1 Tesalonicenses 2:2 - Chayahuita (Shahui)

² Piriposëquë aꞌchinapiraihuëꞌ, noꞌhuitonacoi, chiníquën aparisitërinacoi. Inapotopirinacoihuëꞌ, canpitataquë canconpatëira, co tëꞌhuaraihuëꞌ. “Yosë catahuarincoi,” taꞌtoi, Quisocristo nanamën aꞌchintërainquëmaꞌ. Aꞌnapita noꞌhuipirinacoihuëꞌ, chiníquën cancantatoi, pënënainquëmaꞌ.

1 Tesalonicenses 2:2 ပူးပေါင်းရင်းမြစ်များ

Hechos 14:3

Huaꞌquiꞌ inaquë Paono yacapatërin. Pirnapirë chachin inaquë yaꞌhuëpi. Chiníquën cancantatonaꞌ, Siniorori nosororinsoꞌ shaꞌhuirápi. Noꞌtëquën shaꞌhuipi niꞌton, Siniorori catahuarin caniaꞌpiroꞌsaꞌ aꞌnaroáchin anoyatacaisoꞌ. Ina niꞌsahuatonaꞌ, “Tëhuënchachin Yosë catahuarinquëmaꞌ,” itopi.

Hechos 14:5

Cato chachin noya nipirinahuëꞌ, cotioroꞌsasoꞌ nisha piyapiꞌsarëꞌ napopianachin yonquiatonaꞌ, chinotopi ahuëcaisoꞌ. Huaꞌanoꞌsarintaꞌ noꞌhuipi. Naꞌpiquë yatëpapirinahuëꞌ,

Hechos 16:12

Nani Masitonia parti canconpatoira, ira paꞌtatoi, Piriposëquë canconai. Inasoꞌ panca ninanoꞌ. Copirnori acorinsoꞌ niꞌton, inaquë naꞌa Nomaroꞌsaꞌ yaꞌhuëpi. Huaꞌquimiáchin inaquë yaꞌhuërai.

Hechos 16:19

Huaꞌanënpitaso nipirinhuëꞌ noꞌhuitopi. “Co huachi ninorinhuëꞌ niꞌton, co huachi canarëhuahuëꞌ,” taꞌtonaꞌ, Paono, Sirasërë chachin masahuatonaꞌ, cachiquë quëpapi ninano huaꞌanoꞌsaꞌ nontacaiso marëꞌ.

Hechos 16:37

Paonoso nipirinhuëꞌ sontaroꞌsaꞌ itërin: —Co poꞌoana quëran paꞌsaraihuëꞌ. Quiyasoꞌ Noma piyapicoi nipiraihuëꞌ, naraquë huiꞌtonpirinacoi. Co coisëquë shaꞌhuirapiponaracoihuëꞌ, cachiquë chachin napotërinacoi. Ina quëran tashinan pëiquë poꞌmorinacoi. Noma piyapicoi niꞌtoi, co topinan anaꞌintinacoisohuëꞌ nipirinhuëꞌ. ¿Iporasoꞌ poꞌoana quëran yaocoiantarinacoi ti? ¡Coꞌchi nohuantëraihuë paya! Shaꞌhuitëquëꞌ inahuara chachin huëꞌinaꞌ. Aꞌninquëchin ocoiꞌinacoi, itërin.

Hechos 17:1

Ina quëran Anpiporisë naꞌhuëtahuatonaꞌ, Aporoniantaꞌ naꞌhuëtaantapi. Ina quëran Tisaronicaquë canconpi. Inaquë cotioroꞌsaꞌ niyontonpiso pëiꞌ yaꞌhuërin.

Hechos 17:17

Napoaton naꞌcon pënëntërin. Niyontonpiso pëiquë paꞌsahuaton, cotioroꞌsaꞌ aꞌchintërin. Cotioroꞌsa pochin chinotopisopitantaꞌ natanapi. Quisoso nanamën aꞌchintohuachina, ninontápi. Naporahuaton, nani tahuëriya cachiquë paꞌnin. Inaquë aꞌnaya aꞌnaya huëꞌpachinara, nontarin. Nisha piyapiꞌsantaꞌ natanapi.

Hechos 19:8

Huaꞌquiꞌ inaquë Paono yaꞌhuërin. Cara yoqui pochin cotioroꞌsaꞌ aꞌchintárin. Nani simana niyontonpiso pëiquë paꞌnin. Co tëꞌhuatonhuëꞌ, aꞌchintárin. “Yosë yahuaꞌanëntërinquëmaꞌ. Ina marëꞌ Quisoso aꞌpaimarin. Ina imacoꞌ,” itarin.

Hechos 4:13

Ina natanahuatonaꞌ, cotio huaꞌanoꞌsaꞌ ninontopi. “Isopitasoꞌ topinan piyapiꞌsaꞌ. Co maistroꞌsahuëꞌ. Co naꞌcon quirica nitotaponaraihuëꞌ, co tëꞌhuatërinënpoahuëꞌ. Maꞌpitacha nitotopi paya. Quisoso caꞌtanpi niꞌton, ina pochin cancantopi,” nitopi.

Hechos 4:31

Nani Yosë nontohuachinara, ina nohuanton, pëiꞌ nacon nacontarin. Ispirito Santori yaꞌipiya noyá yaꞌcoancantërin. Chiníquën cancantatonaꞌ, Yosë nanamën shaꞌhuirapi.

Hechos 5:41

Aꞌpahuachinara, pipipi. “Yosë noya niꞌnincoi niꞌtoi, Quisoso marëꞌ parisitërai,” taꞌtonaꞌ, capa cancantopi. Co mantaꞌ sëtopihuëꞌ.

Romanos 1:1

Ca Paonoco ninshitaranquëmaꞌ, niꞌcoꞌ. ¿Noyanquëmaꞌ canpitantaꞌ? Noya cantaꞌ yaꞌhuarahuë. Quisocristoíchin natërahuë. Ina acorinco paato nanamën aꞌchinaꞌhuaso marëꞌ. Yosë nohuanton, noya nanan aꞌchinárahuë.

2 Corintios 3:12

“Inaso co taꞌhuantarinhuëꞌ,” taꞌtoi, inasáchin aꞌchinarai. Co tëꞌhuatoihuëꞌ, yaꞌipi parti aꞌchinarai.

Colosenses 2:1

Naꞌcon iyaroꞌsaꞌ yonquiranquëmaꞌ. Naotisiaquë yaꞌhuëpisopitantaꞌ yonquirahuë. Naꞌaquëmaꞌ inatohuaꞌ yaꞌhuëramasopita co nohuitaponquëmarahuëꞌ, naꞌcon yonquiranquëmaꞌ. Co piꞌpisha tërantaꞌ nohuantërahuëꞌ nisha cancantacamasoꞌ. Napoaton ninshitaranquëmaꞌ.

1 Tesalonicenses 1:5

Quisocristo nanamën aꞌchintohuatëinquëmara, co topinan quëran aꞌchintërainquëmahuëꞌ. Ispirito Santo chachin catahuarincoi aꞌchinaꞌhuaisoꞌ. Canpitantaꞌ catahuarinquëmaꞌ noya natanacamaso marëꞌ. “Noꞌtëquën nontërinpoaꞌ,” taꞌtomaꞌ, yaꞌipi cancanëma quëran natëramaꞌ. Ina nicatoi: “Tëhuënchachin Yosëri huëntonënquë ayaꞌconin,” tënai. Canpitataquë yaꞌhuapoi, noya imarai canpitantaꞌ noya imacamaso marëꞌ.

2 Timoteo 1:12

Ina marëꞌ aparisitopirinacohuëꞌ, co tapanato yaaꞌporahuëꞌ. Quisocristo imamiatarahuë. Ina nohuitato, inasáchin natërahuë. Yaꞌipi nanitaparin. Nani shaꞌhuitërinco nanamën aꞌchinaꞌhuasoꞌ niꞌton, noya aꞌpaiarinco. Oꞌmantaquë huarëꞌ nanamën yaꞌhuëmiatarin, tënahuë.

Judas 1:3

Carinquëmaꞌ iyaroꞌsaꞌ nosororanquëmaꞌ. Iꞌhuamiáchin yonquirahuë ninshitaꞌhuanquëmaso marëꞌ. Yosë anoyacancantërinpoasoꞌ noya noya yaaꞌchintopiranquëmahuëꞌ, apira nanan natantërahuë. Aꞌnaquënsoꞌ nonpin nanan aꞌchintarinënquëmaꞌ, natantërahuë. Napoaton pënënaꞌhuanquëmasoꞌ yaꞌhuërin, tënahuë. Quisocristo nanamën noꞌtëquën aꞌchintërainquëmaꞌ. Yosë nohuanton, noꞌtëquën ninshitërai yaꞌipi imapisopita nitotacaiso marëꞌ. Nani yaꞌipiya nanamën anitotërinpoaꞌ. Inasáchin natëtomaꞌ, aꞌnapitantaꞌ aꞌchintocoꞌ noꞌtëquën yonquicaiso marë antaꞌ. Ama piꞌpian tërantaꞌ nisha aꞌchintocosohuëꞌ, tënahuë.