapoaton, napion cancantërin.

2 Corintios 2:13

Napoaponahuëꞌ, iꞌhua chachin iya Tito canpitataquë aꞌpapirahuëꞌ. Co huënantarinhuë niꞌton, co sano cancantërahuëꞌ. “¿Onpoatoncha co iyasha huëntarinhuë nicaya?” taꞌto, piyapiꞌsaꞌ noyasha nontahuato, Masitoniaquë paꞌnahuë.

1 Tesalonicenses 2:17

Huaꞌquimiáchin iyaroꞌsaꞌ co niꞌpirainquëmahuëꞌ, co naniantërainquëmahuëꞌ. Yonquiatëinquëmaꞌ, naꞌcon nohuantërai nicaꞌhuainquëmasoꞌ.

1 Tesalonicenses 3:5

Napoaton casoꞌ co huachi ahuantatohuëꞌ, Timotio aꞌpatëranquëmaꞌ onpopinsona imaramasoꞌ nitotaꞌhuaso marëꞌ. Sopai yanonpintërinpoaꞌ Yosë aꞌpocaso marëꞌ. Minsërinquëmaꞌ naporini, topinan quëran aꞌchinchitënquëmahuëꞌ. “Co huachi noya imamaraihuëꞌ,” taꞌtoi, Timotio aꞌpatërainquëmaꞌ.