1 Tesalonicenses 1:4 - Chayahuita (Shahui)

⁴ Tata Yosë naꞌcon nosororinquëmaꞌ, iyaroꞌsaꞌ. Nani huayoninquëmaꞌ huëntonënquë yaꞌconacaso marëꞌ. Nani ina nitotërai.

1 Tesalonicenses 1:4 ပူးပေါင်းရင်းမြစ်များ

Romanos 1:7

Napoaton Nomaquë yaꞌhuëramasopita ninshitaranquëmaꞌ. Yosë paꞌpi nosororinquëmaꞌ. Nani acorinquëmaꞌ piyapinënpita nicacamasoꞌ. Niꞌton, inasáchin yonquicasoꞌ yaꞌhuërin. Tata Yosë inaora nohuanton, catahuainquëmaꞌ. Asanocancainquëmaꞌ. Quisocristontaꞌ inapochachin catahuainquëmaꞌ. Inasoꞌ huaꞌanëntërinpoaꞌ.

Romanos 9:25

Inapochachin iráca Osiasë ninshitërin. “Aꞌnaquën iráca co piyapinëhuëpitahuëꞌ nipirinahuëꞌ, iporasoꞌ piyapinëhuëpita pochin niꞌnahuë. Iráca co nosoropirahuëꞌ, iporasoꞌ nosororahuë huachi,” tënin Yosë, itërin.

Efesios 1:4

Coꞌhuara isoroꞌpaꞌ yaꞌhuëyátërasohuëꞌ, yonquiatonpoaꞌ, huayoninpoaꞌ nóya cancantacaso marëꞌ. Quisocristo imapatëhuaꞌ, oshanënpoaꞌ inquitatonpoaꞌ, Yosë nóya niꞌninpoaꞌ.

Colosenses 3:12

Yosë nosoroatonpoaꞌ, huayoninpoaꞌ noya nicacaso marëꞌ. Napoaton yaꞌipi piyapiꞌsaꞌ nosoroatomaꞌ, noya nontocoꞌ. Nasha aꞌmorëso pochin noyápiachin cancantocoꞌ. Ama nocantocosohuëꞌ. Nani tahuëriya yonquicoꞌ aꞌnapita catahuacaso marëꞌ. Sano nicatomaꞌ, noya nontocoꞌ. Maꞌsha onpoapomarahuëꞌ, ahuantocoꞌ.

2 Tesalonicenses 2:13

Canpitaso nipirinhuëꞌ iyaroꞌsaꞌ, imaramaꞌ. Sinioro nosororinquëmaꞌ. Iráca quëran huarëꞌ Yosë huayoninquëmaꞌ huëntonënquë yaꞌconacamaso marëꞌ. Noꞌtën nanan natëhuatamaꞌ, Ispirito Santo anoyacancantërinquëmaꞌ Yosë nohuantërinso chachin nicacamaso marëꞌ. Ina yonquiatoi, Yosë nontërai: “Ma noya Sinioro inapitasoꞌ nichaꞌëran niꞌton, ‘Yosparinquën,’ ” itërai, Yosë nontatoi.

1 Pedro 1:2

Iráca quëra huarëꞌ Tata Yosë nohuitërinquëmaꞌ. Nosoroatënquëmaꞌ, huayoninquëmaꞌ huëntonënquë yaꞌconacamaso marëꞌ. Ispirito Santo anoyacancantërinquëmaꞌ natëcamaso marëꞌ. Quisocristo corosëquë chiminin oshanëmaꞌ inquitiinquëmaso marëꞌ. Yosë nontëramaꞌ niꞌton, oshanëmaꞌ inquitërinquëmaꞌ. Yosë inaora nohuanton, noya catahuainquëmaꞌ. Asanocancainquëmaꞌ.

2 Pedro 1:10

Napoaton iyaroꞌsaꞌ, naꞌcon yonquicoꞌ yaꞌipi cancanëma quëran huarëꞌ imacamaso marëꞌ. Yosë huayonatënquëmaꞌ, nontërinquëmaꞌ niꞌton, noyá matërëso pochin imamiatocoꞌ. Inapohuatamaꞌ, co nisha cancantatomaꞌ, aꞌpoaramahuëꞌ.