1 Tesalonicenses 1:6 - Chayahuita (Shahui)

⁶ Ina marëꞌ aparisitopirinacoihuëꞌ, noya cancantërai. Canpitantaꞌ Yosë nanamën noya natanamaꞌ. Imaramaso marëꞌ aparisitopirinënquëmahuëꞌ, Ispirito Santo catahuarinquëmaꞌ niꞌton, nóya cancantëramaꞌ. Quiya pochin cancantatomaꞌ, chiníquën cancantëramaꞌ. Nonanpatamacoi, Quisocristo chachin nonanaramaꞌ.

1 Tesalonicenses 1:6 ပူးပေါင်းရင်းမြစ်များ

Oseas 2:14

Inapotopirinacohuëꞌ, nanon nohuantohuachinara noyasha nontopiso pochin, israiroꞌsanta nitarahuë. Inotëro parti quëparëso pochin nitarahuë. Inaquë noya nontato achinicancanarahuë.

Mateo 16:24

Ina quëran yaꞌipi caꞌtanoꞌsanënpita itërin: —Yaimapatamaco, canpitaora nohuantëramasoꞌ naniantatomaꞌ, Yosë nohuantërinsoráchin imacoꞌ. Corosëquë chiníquën parisitërëꞌ. Canpitantaꞌ parisitapomarahuëꞌ, imamiatoco.

Juan 8:12

Ina quëran piyapiꞌsaꞌ aꞌchintantarin. —Casoꞌ aꞌpintatë pochin nicato, yaꞌipi piyapiꞌsaꞌ noꞌtëquën anitotarahuë. Imapatamaco, co huachi tashinan pochin cancantaramahuëꞌ. Tahuëri pochin cancantaramaꞌ. Ina pochin cancantohuatamaꞌ, Yosë nohuitatomaꞌ nanpimiataramaꞌ.

Hechos 13:52

Patopirinahuëꞌ, nani aꞌchintopi niꞌton, Quisoso imapisopitasoꞌ noya cancantopi. Ispirito Santori noyá yaꞌcoancantërin.

Hechos 5:41

Aꞌpahuachinara, pipipi. “Yosë noya niꞌnincoi niꞌtoi, Quisoso marëꞌ parisitërai,” taꞌtonaꞌ, capa cancantopi. Co mantaꞌ sëtopihuëꞌ.

Hechos 9:31

Ina quëran Quisoso imapisopita noya yaꞌhuapi. Co huachi insoari tërantaꞌ aparisitërinhuëꞌ. Cotia parti, Cariria parti, Samaria parti, inaquëpita sano yaꞌhuatonaꞌ, noya noya imasapi. “Sinioro chiníquën nanantërin,” taꞌtonaꞌ, nóya natëpi. Ispirito Santori catahuarin niꞌton, aꞌnapitanta imasapi.

Romanos 15:13

Yosëíchin tëhuënchachin catahuarinpoaꞌ chiníquën cancantacasoꞌ. Canpitantaꞌ catahuainquëmaꞌ nóya cancantacamaso marëꞌ. Asanocancainquëmaꞌ. Inasáchin yonquihuatamaꞌ, catahuarinquëmaꞌ. Ispirito Santo yaꞌipi nanitaparin. Catahuahuachinquëmaꞌ, chini chiníquën cancantatomaꞌ, noya ninaramaꞌ.

1 Corintios 11:1

Casoꞌ Quisocristo noya nonanahuë. Canpitantaꞌ nonanatomaco, noya nicoꞌ.

1 Corintios 11:2

Ma noyanquëmaꞌ iyaroꞌsaꞌ niꞌton, naꞌcon yonquiramaco. Yosë nanamën aꞌchintohuatënquëmara, noya natëramaco.

1 Corintios 4:16

Ina pochin cancantatomaco, nonanco, tënahuë.

2 Corintios 6:10

Sëtopiraihuëꞌ, Yosë yonquiatoi, noya cancantërai. Co naꞌcon maꞌsha yaꞌhuëtopirincoihuëꞌ, Yosë nanamën aꞌchintërai niꞌton, naꞌa piyapiꞌsaꞌ natëtonacoi, noya noya cancantapi. Co mantaꞌ yaꞌhuëtopirincoihuëꞌ, Yosë nohuitatoi, sano cancantërai. Co mantaꞌ noya nininsoꞌ pahuantërincoihuëꞌ.

2 Corintios 8:5

Co coriqui quëtacasoachin yonquipihuëꞌ. Yaꞌipi cancanëna quëran Yosë imapi. Inaꞌton yonquipi. Ina pochin cancantacasoꞌ noya noya, tënahuë. Ina quëran coriqui, maꞌsha, inapita quëtopi. Quiyantaꞌ yanatërinacoi. “Maꞌsona Yosë nohuantohuachin, shaꞌhuitocoi natëꞌi,” itërinacoi.

Gálatas 5:22

Nipirinhuëꞌ, Ispirito Santo natëhuatëhuaꞌ, catahuarinpoaꞌ ninosorocasoꞌ. Catahuahuachinpoaꞌ, Yosë nohuitatëhuaꞌ, capa cancantarihuaꞌ. “Yosë noya niꞌsarinco,” taꞌtëhuaꞌ, sano cancantarihuaꞌ niꞌton, noya ninicatëhuaꞌ yaꞌhuarihuaꞌ. Piyapiꞌsaꞌ noꞌhuipirinpoahuëntaꞌ, co yanoꞌhuirihuahuëꞌ. Maꞌsha onpohuatëhuantaꞌ, ahuantarihuaꞌ. Nosoroatëhuaꞌ, nóya nontarihuaꞌ. Ispirito Santo catahuahuachinpoaꞌ, noya nicarihuaꞌ. Noꞌtëquën nontarihuaꞌ; co piꞌpisha tërantaꞌ nonpintarihuahuëꞌ.

Efesios 5:1

Yosë nosoroatonpoaꞌ, huiꞌninpita pochin niꞌninpoaꞌ. Tatanpoaꞌ niꞌton, ina nonahuanꞌ.

Filipenses 3:17

Yaꞌipinquëmaꞌ iyaroꞌsaꞌ nonanco. Nicatahuacoꞌ ca pochachin imacamaso marëꞌ. Aꞌnaquën nani quiya pochin cancantapi. Inapitantaꞌ nicatomaꞌ, nonancoꞌ.

2 Tesalonicenses 1:4

Yaꞌipi parti Yosë imapisopita shaꞌhuitërai. “Tisaronicaquë yaꞌhuëpisopita noya imasapi. Imapiso marëꞌ naꞌcon aparisitopirinahuëꞌ: ‘Yosë co naniantarinpoahuëꞌ,’ taꞌtonaꞌ, ahuantapi. Co yaaꞌpopihuëꞌ. Maꞌsha onpoaponaraihuëntaꞌ, chiníquën cancantapi,” itërai. Noya natëramaꞌ niꞌton, noya cancantërai.

2 Tesalonicenses 3:7

Nani nitotëramaꞌ noya nicacamasoꞌ. “Nonancoi,” itërainquëmaꞌ. Canpitataquë yaꞌhuasocoi, co quiyasoꞌ topinan yaꞌhuëraihuëꞌ. Co chiroraihuëꞌ.

2 Tesalonicenses 3:9

Huaꞌquiꞌ aꞌchintërainquëmaꞌ niꞌton, noya topinan maꞌpatacaso nipirinhuëꞌ, co topinan maꞌparainquëmahuëꞌ. Sacatatoi, maꞌsha paꞌanai. Noya sacatërai nonanamacoiso marëꞌ.

2 Timoteo 4:2

Nanamën aꞌchináquëꞌ. Piyapiꞌsaꞌ yanatanpachinaꞌ, aꞌchintëquëꞌ. Sacaiꞌ aꞌchinacaso nipirinhuëꞌ, onpopiontaꞌ aꞌchináquëꞌ. Aꞌnaquënsoꞌ co yaimapachinahuëꞌ, noꞌtëquën shaꞌhuitëquëꞌ natëinaꞌ. Co noyahuëꞌ nipachinaꞌ, pënënquëꞌ. Noya nontëquëꞌ chiníquën cancantatonaꞌ, imainaꞌ. Yaꞌipi piyapiꞌsaꞌ aꞌchintëquëꞌ noya nicacaiso marëꞌ. Nipirinhuëꞌ, ama noꞌhuiquësohuëꞌ. Sanoanan quëran pënënquëꞌ.

Hebreos 10:34

Tashinan pëiquë poꞌmohuachinara, co tëꞌhuatomarahuëꞌ, nicapomaꞌ paꞌnamaꞌ. Paatomaꞌ, catahuaramaꞌ. Canpitantaꞌ imaramaso marëꞌ maꞌshanëmaꞌ osërëtopirinënquëmahuëꞌ, co sëtëramahuëꞌ. “Yosë chachin nohuitërëhuaꞌ. Nasha cancan quëtërinpoaꞌ. Co insontaꞌ nanitërinhuëꞌ inasoꞌ osërëtinpoasoꞌ,” taꞌtomaꞌ, nóya cancantëramaꞌ.

1 Pedro 1:6

Ina yonquiatomaꞌ, capa cancantaramaꞌ. Aꞌna tahuëri Yosë nohuanton, piꞌpian maꞌsha onporamaꞌ. Ipora chachin maꞌsha onpotopirinënquëmahuëꞌ, co huaꞌquiꞌ parisitaramahuëꞌ. Parisitapomarahuëꞌ, oꞌmantacasoꞌ tahuëri yonquiatomaꞌ, noya cancantocoꞌ.

1 Pedro 1:8

Quisocristo co onporontaꞌ quënanapomarahuëꞌ, nosororamaꞌ. Ipora huantaꞌ co nicapomarahuëꞌ, “Co nonpintarincohuëꞌ. Catahuarinco,” taꞌtomaꞌ, ina natëramaꞌ. Cancanëma quëran ina nohuitatomaꞌ, nóya cancantëramaꞌ. Ina yonquiatomaꞌ, capa cancantëramaꞌ.

1 Pedro 3:13

¡Noyasáchin nipatamaꞌ, co aꞌnapita yaiꞌhuërëtarinquëmahuëꞌ!

3 Juan 1:11

Ama iya co noyahuëꞌ nipisopita nonanquësohuëꞌ. Noya nipisopita nonanquëꞌ. Noya nipatëhuaꞌ, tëhuënchachin Yosë imarihuaꞌ. Co noyahuëꞌ nipatëhuaꞌ, co Yosë nohuitarihuahuëꞌ.