1 Tesalonicenses 1:2 - Chayahuita (Shahui)

^2-3 Nani tahuëri canpita marëꞌ Yosë nontërai. Tata Yosë natëtomaꞌ, noya ninamaꞌ. Ninosoroatomaꞌ, naꞌcon nicatahuaramaꞌ. “Sinioro Quisocristo co onporontaꞌ naniantarinpoahuëꞌ. Inasáchin ninarëhuaꞌ,” taꞌtomaꞌ, chiníquën cancantëramaꞌ. Napoaton yonquiatëinquëmaꞌ, Tata Yosë nontërai: “Ma noya Tata catahuaran niꞌton, cancanëna quëran huarëꞌ imasarinënquën. Ina marëꞌ ‘Yosparinquën,’ itërainquën,” itërai Yosë nontatoi.

1 Tesalonicenses 1:2 ပူးပေါင်းရင်းမြစ်များ

Romanos 6:17

Iráca oshanëma natëtomaꞌ, co noyahuëꞌ nipiramahuëꞌ. Quisocristo nanamën aꞌchintohuachinënquëmara, noya natanamaꞌ. Yaꞌipi cancanëma quëran noya natëramaꞌ. Ina yonquiatëhuaꞌ, “Yosparinquën” itërëhuaꞌ Yosë.

1 Corintios 1:4

Quisocristo imapatamaꞌ, Yosë nosoroatënquëmaꞌ, catahuarinquëmaꞌ. Ina marëꞌ, “Yosparinquën,” itërahuë Yosë.

Colosenses 1:3

Canpita yonquihuatëinquëmara, naꞌcon Yosë nontarai. Inasoꞌ Sinioro Quisocristo paꞌpin. Cancanëma quëran huarëꞌ ina natëramaꞌ. Yaꞌipi Yosë piyapinënpitantaꞌ nosororamaꞌ, natantërai. Ina natantatoi, noya cancantërai. “Noya imarinënquën niꞌton, ‘Yosparinquën Sinioro,’ ” itërai.

1 Tesalonicenses 2:13

Yosë nanamën aꞌchintohuatëinquëmara, noya natanamaꞌ. “Co piyapi yonquirinsoꞌ aꞌchintërinpoahuëꞌ. Yosë nanamën chachin aꞌchintërinpoaꞌ,” tënamaꞌ. Tëhuënchachin Yosë nanamën niꞌton, ina natëhuatamaꞌ, nanamën quëran anoyacancantarinquëmaꞌ. Ina marëꞌ nani tahuëri “Yosparinquën,” itërai Yosë.

1 Tesalonicenses 3:9

Capa cancantërai niꞌton, ¿onporahuatëicha noya noya: “Yosparinquën Tata Yosë,” ichii? ¡Coꞌchi nanitëraihuë paya!

2 Tesalonicenses 1:3

Iporasoꞌ iyaroꞌsaꞌ noya noya imasaramaꞌ. Cancanëma quëran huarëꞌ ina natëramaꞌ. Naꞌcon naꞌcon ninosororamaꞌ niꞌton, nani tahuëri “Yosparinquën,” itërai Yosë. Ina naꞌcon catahuarinquëmaꞌ niꞌton, ina pochin nontacasoꞌ yaꞌhuërin. Ina Yosë nohuantërin.

Filemón 1:4

Nani tahuëri iyasha quëma marëꞌ: Yosë nontërahuë. Quisocristo noya natëran. Naporahuaton, yaꞌipi imapisopita nosororan, natantërahuë. Ina marëꞌ “Yosparinquën Sinioro,” itërahuë.